Ku wa kane tariki ya 02 Mata 2015, i Buruseli mu Bubiligi, ku cyicaro cy\u2019inteko y\u2019abadepite bahagarariye intara ya Waloni-Buruseli (Parlement de la F\u00e9d\u00e9ration Wallonie-Bruxelles), habereye ikiganiro cyo kwibuka ku nshuro ya 21 jenoside yakorewe Abatutsi mu Rwanda. Iki kiganiro cyateguwe n\u2019itsinda ry\u2019abadepite b\u2019aba\u00absocialistes\u00bb\u00a0riyobowe na Madamu Christiane Vienne, kibanze ku ifatwa ku ngufu ry\u2019abari n\u2019abategarugori mu Rwanda mu gihe cya jenoside.<\/p>\n
Bwana MUSARE Faustin, Umujyanama wa mbere w\u2019ambasade y\u2019u Rwanda mu Bubiligi wari mu batumiwe, yagaragaje ubushishozi buke n\u2019ubumenyi buciriritse mu ijambo rye no mu gisubizo cye ku iyicwa rya nyakwigendera RWIGARA Assinapol.<\/p>\n
Habanje kwerekanwa filimi\u00a0yitwa \u201cRwanda-La vie apr\u00e8s : Parole de m\u00e8res<\/i>\u201d\u00a0yakozwe ku bari n\u2019abategarugori bafashwe ku ngufu mu gihe cya jenoside n\u2019abana bakomoka kuri iri hohoterwa. Umwe mu bakoze iyi filimi yasobanuye uko yagize igitekerezo cyo kuyikora n’uburyo Madamu MUKASARASI Godelieve, Umuyobozi w\u2019umuryango SEVOTA\u00a0(Solidarite pour l\u2019Epanouissement des Veuves et Orphelins visant le Travail et l\u2019Auto-promotion) yamufashije guhura n’abatangabuhamya. Madamu MUKASARASI Godelieve wari uhibereye, nawe yahawe ijambo, asobanura uko yashinze umuryango SEVOTA. Ati: “uyu muryango nawushinze mu mpera z\u2019umwaka w\u20191994, ngamije kwita ku bari n\u2019abategarugori\u00a0bahuye n\u2019ibibazo byo gufatwa ku ngufu mu gihe cya jenoside muri komini ya Taba, aho nari ntuye. Mu ntangiriro, byari bigoye cyane kuko aba babyeyi batabashaga kwiyakira,\u00a0kwakira ibyababayeho, kwakira abana bakomoka ku ihohoterwa bakorewe,\u00a0<\/b>kwisana no kugira ubutwari bwo kwibeshaho. Bari bafite kandi ikibazo gikomeye cy’ihungabana”.<\/p>\n
Yagarutse cyane ku kibazo cy\u2019abana bavutse muri ubu buryo.\u00a0<\/b>Ubu\u00a0ni abasore n\u2019inkumi ariko ntibagirakivurira. Ati: \u201c Nk\u2019uko mwabyiboneye muri Filimi, byaragoranye cyane kugira ngo ababyeyi babo babafate nk\u2019abana nk\u2019abandi, bababwize ukuri ku mateka yabo, babarerane urukundo rwa kibyeyi n\u2019ibindi\u201d. Yasabye cyane ko aba bana bakwitabwaho kuko bafite ibibazo bikomeye by’imibereho.<\/p>\n
Ubwo yahabwaga ijambo, Bwana MUSARE Faustin yabanje kubaza\u00a0itsinda ry\u2019abadepite b\u2019aba\u00absocialistes\u00bb\u00a0impamvu bamutumiye n\u2019icyo bashaka ko avuga. Yagize ati\u00a0: \u00ab\u00a0Nabaye umusilikare wa FPR-Inkotanyi, nari mu ntumwa za FPR-Inkotanyi zagiye mu mishyikirano y\u2019Arusha yazihuzaga na Leta y\u2019u Rwanda, nakoze mu biro bya perezida wa Repubulika FPR-Inkotanyi imaze gufata ubutegetsi, ubu maze imyaka itanu ndi\u00a0Umujyanama wa mbere w\u2019ambasade y\u2019u Rwanda mu Bubiligi ; mwantumiye kubera iyihe mpamvu\u00a0?\u00a0Murashaka ko mbabwira iki\u00a0? \u00bb. Yasubijwe ko nk\u2019umuntu wakoze ibi byose amaze kurondora, yakagombye kumva impamvu yatumiwe no kubona icyo avuga ku ngingo irikuganirwaho.<\/p>\n
Bwana MUSARE Faustin, yariye iminwa, ahindagura impapuro z\u2019inyandiko ndende yari yitwaje ivuga ku miyoborere y\u2019igihugu kuva aho FPR-Inkotanyi ifatiye ubutegetsi, ingingo itari ifite aho ihuriye n\u2019insaganyamatsiko y\u2019ikiganiro. Bimuyobeye, yagize ati\u00a0: \u00ab\u00a0kubera ko ingingo turi kuganiraho ari ihohoterwa ry\u2019abagore, ndagira ngo mbamenyeshe ko igihugu cy\u2019u\u00a0Rwanda ari\u00a0icya mbere ku isi gifite umubare munini w’abagore\u00a0bari\u00a0mu nteko\u00a0ishinga amategeko. Ni\u00a064% kandi birumvikana kuko umubare munini w\u2019Abanyarwanda ugizwe n\u2019igitsinagore. Ahasigaye, niteguye gusubiza ibibazo biri bumbazwe\u00bb. Mu minota icumi yari yagenewe gukoresha, yakoresheje itageze kuri itatu kandi nayo ayigaragazamo ubuswa. Kuri we, impamvu abagore ari benshi mu nteko inshinga amategeko y\u2019u Rwanda ngo ni uko umubare w\u2019abaturage b\u2019igitsinagore mu Rwanda uruta uw\u2019ab\u2019igitsinagabo. Icyo nicyo gisobanuro yatanze. Ntiyigeze ahingutsa ko Umunyarwandakazi\u00a0\u00a0ashoboye, ko yagaragaje ubushobozi n\u2019ubumenyi mu mirimo runaka, \u2026 bityo ishyirwa rye mu nteko inshinga\u00a0\u00a0amategeko rikaba ridashingiye gusa ku kuba nyamwinshi mu Banyarwanda.<\/p>\n
Bavuga ibigoramye imihoro ikarakara<\/b><\/p>\n
Iyicwa rya\u00a0RWIGARA Assinapol\u00a0ryavugishije MUSARE Faustin amangambure mu nteko y\u2019abadepite mu Bubiligi n’imbere y’abanyamakuru.\u00a0Mu mwanya wagenewe ibibazo n\u2019ibitekerezo ku kiganiro, Bwana MUHAYIMANA Jason yahawe ijambo, abwira\u00a0itsinda ry\u2019abadepite b\u2019aba\u00absocialistes\u00a0\u00bb ko mu Rwanda abacitse ku icumu rya jenoside n\u2019ubu bakicwa nyuma y\u2019imyaka 21. Yatanze urugero rw\u2019iyicwa rya muramu we tariki ya 4 Gashyantare 2015, nyakwigendera RWIGARA Assinapol. Ati\u00a0: \u00ab\u00a0RWIGARA Assinapol, yacitse ku icumu rya jenoside, yari umucuruzi ukomeye mu Rwanda no mu karere kandi yari afite ubwenegihugu bw\u2019u Rwanda n\u2019u Bubiligi. Nyuma y\u2019urupfu rwe, umugore we (ariwe mushiki wanjye) n\u2019abana be bandikiye perezida Kagame bamusaba kubafasha kumenya ababiciye. Ariko ubu, bari mu mazi abira kuko polisi y\u2019u Rwanda irimo kubahata ibibazo no kubatoteza ubutitsa, ibasaba guceceka ngo batanduza isura nziza u Rwanda rufite mu mahanga\u00bb. Muhayimana Jason yabajije kandi perezida w\u2019umuryango Ibuka mu Bubiligi wari watumiwe mu kiganiro, icyo uyu muryango uvuga ko uharanira inyungu z\u2019abacitse ku icumu umaze niba uwacitse ku icumu nka Rwigara wari ufatiye runini abacitse ku icumu batishoboye, yicwa Ibuka ikaruca ikarumira. Yabwiye Abadepite ko avuze iby\u2019iyicwa rya muramu we gusa ariko ko mbere ye na nyuma ye, hari abandi bacitse ku icumu benshi bishwe mu Rwanda kandi aba bose bakaba baticwa n\u2019interahamwe.<\/p>\n
Madamu\u00a0Marie Arena, umudepite w\u2019ishyaka PS (Parti socialiste) ku rwego rw\u2019i Bulayi (D\u00e9put\u00e9e PS \u00e0 l\u2019Europe) wari uyoboye ibiganiro, yasabye Bwana MUSARE Faustin\u00a0\u00a0kugira icyo avuga ku bimaze kuvugwa.\u00a0\u00a0Mu ijambo rye, yahuzaguritse karahava. Ati\u00a0: \u00ab\u00a0 Jason turaziranye, aranzi nanjye ndamuzi. Nta gisubizo mfite. Ariko abavuga ko RWIGARA Assinapol yishwe ni opozisiyo, ni abanyapolitiki batavuga rumwe na Leta y\u2019u Rwanda, bahora bashishikajwe no kwanduza isura nziza yayo. MUHAYIMANA Jason ari muri abo kimwe n\u2019uriya KABALISA Pacifique wicaye hariya inyuma\u00bb. Birumvikana ko\u00a0itsinda ry\u2019abadepite b\u2019aba\u00absocialistes\u00a0\u00bb ritanyuzwe n\u2019ibi bisobanuro cyane ko yikomaga opozisiyo kandi aba\u00a0badepite b\u2019aba\u00absocialistes\u00a0\u00bb bamutumiye nabo bari muri opozisiyo mu gihugu cy\u2019u Bubiligi.<\/p>\n
Bwana KABALISA Pacifique\u00a0\u00a0wari wafashe ijambo mbere ryo gushima ubwitange bwa Madamu MUKASARASI Godelieve n\u2019ubutwari bwo kubaho bw\u2019abari n\u2019abategarugori bafashwe ku ngufu mu gihe cya jenoside yabaye mu Rwanda, yongeye gusaba ijambo. Avuga ko nta kibazo yigeze abaza Bwana MUSARE Faustin, bityo ko nta gisubizo cye yari ategereje. Yabwiye Bwana MUSARE Faustin ko bari mu Bubiligi, mu nteko ishinga amategeko, aho abantu bashobora gutanga ibitekerezo bitandukanye ku bibazo by’igihugu cyabo mu bwisanzure ntihagire ubizira. Yasabye itsinda ry\u2019abadepite bateguye iki kiganiro, gufasha Abanyarwanda kwiga kuganira ku bibazo byabo mu bwisanzure ntawe uzize icyo atekereza cyangwa ngo afatwe nk\u2019umwanzi w’igihugu.<\/p>\n
Icyagaragariye\u00a0buri wese wari muri iki kiganiro, ni uko Bwana MUSARE Faustin yagaragaje ubushishozi buke n\u2019ubuswa bukabije mu bisubizo bye. Yasaga nk\u2019utazi aho ari, ahubuka kandi anahuzagurika mu magambo ye. Guhurira mu\u00a0\u00a0kiganiro n\u2019Abanyarwanda atamenyereye kuko atajya abona kuri ambasade y\u2019u Rwanda mu Bubiligi kubera ko banze kuba inkomamashyi za Leta ahagarariye, wabonaga byamutesheje umutwe. Aho gukurikira ikiganiro no gutekereza ku butumwa ari butange nahabwa ijambo, yitekererezaga uko aza gusebanya, ariko ikiganiro cyarangiye ariwe uhasebeye.<\/p>\n
Yanditswe na UMUTONI Dative<\/strong><\/p>\n Wari witabiriye ikiganiro.<\/p>\n","protected":false},"excerpt":{"rendered":" Ku wa kane tariki ya 02 Mata 2015, i Buruseli mu Bubiligi, ku cyicaro cy\u2019inteko y\u2019abadepite bahagarariye intara ya Waloni-Buruseli (Parlement de la F\u00e9d\u00e9ration Wallonie-Bruxelles), habereye ikiganiro cyo kwibuka ku nshuro ya 21 jenoside yakorewe Abatutsi mu Rwanda. Iki kiganiro cyateguwe n\u2019itsinda ry\u2019abadepite b\u2019aba\u00absocialistes\u00bb\u00a0riyobowe na Madamu Christiane Vienne, kibanze ku ifatwa ku ngufu ry\u2019abari n\u2019abategarugori […]<\/p>\n","protected":false},"author":2,"featured_media":10039,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[67],"tags":[],"class_list":["post-17148","post","type-post","status-publish","format-standard","has-post-thumbnail","hentry","category-amahanga"],"yoast_head":"\n