Kuri uyu wa Mbere tariki ya 24 Nzeri 2012 ku cyicaro gikuru cy\u2019Umuryango w\u2019Abibumbye i New York hateraniye inama yitabiriwe n\u2019abakuru b\u2019ibihugu byinshi mu bigize uwo muryango, higwa ku buyobozi bugendera ku mategeko. Perezida Paul Kagame wayitabiriye, mu ijambo rye yatunze agatoki ibihugu bimwe byifashisha ubutabera mpuzamahanga ku nyungu zabyo zihariye kenshi zifitanye isano n\u2019iza politiki, bigatsikamira ibindi.<\/p>\n
Muri iryo jambo rye, Perezida Kagame yibukije ko ubusanzwe imbere y\u2019amategeko abantu bose bareshya, ariko ku rundi ruhande ngo ibi ugasanga bitubahirizwa.\u00a0Mu kinyarwanda baca umugani ngo agahwa kari ku wundi karahandurika.<\/p>\n
Mu myaka yashize abanyarwanda bo mu bwoko bw\u2019abahutu birukansweho n\u2019amahanga yose n\u2019ubu rugeretse baregwa gukora jenoside no kuyitegura nyamara muri abo bose bafashwe bakanacibwa imanza nta n\u2019umwe bahamije icyo cyaha cyo gutegura jenoside. Ndetse hari n’abagizwe abere bararekurwa uretse ko abenshi babuze ibihugu bibakira.<\/p>\n
Nyamara icyemezo cy\u2019umuryango w\u2019abibumbye gishyiraho urukiko mpuzamahanga mpanabyaha rwashyiriweho u Rwanda rw\u2019Arusha gisaba ko abagize uruhare bose mu bwicanyi ku mpande zombi bakurikiranwa. Kugeza ubu ariko nta muntu n\u2019umwe wo muri FPR wigeze ukurikiranwa n\u2019ubwo bwose urwo rukiko rufite inshingano zo gukurikirana ibyaha byabaye hagati ya tariki ya 1 Mutarama 1994 kugeza tariki ya 31 Ukuboza 1994 kandi twese tuzi neza ko FPR yafashe ubutegetsi tariki ya 4 Nyakanga 1994 ndetse na tariki ya 19 Nyakanga hajyaho Leta. Kuki urukiko rwahawe inshingano zo gukurikirana abakoze ubwicanyi kugeza tariki ya 31 Ukuboza 1994 kandi FPR yari yarafashe igihugu muri Nyakanga 1994? Aho FPR igihe cyayo nikigera ntihari abashobora kujya Arusha nabo?<\/p>\n
Abayobozi benshi batandukanye bo mu rukiko rw\u2019Arusha mu kuvuga ibyo bagezeho bavuga ko ngo bashoboye gufasha kugarura umutekano mu karere bata muri yombi abantu bashoboraga gutuma hongera kuba intambara. Ibyo bishimangirwa n\u2019abantu benshi bagiye bagirwa abere n\u2019urwo rukiko nyuma y\u2019imyaka n\u2019imyaniko bafunze byumvikane ko bafashwe kubera impamvu za politiki kurusha ibyaha bashinjwaga.<\/p>\n
Icyo gihe abo bantu bafatwaga Perezida Kagame ntabwo yigeze abona ko hari impamvu za politiki zabaga ziri inyuma y\u2019iryo fatwa. Ariko Bosco Ntaganda atangiye gukurikiranwa noneho byiswe ko ubutabera mpuzamahanga bubogamye bugendera kuri politiki. Aho Perezida Kagame amaze kubona ko nawe hari igihe inkiko mpuzamahanga zishobora kugera aho zimukurikirana atangiye guteza ubwega avuga ko havangwa ubutebera na politiki. Nyamara iyo bavuze gufata Mudacumura bakoma amashyi naho byagera kuri Ntaganda bikitwa kubogama.<\/p>\n
Umuntu yakwibaza niba abantu bafite agaciro kamwe, umuntu arafatwa agafungwa akarekurwa nyuma y\u2019imyaka 15 babuze icyo bamushinja nyamara Rose Kabuye bamufata ngo asobanure ibyo azi ku kibazo cy\u2019indege ya Habyalimana, za ambasade zigafungwa,rubanda rwose bakarushyira mu muhanda ngo Rosa wabo yafashwe. (Ariko ubundi Rosa asigaye abahe ko ndaherutse kumva bamuririmba?)<\/p>\n
Ibi bintu byo kwikunda no gushaka kurusha abandi ubwenge ntibifitwe na Kagame gusa kuko na Museveni mu minsi ishize yavuze ibintu nk\u2019ibyo ko gushaka gufata Ntaganda biri mu biteza intambara muri Congo, ariko iyo harimo gukurikiranwa Joseph Kony arogeza ahubwo agatumaho n\u2019ingabo z\u2019abanyamerika zo kumuhiga.<\/p>\n
Ubu bwikunde ntabwo buri mu butabera gusa buri no muri Politiki aho abo ba Museveni na Kagame bahatira Leta ya Congo gushyikirana na M23 kandi abayobozi hafi ya bose bayo bashakishwa kubera ibyaha by\u2019intambara. Nyamara bavuga FDLR bakavuga ko ari umutwe w\u2019iterabwoba wakoze jenoside, uretse ko ibi birimo ibinyoma byinshi kuko nta hantu na hamwe muri Leta ya Amerika hagaragara ko FDLR iri ku rutonde rw\u2019imitwe ikora iterabwoba, naho abayobozi ba FDLR iyo bari muri Congo baba barakoze jenoside nyamara iyo bageze mu Rwanda bagapfukamira Kagame bahinduka abere.<\/p>\n
Umuntu yarangiza avuga ati: “Kirya abandi bajya kukirya cyikishaririza\u201d<\/em><\/p>\n <\/p>\n Ubwanditsi<\/p>\n","protected":false},"excerpt":{"rendered":" Kuri uyu wa Mbere tariki ya 24 Nzeri 2012 ku cyicaro gikuru cy\u2019Umuryango w\u2019Abibumbye i New York hateraniye inama yitabiriwe n\u2019abakuru b\u2019ibihugu byinshi mu bigize uwo muryango, higwa ku buyobozi bugendera ku mategeko. Perezida Paul Kagame wayitabiriye, mu ijambo rye yatunze agatoki ibihugu bimwe byifashisha ubutabera mpuzamahanga ku nyungu zabyo zihariye kenshi zifitanye isano n\u2019iza […]<\/p>\n","protected":false},"author":3,"featured_media":1695,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-1694","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n