Umugabo witwa Vital Karibwende afungiye kuri Station ya Polisi ya Busasamana mu karere ka Nyanza, nyuma y\u2019uko atawe muri yombi agerageza gusagarira Minisitiri w\u2019Intebe, Dr Habumuremyi Pierre Damien ubwo yari mu birori byo kwizihiza umunsi w\u2019umuganura.<\/p>\n
Karibwende utuye mu murenge wa Kanjongo mu karere ka Rusizi mu Ntara y\u2019Uburengerazuba, yahagurutse nta burenganzira abiherewe ava mu mwanya we ajya gusatira Minisitiri w\u2019Intebe ashaka kumuha ibitabo bitari bizwi bitanateganyijwe gutangwa muri gahunda.<\/p>\n
Yahagurutse ubwo itorero Inganzongari ryerekanaga imwe mu mbyino zaryo, inzego z\u2019umutekano zibonye zihita zimuhagarika ataragera ku cyo yashakaga gukora amugezeho, zimujyana ahiherereye guhatwa ibibazo.<\/p>\n
Abajijwe ubutumire bwamuzanye muri ibyo birori n\u2019icyo yashakaga kugeraho, yavuze ko yaje aturutse mu kirwa cya Nkombo bitewe n\u2019itangazo yumviye kuri Radio rimenyekanisha ko tariki 03\/08\/2012 Minisitiri w\u2019Intebe azitabira umuhango w\u2019Umuganura uzabera mu mu Ngoro yo mu Rukali.<\/p>\n
Yagize ati: \u201c Kuva icyo gihe nahise mfata gahunda yo kuzaboneka muri ibyo birori ndetse nitwaza n\u2019ibitabo bikubiyemo imishinga yanjye kugira ngo nzabimushyikirize amfashe kuyitera inkunga\u201d.<\/p>\n
Mu byo yafatanwe harimo ibyo bitabo yanditse byerekana umuco n\u2019amateka by\u2019abatuye ku Nkombo.Yasanganwe n\u2019ikarita y\u2019akazi yikoreye igaragaza ko ari umuyobozi ku giti cye w\u2019ingoro yitwa Ingobyi ikorera mu kirwa cy\u2019iwabo ku Nkombo.<\/p>\n
Yakomeje avuga ko indirimbo yabyinwaga n\u2019inganzongari yatumye ahimbarwa bituma ahaguruka, ahakana ko nta bugizi bwa nabi yari agambiriye. Yavuze ko yize amashuli atandatu yisumbuye, yubatse kandi afite n\u2019abana bane.<\/p>\n
Ibyangombwa bye byose byerekanaga ko akomoka mu kirwa cya Nkombo mu karere ka Rusizi, afite n\u2019umushinga wo kwiyubakira ku giti cye ingoro yerekana umuco n\u2019amateka by\u2019abatuye ku Nkombo mu kirwa yavukiyemo.<\/p>\n
Uwo mushinga we kugira ngo ugerweho uzatwara miliyoni zisaga Zirindwi z\u2019amafaranga y\u2019u Rwanda, nk\u2019uko biboneka mu nyigo yari ikubiye muri ibyo bitabo yeretse inzego z\u2019umutekano.<\/p>\n
Nyuma yo guhatwa ibibazo, yurijwe imodoka ajya kuba acumbikiwe n\u2019inzego z\u2019iperereza mu gihe iperereza rigikomeza.<\/p>\n
Bamwe mu babonye ibyo biba, byabateye urujijo, nk\u2019uko byatangajwe n\u2019umwe muri bo.<\/p>\n
Ati: \u201cUriya mugabo bigaragara neza ko ajijutse ariko ntabwo byumvikana neza ukuntu yashatse kugaragaza ibyifuzo bye byo guterwa inkunga ku mushinga avuga ko afite arogoye ibirori ndetse asagariye minisitiri w\u2019intebe\u201d.<\/p>\n
Hagati aho Komanda wa Polisi mu karere ka Nyanza ushinzwe umutekano w\u2019abantu, yatangaje ko hari ubundi buryo bwemewe yari gukoresha akagera kuri Minisitiri w\u2019intebe atamusagariye mu birori, ageretseho no gushaka kwiba umugono inzego z\u2019umutekano.<\/p>\n
Ikindi cyatumye uwo mugabo arushaho gukekwa ni uko atigeze asaba umwanya abari bashinzwe ibyo birori, ahubwo we agahengera itorero ribyina akaryihisha inyuma ashaka kugaragaza ko bari kumwe nyamara ntaho bahuriye.<\/p>\n
Jean Pierre Twizeyeyezu<\/p>\n
Source:Kigali today<\/em><\/p>\n","protected":false},"excerpt":{"rendered":" Umugabo witwa Vital Karibwende afungiye kuri Station ya Polisi ya Busasamana mu karere ka Nyanza, nyuma y\u2019uko atawe muri yombi agerageza gusagarira Minisitiri w\u2019Intebe, Dr Habumuremyi Pierre Damien ubwo yari mu birori byo kwizihiza umunsi w\u2019umuganura.<\/p>\n","protected":false},"author":2,"featured_media":823,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64,62],"tags":[],"class_list":["post-16592","post","type-post","status-publish","format-standard","has-post-thumbnail","hentry","category-amakuru","category-politiki"],"yoast_head":"\n