Mu kiganiro na Radio mpuzamahanga y\u2019abafaransa RFI, Thierry Vircoulon, umuyobozi wa porogaramu ireba Africa yo hagati muri International Crisis Group, yavuze ko Leta y\u2019Amerika yafatiye ibihano u Rwanda kubera gushaka kwiyerurutsa ngo andi mahanga abone ko hari icyo iyo Leta yakoze ku birego u Rwanda ruregwa byo gufasha M23.<\/p>\n
Thierry Vircoulon asanga ibihumbi 200 by\u2019amadolari (200 000$) ari igihano gito ndetse kitagize icyo kivuze ku Rwanda, ariko gishobora kugira uburemere mu rwego rwa politiki mpuzamahanga no kw\u2019isura y\u2019u Rwanda n\u2019abategetsi bayo muri rusange.<\/p>\n
Iyi mpuguke ibona amahanga yarashyigikiye Congo kubera ibimenyetso impuguke z\u2019umuryango w\u2019abibumbye zerekanye muri raporo yazo byashyiraga mu majwi u Rwanda mu gufasha inyeshyamba za M23. Hari ibihugu bimwe na bimwe bishyigikiye Leta y\u2019u Rwanda bitemera iriya raporo ariko bikanga kwiteranya n\u2019umuryango w\u2019abibumbye bikerekana ko bishyigikiye Leta ya Congo bya nyirarureshwa.<\/p>\n
Ni muri urwo rwego Leta y\u2019Amerika nayo yabaye nk\u2019iyemera iriya raporo bya nyirarureshwa igafata na biriya bihano ariko mu by\u2019ukuri bidafite icyo bivuze dore ko Leta y\u2019Amerika bivugwa ko yari yashatse kubuza iriya raporo irega u Rwanda gusohoka.<\/p>\n
Ku wa gatandatu tariki 21 Nyakanga 2012 nibwo Leta ya Amerika yatangaje ko mu gihe cy\u2019umwaka igabanyije ibihumbi 200 by\u2019amadolari (200 000$) ku nkunga yahaga u Rwanda mu guhugura ingabo zarwo.Twabibutsa ko ingengo y\u2019imali ya Minist\u00e8re y\u2019ingabo z\u2019u Rwanda ya 2012-2013 ingana na Miliyoni 88,3 z\u2019amadolari (88 300 000 $).<\/p>\n
Ababikurikiranira hafi basanga ibi bidakuraho ubucuti bw\u2019u Rwanda na Amerika, ahubwo ngo ni uburyo Amerika yakoresheje mu kwanga kwitandukanya n\u2019uko ibindi bihugu bibona intambara iri muri Congo. Mu gihe bizwi neza ko Amerika ariyo yatoje ingabo z\u2019u Rwanda ikaziha n\u2019intwaro mu bitero zagiye zigaba muri Congo kuva mu 1996.<\/p>\n
Kuri uyu wa gatatu tariki ya 25 Nyakanga 2012 Stephen Rapp uhagarariye Amerika muri Global Criminal Justice akaba yatangarije ikinyamakuru cyo mu Bwongereza the Guardian ko abayobozi b\u2019u Rwanda bashobora gukurikiranwa n\u2019Ubutabera mpuzamahanga ku byaha byo \u201cgufasha abakora ibyaha by\u2019intambara\u201d muri Congo babihereye kuri raporo ya UN ivuga ko u Rwanda rufasha abigometse muri Congo. Mbese nk\u2019uko byagendekeye uwahoze ari Perezida wa Liberia, Charles Taylor.<\/p>\n
Gushaka gukurikirana abategetsi b\u2019u Rwanda byatuma ibyaha by\u2019ubufatanyacyaha no kudatabara abari mu kaga bijya ku bayobozi cyangwa abigeze kuba abayobozi b\u2019ibihugu bya Leta Zunze z\u2019Amerika, u Bwongereza n\u2019ibindi bityo rero hakaba hari impungenge z\u2019uko Kagame azakomeza agakingirwa ikibaba.<\/p>\n
Marc Matabaro<\/strong><\/p>\n","protected":false},"excerpt":{"rendered":" Mu kiganiro na Radio mpuzamahanga y\u2019abafaransa RFI, Thierry Vircoulon, umuyobozi wa porogaramu ireba Africa yo hagati muri International Crisis Group,<\/p>\n","protected":false},"author":2,"featured_media":597,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,62],"tags":[],"class_list":["post-16589","post","type-post","status-publish","format-standard","has-post-thumbnail","hentry","category-akarere","category-politiki"],"yoast_head":"\n