Ikinyamakuru The Financial Times kivuga ko FPR ari umwe mu mitwe ya politiki ifite ubukire buhambaye mu karere no ku isi muri rusange.<\/p>\n
The Financial Times iravuga ko FPR ifite ikigo cy’ishoramari, Cyrstal Ventures, gifite umutungo urenga amadolari miliyoni magana atanu.<\/p>\n
Ibigo by’ubucuruzi bya Crystal Ventures harimo icyubaka imihanda, uruganda rw’amabuye n’amategura, amaduka acuruza ikawa mu mijyi ya Kigali, Boston,London, Washington na New York, uruganda rw’ibicuruzwa bituruka ku buhinzi n’ubworozi -Inyange- n’ikigo cy’ubwubatsi.<\/p>\n
Icyo kigo cy’ishoramari cya RPF gifite abakozi ibihumbi birindwi, ku buryo aricyo cya kabiri mu Rwanda mu gutanga akazi nyuma ya leta.<\/p>\n
The Financial Times iravuga ko Crystal Ventures yakomeje kunguka ku buryo yanaguze n’indege zihenda ebyiri zikodeshwa na Perezida Kagame.<\/p>\n
Icyo kinyamakuru kiravuga ko abacuruzi bo mu Rwanda binubira uko FPR yigaruriye ubucuruzi bukomeye ku buryo no mu gatanga amasoko habamo ikimenyane.<\/p>\n
Urugero rutangwa n’iki kinyamakuru n’ikigo kigenga cya INTERSEC gishinzwe umutekano, ngo nicyo cyonyine gifite abakozi bafite uburenganzira bo kwitwaza intwaro.<\/p>\n
Ariko avugana na Financial Times, umuyobozi wa Crystal Ventures, Nshuti Manasse, arabihakana, akavuga ko bakora ubucuruzi iyo babonye ko nta bandi bashoramari bahari.<\/p>\n\n