Mperutse gusoma ikiganiro Myr Smaragde Mbonyintege yagiranye na Radiyo Mariya:\u00a0 \u201c\u00a0 Kiliziya irafasha kumvikanisha ububi bwa Jenoside yakorewe abatutsi mu Rwanda\u201d<\/i> , \u00a0bintera kwibaza ibintu byinshi. Namwe mwisomere iyo nyandiko ari mumfanshe \u00a0twibaze:<\/p>\n
Muri icyo kiganiro Myr Smaragde yerekanye ko azi byinshi ku bibazo n\u2019amateka y\u2019u Rwanda muri rusange. Ku buryo nibajije nti kuki adafatanya n\u2019abandi bepiskopi bagashaka impuguke muri Kiliziya dore ko zitabuze ngo basobanure byinshi bivugwa kuri Kiliziya mu Rwanda bikomeza kuyibera nk\u2019ibuye mu rukweto rituma agenda inonagira.<\/p>\n
Kereka utabona ni we wakwirengagiza uruhare rwa Kiliziya ku mateka no ku buzima bw\u2019u Rwanda muri rusange. Ntushobora kuvuga u Rwanda ushyize Kiliziya ku ruhande ngo ubikore uko bikwiye.<\/p>\n
Hakaba rero ibyo nibaza mpereye kuri ibyo bitekerezo bya Smaragde:<\/p>\n
1)\u00a0\u00a0\u00a0\u00a0\u00a0 <\/i><\/b>Ni uruhe ruhare rwa Kiliziya Gatolika muri Jenoside?<\/i><\/b><\/p>\n
Kiliziya irezwe inshuro nyinshi kuba yaragize uruhare mu gutegura Jenoside, akenshi ntijya itanga ibisobanuro n\u2019iyo hari ugerageje abikora yongorera. Nta bushakashatsi yakoze ngo yerekane ukuri ku bivugwa nyamara si uko ibuze abahanga bo kubikora. Ni byiza ko igira ubushishozi. Washishoza imyaka 21 . Nyamara hagati aho hashize imyaka 21 Inkotanyi zigishako\u00a0 Kiliziya n\u2019Abakoloni aribo bateye Jenoside.<\/p>\n
Ababishinzwe, \u00a0niba atari ubugambanyi, \u00a0ntibabona uburemere bw\u2019ibyo Kiliziya iregwa. Niba Abanyarwanda bari babanye neza, hanyuma Abamisiyoneri bakabazanamo ivanguramoko,\u00a0 ni ukuvuga ko ikiruta inyigisho yabo ntiyari kumenyekana mu Rwanda. Hari n\u2019abagera kure (harimo n\u2019abapadiri), bakerekana ko mu by\u2019ukuri abo bamisiyoneri nta gishya bazanye kuko Abanyarwanda bari basanzwe bazi Imana, hakiyongeraho ko banibaniraga mu mahoro u Rwanda ari Paradizo. Ubwo ibyiza umuntu yakwigisha Abanyarwanda ibya mbere y\u2019umwaduko w\u2019abazungu akareka ibyaduteye amahano : \u201c agakosora amateka\u201d. Abashinzwe Kiliziya ntibabona ko icyo inyigisho zabo zishingiyeho Inkotanyi zigenda zikimunga buhoro buhoro ku buryo hari igihe kizagera iby\u2019inyigisho za Kiliziya bigafatwa nk\u2019aho atari ngombwa ahubwo ari bibi kuko byateye amacakubiri yaje kubyara amahano. Uyu munsi ntibabibona ariko abana bakura basobanurirwa bacyo bazabyakira neza Kiliziya zifungwe cyangwa zikorerwemo ibindi si aha mbere byaba bibaye.<\/p>\n
2)\u00a0\u00a0\u00a0\u00a0\u00a0 <\/i>Kiliziya mu Rwanda ivuga iki ku kibazo cy\u2019amoko: abatwa, abahutu n\u2019abatutsi?<\/i><\/strong><\/p>\n Kuri iki kibazo bur wese usanga yivugira ibye. Kandi ndahamyako kwigishiriza\u00a0 Ivanjili hejuru y\u2019iki kibazo ari ukubiba mu rubuye. Ni nabyo byabaye mu 1994 mu bakristu, ubwoko busumbijshwa byose ishyano riragwa. Nyamara burya nka ya ndirimbo ya Kizito \u201c igisobanuro cy\u2019urupfu\u201d ibyigisha neza kurusha abatuvanga tukabura icyo dufata n\u2019icyo tureka.<\/p>\n Myr Smaragde yemeza neza ko amoko yahozeho, ko atari abakoloni n\u2019abamisiyoneri bayazanye ko ahubwo babihuhuye bahereye ku by\u2019iwabo. Nyamara ibi byafasha Abanyarwanda kuva mu binyoma baahoramo ku bijyanye n\u2019amoko cyane ko u Rwanda atarirwo rwonyine rwakoronijwe , si narwo rwonyine Abamisiyoneri bajemo.<\/p>\n N\u2019ubwo Myr Smaragde abivanga nkana, kubaka Umunyarwanda \u201cutareba mu ndorerwamo z\u2019amoko\u201d, ntaho bihuriye na \u201cNdi Umunyarwanda\u201d.<\/p>\n Biraboneka ko Kiliziya ibona neza ko ikibazo cy\u2019amoko gihari kandi kigomba kuvugwaho abantu bagatozwa kubahana ntihagira abumva ko baba ari ubwoko busumba ubundi kabone n\u2019iyo baba barababaye. Abababaye bagirirwa impuhwe ntabwo basumbishwa abandi ngo babateshe agaciro.<\/p>\n Ibi nyamara ntacyo Kiliziya ijya ibivugaho. Yemwe ngo n\u2019ibitekerezo yakusanyije ku bijyanye no gufasha kunga abanyarwanda ,iracyabyegeranya ngo ikazabishyira ahagaragara. Nyamara hashize imyaka 15 ibyo bitekerezo byegeranijwe. Hagati aho abazira ivanguramoko ribera mu Rwanda barushaho kwiyongera. Abagomba gusaba imbabazi ngo bemererwe ubunyarwanda barutwa n\u2019abanyamahanga mu gihugu cyabo. \u00a0Ibyo bitekerezo bya Kiliziya yegeranije \u00a0bizabamarira iki? Wa mugani wa Tom Ndahiro (Rushyashya) ni nde wababujije kubishyira ahagaragara?<\/p>\n 3)\u00a0\u00a0\u00a0\u00a0\u00a0 <\/i>Abahowimana mu 1994 bazavugwa ryari? <\/i><\/strong><\/p>\n Bamubajije ku\u00a0 myitwarire yaranze Kiliziya mu gihe cya Jenoside Myr Smaragde yerekanye ko Kiliziya yo mu Rwanda nta sesengura yabikoreye. Ntacyo ibiziho. \u00a0Kubwira abantu ko Papa Yohani Pawulo II\u00a0 yavuze ko mu Rwanda hari kuba Jenoside ntibisobanura imyitwarire ya Kiliziya ibi ni ukujyana abantu mu bicu. None se habuze iki ngo Kiliziya mu Rwanda ikore ubushakashatsi ku byabaye mu gihe cya Jenoside? Ko nkeka na Myr Smaragde \u00a0yari ahari. Bateranije ibyabaye mu maparuwasi yose yo mu Rwanda ntibabona ishusho y\u2019uruhare rwa Kiliziya. Ko bamenya ababatizwa n\u2019abahabwa amasakramentu bose n\u2019ibibazo biri mu maparuwasi? Ko bafite ibitabo birimo abakristu bose habura iki ngo bamenye uko byabagendekeye mu 1994?<\/p>\n Bamubajije iby\u2019abantu bahungiye muri za Kiliziya n\u2019abazipfiriyemo; \u00a0yagaragaje ko ikibazo akizi neza n\u2019ubwo yabicecetse. \u00a0Ni nde wabujije Kiliziya gukomeza kwigisha abantu agaciro ka za Kiliziya. Ndahamya ko hafi ya Kiliziya zose bazihungiyeho ese buriya muri buri paruwasi bazi abahahungiye? Bazi se abahaguye? Bibuka kubasabira? Hari abapadiri bishwe barengera ababahungiyeho Kiliziya irabazi kuki itigisha ubwo\u00a0 butwari? Ese muri 1994 nta bishwe bazira\u00a0 ukwemera: abamaritiri cyane nk\u2019abatabaraga abandi? Kiliziya yo mu Rwanda izasaba ko bashyirwa mu rwego rw\u2019abatagatifu ryari? Hari ubushakashatsi bwakozwe mu rwego rwa Kiliziya. Njye nkeka ko kujya gushakisha ibyo Papa yavuze ngo kuko harimo ijambo Jenoside ukibagirwa ubutwari bw\u2019abatanze ubuzima bwabo barengera ababahungiyeho hari ibyo uba ushaka guhisha. Kuki tujya gushakisha ingero z\u2019ahandi kandi dufite abahowimana iwacu. Kuki batavugwa.<\/p>\n Abantu bahungiye ku Kiliziya kubera ukwemera kwabo nyamara uyu munsi iyo bibukwa nta na misa isomwa. Ibyo Kiliziya irabyirengagiza cyangwa ntibibona.<\/p>\n 4)\u00a0\u00a0\u00a0\u00a0\u00a0 <\/i>Urwishe ya nka ruracyayirimo <\/i><\/strong><\/p>\n Ku mibanire ya Kiliziya n\u2019Abanyepolitiki na we ubwe arabibona ko ibikorw\u2019ubu ntaho bitaniye n\u2019ibyo hambere\u00a0 ku ba mubanjirije. Nyamara iyo bafata akanya bakabiganiraho hari icyo byajyaga gukosora. Azi neza abapadiri benshi bahabwa ubutumwa na\u00a0 FPR aho\u00a0 kubuhabwa na\u00a0 Kiliziya.<\/p>\n Myr Smaradge azi uko byagenze ku gihe cya Myr Classe na Perraudin n\u2019amakosa yaba yarabaye. Kuki bitajya mu mateka. Amakosa menshi yerekanye yabayeho muri Repubulika ya mbere n\u2019iya kabiri aroroheje ugereranije n\u2019akorwa ubu. Gusa Kiliziya ntibibona kuko ibona itinze. Nta bandi bantu bapfuye mu Rwanda uretse abatutsi. Nta bandi bafite uburenganzira bwo gusabirwa mu Kiliziya ndetse n\u2019abepiskopi bishwe , kereka FPR na Ibuka babyemeje. Abanyarwanda benshi babana n\u2019imibiri y\u2019ababo mu misarane no mu byobo hirya no hino mu Rwanda nta bikomere ifite nta burenganzira ifite bwo kuririra abayo. Kibeho nta bantu baguyeyo. I Gakurazo nta bihayimana barimo abepiskopi batatu bahaguye. Nta mbaga y\u2019Abanyarwanda yatikiriye mu nkambi zo muri Kongo. \u00a0Ivanguramoko kugera no mu bapfuye. Kiliziya ntibona ivanguramoko risumbye ayandi yabayeho mu Rwanda kuko itigeze ibisesengura. Ubusumbane ntabwo ibona, \u00a0nta karengane ibona, nta mpunzi izi ko ziri hanze, nta mpunzi iziko zicwa, nta bafunzwe batagira amadosiye, imbaga yatikiriye muri TIG si abantu.\u00a0 Impunzi ziri hanze zirimo n\u2019abapadiri benshi zigerageza kumvikanisha akarengane k\u2019abanyarwanda ni abahezanguni bapfobya Jenoside.<\/p>\n