Tariki ya 09 Gashyantare 2013, inama y\u2019ubuyobozi bw\u2019Ishyaka RDI yarateranye, iyobowe na Prezida wa RDI, Nyakubahwa Faustin TWAGIRAMUNGU.<\/p>\n
Dore imwe mu myanzuro iyo nama yagezeho :
\nKu byerekeye ubufatanye bw\u2019amashyaka ya opposition, RDI yongeye kwemeza ko abatavuga rumwe n\u2019ubutegetsi bwa FPR na Kagame, bazarushaho kugira ingufu ari uko bashoboye gushyira hamwe mu mashyaka yabo, hanyuma amashyaka nayo agafatanya ibikorwa bimwe na bimwe, hashingiwe ku migambi ihuriweho n\u2019abaharanira ko system ya FPR n\u2019ubutegetsi bw\u2019igitugu bisezererwa burundu mu Rwatubyaye uko byaba bimeze kose. Kuri iyo ngingo, RDI yashimishijwe n\u2019uko hari andi mashyaka nayo ari gufata gahunda yo gukorera politiki ya oppposition mu Rwanda, ayo mashyaka akaba yiyemeza kwegera RDI kugira ngo hasuzumwe uburyo bwo gufatanya uwo mugambi w\u2019ingirakamaro.<\/p>\n
Ku byerekeye gahunda ya RDI yo guharanira ko mu Rwanda haboneka urubuga rwa politiki ruzira igitugu cyangwa ukwaha bya FPR, inama yishimiye imibonano ubuyobozi bw\u2019ishyaka bumazemo iminsi mu rwego rwa diplomacy. Hasabwe kandi ko ibigamijwe n\u2019ibiri gukorwa byamenyeshwa kenshi abanyarwanda hakoreshejwe uburyo bunyuranye bw\u2019itangazamakuru. Mu byihutirwa, hemejwe itangazo ubuyobozi bw\u2019ishyaka buzashyira ahagaragara mu ntangiriro z\u2019ukwezi kwa Werurwe 2013, bukaboneraho gutambutsa amakuru ya ngombwa ajyanye n\u2019iyo gahunda yo gukorera politiki imbere mu gihugu.<\/p>\n
Ku byerekeye gushishikariza urubyiruko amatwara n\u2019ibikorwa byo gukunda igihugu no guharanira imihindukire y\u2019ubutegetsi bw\u2019igitugu mu Rwanda hakimakazwa demokrasi ishingiye ku kuri, ku butabera no ku bwisanzure, RDI yibukije ko abanyarwanda bafite hagati y\u2019imyaka 16 na 35 ari bo bagize umugabane munini w\u2019abatuye igihugu cyacu. Ni yo mpamvu hagomba gushakwa uburyo bwose bwo kubagezaho ubutumwa bubakangurira gushiruka ubwoba no guharanira uburenganzira bwabo, batitaye kw\u2019iterabwoba na za propagande zigamije kubaheza mw\u2019icuraburindi ridasiba kubashinyagurira ko u Rwanda ruyobowe neza muri iki gihe. Ishyaka RDI rihamagariye iyo nshingano urubyiruko rwose iyo ruva rukagera, ari urwize ari n\u2019urutaragize amahirwe yo kujya mw\u2019ishuli, kubera ko buri wese mu bana b\u2019u Rwanda afite uburenganzira bwo kubaho mu bwisanzure mu gihugu cye, akiteza imbere uko ashoboye nta nkomyi, abitewemo inkunga n\u2019inzego zibishinzwe.<\/p>\n
Mu rwego rwo kungurana ibitekerezo no guhana amakuru anyuranye, abari mu nama bamaganiye kure uburiganya bwa FPR bugamije ko Prezida Kagame yazaguma ku butegetsi nyuma ya 2017, atitaye kw\u2019Itegeko-Nshinga ribimubuza. RDI irasaba abanyarwanda benshi barambiwe n\u2019ingoma y\u2019igitugu, kubigaragaza mu buryo bwose bushoboka, bagarahanira batizigamye ubutegetsi buzima bwabagarurira icyizere cyo kubana mu mahoro, mu bwisanzure no mw\u2019iterambere rigamije imibereho myiza ya buri wese.
\nBikorewe i Sion (SUISSE) tariki ya 10\/02\/2013
\nMBONIMPA Jean-Marie
\nUmunyamabanga mukuru w\u2019Ishyaka RDI<\/p>\n","protected":false},"excerpt":{"rendered":"
Tariki ya 09 Gashyantare 2013, inama y\u2019ubuyobozi bw\u2019Ishyaka RDI yarateranye, iyobowe na Prezida wa RDI, Nyakubahwa Faustin TWAGIRAMUNGU.<\/p>\n","protected":false},"author":2,"featured_media":772,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-16726","post","type-post","status-publish","format-standard","has-post-thumbnail","hentry","category-politiki"],"yoast_head":"\n