FDU-Inkingi<\/strong>
\n Boniface Twagirimana<\/strong>
\n Umuyobozi wungirije w\u2019agateganyo.<\/strong><\/p>\n
Kigali kuwa 18 Mata 2013-Abunganira Ingabire Victoire babwiye Urukiko rw\u2019Ikirenga ko\u00a0\u00a0ukubogama gukabije k\u2019Urukiko Rukuru arikwo ntandaro yo kuba uwo bunganira atarabashije kubona ubutabera kugeza ubwo ahamywa ibyaha atigeze aregwa mu rukiko.<\/p>\n
Kuri uyu munsi wa gatatu hakomeje urubanza rwa politiki leta ya Kigali iregamo umuyobozi w\u2019ishyaka FDU-Inkingi\u00a0, Mme Ingabire Victoire aho yahawe ijambo ngo akomeze atange impamvu z\u2019ubujurire bwe mbere yuko abamwunganira nabo bahabwa ijambo.\u00a0\u00a0Ingabire akaba yagarutse ku cyaha gishya cyo gupfobya Genocide yahamijwe n\u2019Urukiko Rukuru, aho yagaye umucamanza akavuga ko yamuhamije icyi cyaha agendeye ku marangamutima aho uyu mucamanza yifashishije ibimenyetso Ingabire yari yashyikirije urukiko kuri za raporo zitandukanye zirimo n\u2019iza Loni zisobanura ibibyanye na Genocide yakorewe abatutsi, ibyaha by\u2019intambara ndetse n\u2019ibyaha byibasiye inyokomuntu maze umucamanza akemeza ko Ingabire avugisha raporo ibyo zitavuze. Aha niho Ingabire yabwiye urukiko ko kuba umucamanza yemera gusa Genocide yakorewe abatutsi ntiyemere ko habayeho n\u2019ibyaha byibasiye inyokomuntu ndetse n\u2019ibyaha by\u2019intambara nkuko binemezwa n\u2019amategeko yashyizeho urukiko mpuzamahanga rwa Arusha rwashyiriweho u Rwanda, ibi ni amarangamutima yuyu mucamanza, kandi kuba umucamanza yahana umuntu akurikije amarangamutima byaba bibabaje.<\/p>\n
Ingabire yanavuze ko usibye nuru rukiko rwa Arusha hari n\u2019izindi raporo zagiye zigaruka kubyaha by\u2019intambara no ku byaha byibasiye inyokomuntu\u00a0. Mu gukomeza kwerekana ingingo zirengagijwe mu Rukiko Rukuru,\u00a0\u00a0Ingabire yabwiye umucamanza ko mu kumuhamya ibyaha hirengagijwe ingingo ya 17 y\u2019Itegeko Nshinga ivuga ko uburyozwacyaha ari gatozi. Ingabire akaba atumva ukuntu yahanirwa ibyaha byakozwe n\u2019abandi nkuko urukiko rushaka kumugerekaho ibyaba byarakozwe n\u2019abarwanyi ba FDLR ndetse n\u2019abagiye boherereza amafaranga bamwe muri aba barwanyi maze urukiko rugashaka kubibaza Ingabire kandi nta nahamwe rwerekana izina rye mu mpapuro z\u2019iyoherezanya ryayo mafaranga. Ingabire kandi yanagarutse no mu kwivuguruza k\u2019umucamanza, aho hamwe usanga yemeza ko nta mugambi numwe ugaragarira mu bimenyetso Ingabire yaba yarigeze agira wo kuvanaho Leta usibye uwo kunyura mu matora ariko uwo mucamanza agahindukira agahamya Ingabire icyaha cy\u2019ubugambanyi mu kugirira nabi ubutegetsi buriho\u00a0! Ingabire akaba yashoje asaba Urukiko rw\u2019Ikirenga kumurenganura.<\/p>\n
Nyuma yibi bisobanuro ahagana mu ma saa sita n\u2019igice z\u2019amanywa, Urukiko rw\u2019Ikirenga rwahaye ijambo umunyamategeko Me.Gatera GASHABANA wunganira Madame Ingabire Victoire. Uyu munyamategeko yabwiye urukiko ko uwo yunganira atigeze ahabwa ubutabera butabogamye\u00a0. Aha uyu munyamategeko yabwiye Urukiko rw\u2019Ikirenga ko igihe cy\u2019urubanza mu Rukiko Rukuru mu mizi ihame ryo gufatwa nk\u2019umwere kugeza umuntu akatiwe ritubahirijwe kuko uwo yunganira haba ubushinjacyaha haba n\u2019umucamanza bamufataga nk\u2019umunyabyaha kugeza nubwo umucamanza yifataga nk\u2019umushinjacyaha kugeza ubwo uwo yunganira yafashe icyemezo cyo kuva mu rubanza tariki ya 16 Mata 2012 kubera kubona ko nta butabera uru rukiko rwari kumuha. Me. Gatera yanabwiye urukiko ko uku kubogama k\u2019umucamanza mu Rukiko Rukuru kwanatumaga abunganira Ingabire bibasirwa n\u2019abashinzwe umutekano kugeza ubwo bakorerwaga isakwa ridasanzwe bonyine nyamara ubushinjacyaha bwo ntiburikorweho nyamara amategeko agenga umwuga abagenera uburenganzira bumwe burimo ndetse n\u2019ubudahangarwa bagomba guhabwa iyo bari mu murimo wabo.
\n
\nMe.Gatera Gashabana yabwiye Urukiko rw\u2019Ikirenga ko mu gihe cy\u2019urubanza mu Rukiko Rukuru barugejejeho inzitizi zirimo ukudasubira inyuma kw\u2019itegeko mpanabyaha, ndetse n\u2019inzitizi z\u2019ubushobozi bw\u2019Urukiko Rukuru mu kuburanisha bimwe mu byaha uwo yunganira yaregwaga, ariko urukiko ntirugire icyo rubivugaho ahubwo icyemezo kuri izo nzitizi kigatangirwa ahandi hatari mu rubanza aho umuvugizi w\u2019inkiko z\u2019uRwanda ariwe watangazaga ibigomba gukurikizwa abinyujije mu itangazamakuru kandi koko bagaruka mu rubanza ibyatangajwe akaba aribyo bikurikizwa. Kuri Me. Gatera iki akaba ari ikimenyetso cy\u2019ukutigenga k\u2019umucamanza. Me Gatera Gashabana akaba yanavuze ko uku kubogama k\u2019umucamanza kwageze naho yiha uburenganzira bwo kubatuka no kubakangisha ko\u00a0\u00a0umurimo wabo w\u2019ubwunganizi ashobora kuwuhagarika burundu.<\/p>\n
Uyu munyategeko kandi yanabwiye urukiko ko uku kubogama k\u2019umucamanza kwatumye n\u2019umutangabuhamya wuwo yunganira yarahutajwe urukiko rukaruca rukarumira, ibi bikaba byarahutaje ihame ryo kureshya kw\u2019ababuranyi imbere y\u2019umucamanza ari nabyo ntandaro simusiga yo kuba uwo yunganira yarageze naho ahamywa n\u2019Urukiko Rukuru ibyaha ubushinjacyaha butigeze buregera nyuma yaho Urukiko Rukuru rubuze ikimenyetso na kimwe rwaheraho ruhamya Mme Ingabire ibyaha 6 ubushinjacyaha bwari bwaregeye urukiko maze ahubwo agahamywa ibindi byaha bibiri icyo gupfobya genoside n\u2019icy\u2019ubugambanyi kandi ibi byaha nta na hamwe byigeze biregerwa nta n\u2019aho uwo yunganira yigeze abibazwaho haba mu bugenzacyaha haba no mu bushinjacyaha. Kuri Me. Gatera ubu bubasha umucamanza yihaye bwo gutanga inyito y\u2019ibyaha bukaba butarubahirije ibitegenywa n\u2019amategeko.<\/p>\n
Nkuko bisanzwe iburanisha rikaba ryahagaritswe saa saba maze umucamanza avuga ko urubanza ruzakomeza kuwa mbere tariki ya 22 Mata 2013 Me. Gatera Gashabana akazakomeza asobanura impamvu z\u2019ubujurire kuwo yunganira.<\/p>\n
![\"images](\"http:\/\/www.therwandan.com\/ki\/files\/2012\/08\/images-11.jpg\")
<\/a><\/p>\n","protected":false},"excerpt":{"rendered":"