Nyuma y\u2019inkuru nyinshi zisohoka mu binyamakuru bitandukanye zivuga ku bijyanye n\u2019ihangana hagati ya Leta ya Kigali ihagarariwe n\u2019Ambasade n\u2019amashyaka ya opposition akorera cyane cyane mu gihugu cy\u2019u Bubiligi, twifuje kuganira n\u2019umuhuzabikorwa w\u2019ihuriro nyarwanda RNC mu gihugu cy\u2019u Bubiligi, Bwana Jean Marie Micombero dore ko hari hashize n\u2019igihe gito ashyizwe mu majwi mu nyandiko\u00a0yakwiriye ku mbuga z\u2019amakuru ikaza no kugera ku rubuga igihe.com\u00a0yanditswe n\u2019uwiyita Mutabazi Jules ariko mu by\u2019ukuri ari uwitwa Joseph Uwamungu, maneko muri Ambasade y\u2019u Rwanda mu Bubiligi akaba na musanzire wa Jack Nziza.<\/p>\n
Twatangiye ikiganiro tubaza Bwana Micombero, ibijyanye n\u2019amacakubiri abantu bamwe bavuga ko ari mu nzego z\u2019ihuriro Nyarwanda RNC mu gihugu cy\u2019u Bubiligi, Bwana Micombero yadusubije ko koko habayeho kutishima ku bantu bamwe na bamwe bari bahinduriwe imirimo ariko guhindura ubuyobozi mu mashyirahamwe ya politiki ni ibintu bisanzwe ku buryo abantu batagombye kubibonamo ibibazo buri gihe. Kuri we ngo ubuyobozi bugomba kuba bushingiye ku bitekerezo budashingiye ku muntu runaka ku buryo umuntu yava mu mwanya we cyangwa akava mu ihuriro bitagombye gutera ikibazo, ngo abantu bagomba kugana ihuriro badakurikiye umuntu ahubwo bakurikiye ibitekerezo n\u2019icyo rishobora kubagezaho.<\/p>\n
Twifuje kumenya icyakurikijwe kugira ngo Bwana Micombero n\u2019abandi bari mu buyobozi bwa RNC mu Bubiligi bagere kuri iyo myanya, kuri iyi ngingo yatubwiye ko RNC ikiyubaka, kimwe n\u2019imiryango yindi ikiyubaka bisaba ko ibanza kugira inzego zihamye kugira ngo hashobore kuba amatora bahitemo abayobozi.<\/p>\n
Twamubajije kandi uko abona Bwana Kazungu na bagenzi be bahoze mu buyobozi bwa RNC mu Bubiligi. Kuri iki kibazo Bwana Micombero yagize ati:<\/p>\n
\u201dbakoze akazi gakomeye ko gutangiza inzego za RNC mu Bubiligi no gukangurira abanyarwanda kwitabira RNC ku bwinshi kandi turabibashimira cyane ariko kubera ko ihuriro rigenda rikura byabaye ngombwa ko RNC yongera ingufu mu buyobozi bwayo ishyiramo abantu bashya bafite ubumenyi kandi b\u2019inararibonye kugira ngo hanozwe imikorere dore ko mu gihugu cy\u2019u Bubiligi ari ahantu hatuye abanyarwanda benshi hagomba gushyirwa ingufu nyinshi.\u201d<\/em><\/p>\n Ku bijyanye n\u2019aho ibintu bijya kuba nka bombori bombori byaturutse, Bwana Micombero asanga ngo Ambasade y\u2019u Rwanda yarashatse kwitwaza iyegura rya ba Kazungu kugira ngo ishyireho ikindi gice cya RNC kirwanya RNC nyakuri ariko uko bigaragara ba Kazungu basa nk\u2019aho batitabiriye iyo gahunda Leta ya FPR yashakaga kubashoramo n\u2019ubwo Ambasade ntako itagize dore ko n\u2019umukuru w\u2019inzego z\u2019iperereza zo hanze z\u2019u Rwanda Colonel Francis Mutiganda yari mu Bubiligi icyo gihe.<\/p>\n Ariko Bwana Micombero asanga ngo n\u2019ubwo bwose habaye utwo tubazo ba Kazungu bafatwa nk\u2019abanyamuryango ba RNC kuko basezeye ku myanya yabo ntabwo basezeye muri RNC ndetse imiryango ngo irafunguye ntawe uhejwe cyangwa ngo hagire uhatirwa kuguma muri RNC, ngo ba Kazungu nibabishaka bazakomeza gufatanya n\u2019abandi kuko ibitekerezo byabo nabyo birakenewe.<\/p>\n Ku bijyanye n\u2019ibyavuzwe ko ngo haba hari igitugu no gutoteza bikorwa n\u2019abayobozi ba RNC mu Bubiligi barimo na Bwana Micombero, yadusubije agira ati:<\/p>\n \u201dRNC harimo ubwubahane no guha agaciro buri gitekerezo cya buri muntu, nta gitugu gihari cyangwa gushyiraho igitutu abayoboke kuko baba baraje ku bushake kandi n\u2019igihugu turimo ntabwo amategeko yacyo yatwemerera imikorere nk\u2019iyo yo gutoteza abantu.\u201d<\/em><\/p>\n Bwana Jean Marie Micombero yakomeje atugezaho ibyagezweho mu mezi nka 6 ashize byaje byiyongera kubyari byarakozwe mbere n\u2019abamubanjirije mu buyobozi bwa RNC mu Bubiligi:<\/p>\n -Hashyizwe ingufu nyinshi mu bukangurambaga (Sensibilisation) ibyo byatumye umubare w\u2019abayoboke wiyongera ku buryo bugaragara.<\/p>\n -Hashyizweho amatsinda (Structures), y\u2019abategarugori, y\u2019urubyiruko, yo gushaka umutungo, y\u2019ubukangurambaga, y\u2019ibijyanye na diplomasi..<\/p>\n -Hashyizwe imbaraga mu mibanire myiza n\u2019andi mashyirahamwe ya politiki nka Fdu-Inkingi ndetse n\u2019amashyirahamwe ategamiye kuri Leta (soci\u00e9t\u00e9 civile), habayeho gufatanya mu myigaragambyo cyane cyane igikorwa cyo kujya imbere ya Ambasade y\u2019u Rwanda i Buruseli buri wa kabiri (sit-in), iki gikorwa cyagize ingaruka zigaragara ku mikorere ya ambasade y\u2019u Rwanda i Buruseli kuko ntabwo yakira abantu bayisura ku wa kabiri ku buryo hashoboye kubaho icyo gikora cya Sit-in imbere y\u2019Ambasade buri munsi bishobora kubangamira imikorere y\u2019ambasade ku buryo bugaragara.<\/p>\n -Diplomasi ihagaze neza kuko kugaragaza isura mbi ya Leta ya Kigali byagize ingaruka nyinshi zirimo n\u2019ibihano byo guhagarikira Leta y\u2019u Rwanda imfashanyo no kuyiha akato<\/p>\n -Ukwishyira ukwizana no gutanga ibitekerezo nibyo bayshyizwe imbere ku buryo abayoboke bakanguriwe Demokarasi, kubahana no guha buri wese agaciro ku buryo 2013 hazakoreshwa ibitekerezo byatanzwe n\u2019abanyamuryango mu manama atandukanye yagiye aba.<\/p>\n -Kwereka abayoboke ingorane bazahura nazo nibaba abayoboke ba RNC n\u2019uburyo bashobora guhangana nazo, zimwe muri izo ngorane ni nko: kwicwa, gutotezwa bo n\u2019imiryango yabo, ibinyoma n\u2019impuha, guteza amacakubiri<\/p>\n Muri rusange ngo umwaka wa 2012 waranzwe n\u2019ibikorwa byinshi bitandukanye birimo: imyigaragambyo myinshi, kwibukiraha hamwe abahutu n\u2019abatutsi, kwizihiza imyaka 50 y\u2019ubwigenge, kujyana ikirego kirega Perezida Kagame i La Haye n\u2019ibindi<\/p>\n Twashatse kumenya ingamba ihuriro nyarwanda mu gihugu cy\u2019u Bubiligi ryaba rifite mu mwaka dutangiye wa 2013, Bwana Micombero yakomeje adusobanurira agira ati:<\/p>\n -Duteganya gushimangira ibyatangiwe bikanagerwaho muri 2012<\/p>\n -Gukora ibishoboka ngo abayoboke biyongere hakoreshejwe ubukangurambaga (sensibilisation) (kwerekana gahunda ya politiki y\u2019ihuriro, ibyo twageza ku banyarwanda dushingiye ko ibyiza byinshi bijejwe na Leta ya FPR ntigire ubushake bwo kubigeraho, kwereka abanyarwanda isura nyayo y\u2019ibibazo bafite, gushirika ubwoba bajya muri gahunda zo kwipakurura ubutegetsi bubi, gukangurira abayoboke gukurikira no gusesengura amakuru bakamenya gutahura ibinyoma n\u2019amacenga agamije kubasubiza inyuma..)<\/p>\n -Diplomasi (kwegera ibihugu, imiryango mpuzamahanga ikorana n\u2019u Rwanda, kugaragaza isura mbi y\u2019ubutegetsi bw\u2019u Rwanda, herekanwa ko hari abanyarwanda bifuza amahinduka na demokarasi bashobora gukora neza kurusha FPR, gusaba amahanga ko mbere yo gusubiza Leta y\u2019u Rwanda imfashanyo zahagaritswe iyo Leta yasabwa gufungura urubuga rwa politiki igahagarika gutoteza abatavugarumwe n\u2019ubutegetsi birimo kurekura abanyapolitiki n\u2019abanyamakuru bafunze nta mananiza, gushimangira imibano myiza na soci\u00e9te civile n\u2019andi mashyirahamwe mu Burayi, gusaba amahanga gukomeza kotsa igitutu leta ya Kagame yatandukiriye ikajyaguteza akaduruvayo mu bindi bihugu by\u2019abaturanyi, kwagura ubufatanye n\u2019andi mashyaka ya politiki ya opposition kugira ngo imbaraga zibe nyinshi n\u2019ibindi<\/p>\n -Gushakisha ubushobozi mu bayoboke,mu banyarwanda no mu nshuti za RNC, dusobanurira abanyarwanda ko bagomba gushyigikira amahinduka azabageza ku burenganzira nyabwo, bagira icyo bagenera ihuriro kugira ngo rishobore kugira umutungo warifasha mu mikorere yaryo.<\/p>\n -Gukangurika abayoboke b\u2019ihuriro kwibona cyane mu ihuriro kurusha kwibona mu bantu, ihuriro rigahabwa agaciro kurusha abantu ku giti cyabo. Mu kuganiro cyacu kandi twifuje kubaza Bwana Micombere icyo atekereza ku nyandiko yakwijwe ku mbuga z\u2019amakuru zirimo na igihe.com, aho bivugwa ko yaba afitanye umubano udasanzwe n\u2019umunyarwandakazi witwa Nadine Gakarama.<\/p>\n Kuri icyo kibazo, Bwana Micombero yasubije ko ibyo ari ibinyoma bigamije gusebanya gusa ku buryo ntawe wakagombye kubiha agaciro ngo bimuteshe umwanya we. Yagize ati:<\/p>\n \u201dUriya wiyita Jules Mutabazi wanditse iriya nyandiko ubwe ni maneko wa ambasade y\u2019u Rwanda ku buryo akazi ke ari ukugerageza kuturwanya uko ashoboye kose. Ibyo avuga rero ntawakagombye kubitindaho ngo abihe agaciro kuko ni ibinyoma by’ibihimbano. Icyo nabivugaho gusa ni uko ari igikorwa kigayitse giteye isoni kirimo ikinyabupfura gike, kwibasira abategarugori, tutibagiwe no gushaka gusenya umuryango nko kuri njye wubatse. Ikindi ngaya n’uburyo abanyamakuru b’igihe.com batangaje inkuru batabanje kumbaza cyangwa ngo babaze uriya mudamu ngo bumve icyo tubivugaho”<\/em><\/p>\n Twifuje kumenya kandi uburyo ihuriro nyarwanda RNC ryitwara ku bibazo bijyanye n\u2019amacakubiri ashingiye ku moko akunze kugaragara mu guhugu cy\u2019u Bubiligi. Yadusubije ko amoko yose RNC iyakomeyeho nta vangura riyirangwamo, byaba mu rubyiruko n\u2019abakuru, RNC ngo yakuyeho urwikekwe ku buryo abanyarwanda b\u2019amoko yose bari muri RNC bajya mu tubari tumwe, ibirori bimwe, bitabira gahunda zo kugabanya urwikekwe hagati y\u2019abahutu n\u2019abatutsi no gusabana.<\/p>\n Twabajije kandi Bwana Micombero icyo atekereza ku byavuzwe na Ambasaderi Robert Masozera, aho yabwiye ikinyamakuru igihe ko umwaka 2012 utoroheye opposition ndetse na 2013 ari ko bishobora kugenda. Bwana Micombero mu gusubiza yagize ati:<\/p>\n \u201dIbyatangajwe na Ambasaderi Masozera ntabwo bishingiye bipimo bifatika, ubundi yakabaye ashingira kuri gahunda yateganije akabigeranya n\u2019ibyo yagezeho, ikigaragara yafashe umwanya wo kujora ibyakozwe na opposition kandi atazi gahunda yayo, ntiyigeze atangariza abanyarwanda ibyo yagezeho ku birebana na gahunda nyamukuru za Ambasade zirimo:<\/em> Ntawe bitagaragarira kw\u2019iyo ngingo yo kugaragaza isura nziza y\u2019u Rwanda yamunaniye ikibigaragaza n\u2019uko ibihugu n\u2019imiryango mpuzamahanga byinshi byahagarikiye u Rwanda imfashanyo kubera ibikorwa by\u2019ubugizi bwa nabi u Rwanda rwagaragayemo muri Congo.<\/em><\/p>\n Igihugu ahagarariye cyabaye kw\u2019isonga mu kubangamira uburenganzi bwa muntu n\u2019ubw\u2019abanyamakuru nk\u2019uko bigaragazwa na za raporo z\u2019imiryango itandukanye (nka Amnistie internationale, Human rights watch, Reporters sans fronti\u00e8res n\u2019iyindi.) ku buryo ibihugu by\u2019i Burayi birimo n\u2019u Bubirigi, igihugu ahagarariyemo u Rwanda, bitagishidikanya ko mu Rwanda hari ubutegetsi bw\u2019igitugu.<\/em><\/p>\n Nyuma yo kunanirwa gushyira mu bikorwa gahunda zo guhitana abatavuga rumwe na Leta bari mu Bubiligi hakoreshejwe ibyiswe amarozi akoreshwa na Leta kimwe n\u2019ubundi bugizi bwa nabi yahisemo kwiyambaza intwaro yo gukoresha ibinyoma asebya opposition n\u2019abayigize, kubatezamo umwiryane hakoreshejwe ibihuha akwirakwiza mu binyamakuru biri mu kwaha kwa Leta y\u2019u Rwanda. Ibi bikaba nko kwikura mu isoni imbere ya shebuja kubera ko yananiwe gukuraho sit-in ibangamiye ku buryo bukomeye ibikorwa bya ambasade y\u2019u Rwanda mu bubiligi kandi iyo sit-in ikorwa mu mahoro hatiriwe hacukurwa indaki nk\u2019uko abayobozi b\u2019u Rwanda badasiba gukangisha indaki kandi twe tugamije inzira y\u2019amahoro.<\/em><\/p>\n Aho kubungabunga inyungu z\u2019abanyarwanda bose baba mu Bubiligi icyo yibanzeho n\u2019ukuba ambasaderi w\u2019abayoboke ba FPR gusa. Ikibigaragaza n\u2019uko ambasade yabaye kw\u2019isonga mu kurwanya abanyarwanda batari muri FPR, yirirwa igura abanyarwanda kugira ngo bave muri opposition bayoboke FPR aho kugira ngo bayoboke FPR kubera gahunda nziza yaba ifite, Ambasade niyo iha uburyo bw\u2019amafaranga n\u2019ibindi intumwaza za Leta ya Kigali ziza gutoteza abatavuga rumwe nayo, ntawe utazi ko amakonti ya ambasade afunze kubera ibikorwa by\u2019ubwambuzi igihugu ahagarariye cyakoreye umwe mu banyarwanda uri mu bubiligi yakagombye kuba ashinzwe kubungabunga inyungu ze.<\/em><\/p>\n Twamugira inama y\u2019uko niba ari ambasaderi w\u2019u Rwanda yaba uw\u2019abanyarwanda bose harimo na opposition usibye impunzi wenda zahunze itotezwa rya Leta ahagarariye cyane cyane ko n\u2019itegeko nshinga ry\u2019u Rwanda ryemera ko habaho opposition, byaba byiza yitandukanije n\u2019ibyo bikorwa by\u2019urukozasoni kuko bikomeza kwangiza isura y\u2019igihugu cyane cyane yakabaye yiga amasomo afite imbere ye y\u2019uburyo demokarasi ikora mu bihugu byateye imbere birimo kubaha opposition dore ko ububiligi bwamubera urugero rwiza.”<\/em><\/p>\n Marc Matabaro<\/p>\n","protected":false},"excerpt":{"rendered":" Nyuma y\u2019inkuru nyinshi zisohoka mu binyamakuru bitandukanye zivuga ku bijyanye n\u2019ihangana hagati ya Leta ya Kigali ihagarariwe n\u2019Ambasade n\u2019amashyaka ya opposition akorera cyane cyane mu gihugu cy\u2019u Bubiligi, twifuje kuganira n\u2019umuhuzabikorwa w\u2019ihuriro nyarwanda RNC mu gihugu cy\u2019u Bubiligi, Bwana Jean Marie Micombero dore ko hari hashize n\u2019igihe gito ashyizwe mu majwi mu nyandiko\u00a0yakwiriye ku mbuga […]<\/p>\n","protected":false},"author":2,"featured_media":3019,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-16703","post","type-post","status-publish","format-standard","has-post-thumbnail","hentry","category-politiki"],"yoast_head":"\n
\n-N\u2019ibindi<\/p>\n
\n-Kugaragaza ishusho nziza y\u2019igihugu ahagararariye<\/em>
\n-Kubungabunga inyungu z\u2019abanyarwanda bose mu Bubiligi…<\/em><\/p>\n