Hari abaturage bo mu Kagali ka Rwampara hafi y\u2019aho bita Gikondo SGM mu Murenge wa Kigarama mu Karere ka Kicukiro ho mu Mujyi wa Kigali, bavuga ko bahangayikishijwe bikomeye n\u2019umuntu utaramenyekana ugendana inkota agatera ingo z\u2019abantu akabakomeretsa,ndetse agafata n\u2019abakobwa ku ngufu.<\/i>
\n
\nUmwe mu baganiriye na TV1 yagaragaje uburyo mu minsi ishize uyu mujura utera ingo z\u2019abaturage yitwaje icyuma yamusanze mu nzu aho yari ari mu cyumba ahita amucecekesha.<\/p>\n
Yagize ati \u201cAraza mubonye ndamubaza nti ko uri kurunguruka urashaka iki ahita ancekekesha anyereka icyuma, aho kugira ngo ahite agenda aza ansanga ashaka kukintera turakirwanira akintera ku kuboko.\u201d<\/p>\n
Undi ati \u201cNjye numvise induru ivuze ndasohoka kuko yari afite icyuma adusubiza inyuma duhita twinjira mu nzu. Avuye hano yahise ajya ku rundi rugo asanga hari umukozi gusa amwereka icyuma amubwira ko ari umuntu mwiza akaba na mubi. Yamutegetse kwinjira mu cyumba aramusambanya.\u201d<\/p>\n
Aba baturage bavuga ko inzego z\u2019ibanze zananiwe guhangana n\u2019uyu mujura kuko ngo amaze kubazengereza ariko akaba adatabwa muri yombi.<\/p>\n
Ikindi kibatera ubwoba kurushaho ngo ni uburyo uyu mujura bita kabuhariwe agendera hejuru y\u2019inzu,akanasimbuka ibipangu mu gihe abantu bamubonye.<\/p>\n
Umwe muri aba baturage yagize ati \u201cAfite imyitozo ihambaye kuko nk\u2019igipangu agisimbuka adakozeho ndetse akagendera hejuru y\u2019amabati. Iyo abonye abashinzwe umutekano aryama hejuru y\u2019inzu agatuza bamara kugenda akamanuka akajya gutera izindi ngo. Hari nk\u2019urugo yari yarazengereje kuko yazaga kare akaryama mu nsi y\u2019igitanda agasahura yarangiza akigendera, icyo gihe twari tutaramumenya.\u201d<\/p>\n