Ihuriro ry\u2019Inyabutatu-RPRK rirashimira abanyamuryango baryo bose baba abaherereye mu biyaga bigari n\u2019ahandi hose ku migabane y\u2019Isi kubera umuhate n\u2019umurava bakomeje kugaragaza muri gahunda biyemeje yo gusubizaho Ubwami bugendera ku itegekonshinga mu Rwanda.<\/p>\n
Mugihe imbaga y\u2019inyabutatu nyarwanda y\u2019ibumbiye mu Ihuriro ry\u2019Inyabutatu-RPRK ishishikajwe no gusubizaho ubwami bugendera ku itegekonshinga mu Rwanda, itahuka ry\u2019impunzi z\u2019abanyarwanda ku bushake bwabo, n\u2019itahuka ry\u2019Umwami Kigeli wa 5 Ndahindurwa nk\u2019umukuru w\u2019igihugu, hari ba kidobya bakomeje umugambi wabo mubisha wo kurwanya gahunda z\u2019Ihuriro ry\u2019Inyabutatu-RPRK.<\/p>\n
Bamwe mu bagamije inyungu zabo bwite batanifuza ko hasubiraho ubwami bugendera ku itegekonshinga mu Rwanda kandi bakomeje kugenda babeshya abantu ko babushyigikiye nibo ubu basigaye bagenda bakwirakwiza ibihuha ngo abaharanira gusubizaho ubwami bugendera ku itegekonshinga mu Rwanda (Ihuriro ry\u2019Inyabutatu-RPRK) ngo Umwami ntabazi, Ibyiza Ihuriro ry\u2019Inyabutatu-RPRK rigezeho byo bakabyiyitirira, ubundi bakicara bahimba icyakwanduza isura y\u2019Ihuriro ry\u2019Inyabutatu-RPRK.<\/p>\n
Kubera izo mpamvu zivuzwe haruguru, Ihuriro ry\u2019Inyabutatu-RPRK ryifuje kubagezaho ibi bikurikira:<\/p>\n
1. Umwami Kigeli wa 5 Ndahindurwa uri mu buhungiro muri leta zunze Ubumwe z\u2019America azi Ihuriro ry\u2019Inyabutatu-RPRK riharanira gusubizaho ubwami bugendera ku itegekonshinga nkuko azi andi mashyaka, amashyirahamwe n\u2019amahuriro ya politike yaba ari mu Rwanda no hanze y\u2019u Rwanda.<\/p>\n
2. Nimuri urwo rwego Umwami Kigeli wa 5 Ndahindurwa wabaye Umwami wambere w\u2019u Rwanda warahiriye kuba Umwami ugendera ku itegekonshinga taliki 09 Ukwakira 1959 ativanga muri politike, nta n\u2019ishyaka abamo. Ni muri urwo rwego, amashyaka cyangwa amahuriro ya politike atabanza kumenywa n\u2019Umwami Kigeli wa 5 kugirango abone kubaho cyangwa atabaho ngo ni uko atazwi n\u2019Umwami.<\/p>\n
3. Ihuriro ry\u2019Inyabutatu-RPRK ririgenga, kimwe n\u2019andi mashyaka cyangwa amahuriro ya politike, ibikorwa by\u2019Ihuriro ry\u2019Inyabutatu-RPRK bikorwa n\u2019ubuyobozi bw\u2019Ihuriro bufatanyije n\u2019imbaga y\u2019Inyabitatu yibumbiye mw\u2019Ihuriro ry\u2019Inyabutatu-RPRK. Uko Umwami Kigeli wa 5 ativanga mu bikorwa by\u2019amashyaka aharanira impindura matwara mu Rwanda ninako ativanga mu bikorwa by\u2019Ihuriro ry\u2019Inyabutatu-RPRK.<\/p>\n
4. Abo bagenda bahwihwisa ko ngo Umwami Kigeli wa 5 ntazi Ihuriro ry\u2019Inyabutatu-RPRK riharanira gusubizaho ubwami bugendera ku Itegekonshinga mu Rwanda, bimaze kumenyekana ko bateganya kuzabeshya abanyarwanda ko ngo Umwami azi kandi ashyigikiye ishyaka runaka, bagamije kwerekana ko Umwami yivanga muli politike akaba nyine ataba yubahirije inshingano ze z\u2019Umwami ugendera ku itegekonshinga.<\/p>\n
I cyo buri munyarwanda wese agomba kumenya ni uko Umwami ugendera ku itegeko nshinga nta shyaka narimwe abamo cyangwa yabogamiraho.<\/p>\n
5. Ihuriro ry\u2019Inyabutatu-RPRK ryongeye kumenyesha abanyamuryango baryo bose ko nta muntu ku giti cye Ihuriro riharanira, Ihuriro ry\u2019Inyabutatu-RPRK riharanira inyungu rusange z\u2019abanyarwanda arizo:<\/p>\n
– Gusubizaho ubwami bugendera ku itegekonshinga mu Rwanda,<\/p>\n
– Itahuka ry\u2019Umwami Kigeli wa 5 Ndahindurwa nk\u2019Umukuru w\u2019igihugu,<\/p>\n
– Itahuka ry\u2019impunzi zose z\u2019abanyarwanda ku bushake bwabo.<\/p>\n
Naho abo bose bagenda bahwihwisa ibihuha, bagomba kumenya ko Ihuriro ry\u2019Inyabutatu-RPRK atari igikoresho cy\u2019umuntu uwariwe wese ku giti cye.<\/p>\n
6. Ihuriro ry\u2019Inyabutatu-RPRK rirasaba abanyamuryango baryo bose ko bima amatwi ndetse bakamagana abo bose ba rusahurira mu nduru babayobya bitwaje iyi mvugo itangajwe muri iri tangazo haruguru. Baca umugani mu Kinyarwanda ngo \u201cnta bukwe butahwa butagezwe indyankwi\u201d.<\/p>\n
Twese hamwe tuzatsinda.<\/p>\n
Eugene Nkubito<\/strong><\/p>\n Chairman<\/p>\n Ihuriro ry\u2019Inyabutatu-RPRK<\/p>\n","protected":false},"excerpt":{"rendered":" Ihuriro ry\u2019Inyabutatu-RPRK rirashimira abanyamuryango baryo bose baba abaherereye mu biyaga bigari n\u2019ahandi hose ku migabane y\u2019Isi kubera umuhate n\u2019umurava bakomeje kugaragaza muri gahunda biyemeje yo gusubizaho Ubwami bugendera ku itegekonshinga mu Rwanda.<\/p>\n","protected":false},"author":2,"featured_media":2123,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-16650","post","type-post","status-publish","format-standard","has-post-thumbnail","hentry","category-politiki"],"yoast_head":"\n