Urugaga rw\u2019abikorera (PSF), kuri uyu wa 8 Ukuboza 2012, rwagiranye ikiganiro na Perezida wa Repubulika gisanzwe kiba mu mpera z\u2019umwaka, muri iki kiganiro cyitabiriwe n\u2019abandi bayobozi bakuru b\u2019igihugu ndetse n\u2019abikorera baturutse mu gihugu hose. Mu biganiro hibanzwe cyane mu gushora imari hagamijwe iterambere muri rusange.<\/p>\n
Uyu muhango watangijwe n\u2019umunota wo kwibuka nyakwigendera Madamu INYUMBA Aloisea, abari aha bakaba bagaragaje ko bifatanije n\u2019umuryango we n\u2019abanyarwanda muri rusange mu kababaro ko kubura uwari Minisitiri w\u2019Uburinganire n\u2019iterambere ry\u2019umuryango.<\/p>\n
Umuyobozi wa PSF, Faustin Mbundu yatangije iki kiganiro agaragaza aho urwego rwabikorera rugeze rwihutisha iterambere mu Rwanda ariko anagaragaza imbogamizi zirimo ubumenyi buke bw\u2019abakozi ku isoko ry\u2019umurimo.<\/p>\n
Minisitiri w\u2019ubucuruzi n\u2019inganda KANIMBA Fran\u00e7ois, yabwiye abikorera ko ingufu badahwemo gukoresha arizo zituma u Rwanda ruzamuka neza mu iterambere rwirinda gusabiriza;yaboneyeho n\u2019umwanya wo gushimira Perezida wa Repubulika wari umushyitsi mukuru muri iyi gahunda ku ruhare rwe mu guteza imbere no korohereza abikorera.<\/p>\n
President Paul Kagame we yatangaje ko abikorera ku giti cyabo aribo bakwiye gushingirwaho mu guhindura imibereho y\u2019abanyarwanda muri rusange, hibanzwe ku kuzamura ubushobozi bw\u2019umuturage wo hasi akagera ku kwifasha we ubwe kurambye.<\/p>\n
Paul Kagame yakomeje akangurira abikorera gushyira hamwe bagashaka umuti w\u2019ibibazo muri rusange aho gushaka umuti ku bibazo bya buri muntu ku giti cye. Yatangaje kandi ko ubu urugero u Rwanda rugezeho rwiteza imbere ari rwiza ariko kandi inzira ikiri ndende.<\/p>\n
Muri iki kiganiro abikorera bahawe umwanya wo kuganira na Perezida Kagame, abafashe ijambo bagaragaje imbogamizi n\u2019inzitizi mu gukomeza gutera imbere, aha bavuzemo nko gutinda kwishyurwa igihe bakoze amasoko ya Leta kandi bo iyo batinze kurangiza isoko batsindiye bacibwa amande.<\/p>\n
Perezida Kagame yabasabye kutitwaza gutinda kwishyurwa ngo nabo batinze services ko ahubwo bakomeza gukora neza ahubwo Leta nayo ikihutisha iyishyurwa ry\u2019abayihaye servisi nziza.<\/p>\n
Abikorera bagarutse ku ishoramari mu ngufu zitanga umuriro w\u2019amashanyarazi, bagaragaza ko bihenze cyane kandi nta cyizere kirambye abashoramari baba bafite, bityo bagasaba Leta kuborohereza hashyirwaho uburyo bwihariye kuko ikibazo cy\u2019ingufu giteye inkeke mu nganda; Paul Kagame yabwiye abikorera ko nabo bashobora kwishyira hamwe bakavamo umuti w\u2019iki kibazo bafashijwe n\u2019inzego bireba.<\/p>\n
Ibindi bibazo byagarutsweho n\u2019ibibazo by\u2019ubuvuzi abikorera bagaragaza ko bashora imari muri uru rwego nyamara ntibabone abakozi b\u2019abanyarwanda babyize neza bityo kuzana abanyamahanga bikaba bibahenda, Perezida wa Repubulika yabasubije ko ibyo bibazo bijyanye n\u2019ubumenyi budahagije ku isoko ry\u2019umurimo bikwiye kwigwaho kubufatanye bw\u2019impande zombi.<\/p>\n
Urugaga rw\u2019abikorera (PSF) rwateguye iki kiganiro mu rwego rwo kungurana ibitekerezo hagamijwe kongera umuvuduko mu iterambere rinyuze mu ishoramari ry\u2019abanyarwanda riteza imbere umuturage wese.<\/p>\n
Asoza iki kiganiro President Kagame yavuze ko ibiganiro nk\u2019ibi ari uburyo bwiza bwo kureba ibiba bigomba gukorwa ngo uru rwego rukomeye mu iterambere ry\u2019igihugu rutere imbere.<\/p>\n
UMUSEKE.COM<\/p>\n