Inyeshyamba za M23 zatangaje ko zifite gahunda yo gufata umujyi wa Goma, icyicaro gikuru cy\u2019intara ya Kivu y\u2019amajyaruguru mu burasirazuba bwa Congo, ngo kugira ngo zitabare abaturage bugarijwe n\u2019ibikorwa by\u2019ubugizi bwa nabi M23 ivuga ko bikorwa n\u2019ingabo za Congo.<\/p>\n
Nk\u2019uko umuvugizi w\u2019inyeshyamba za M23, Lt Col Vianney Kazarama yabitangarije ibiro ntaramakuru by\u2019abafaransa AFP, ngo niba umugaba mukuru w\u2019ikirenga w\u2019ingabo za Congo, ari we Perezida Kabila, adatunganyije ingabo ze, ingabo za M23 zizatabara abaturage barimo kwicwa n\u2019ingabo za Congo buri munsi.<\/p>\n
Umuvugizi wa M23 akomeza avuga ko bateganya gufata Goma ngo batabare abaturage ibyo bikorwa bibi by\u2019ubwicanyi ngo bikorwa n\u2019igisirikare cya Congo bihotera abasiviri b\u2019inzirakarengane nibikomeza.<\/p>\n
Abantu bagera kuri 20 bakekwa gukora ibyo bikorwa by\u2019ubwicanyi bimaze iminsi mu mujyi wa Goma batawe muri yombi, bakaba bamwe ari abasiviri abandi ari abasirikare b\u2019ingabo za Congo, nk\u2019uko byatangajwe kuri iki cyumweru tariki ya 30 Nzeli 2012 na Ministre wa Congo ushinzwe ubutegetsi bw\u2019igihugu Richard Muyej uri mu ruzinduko i Goma.<\/p>\n
Tariki ya 22 na 24 Nzeli 2012, abantu 3 barishwe abandi 4 barakomereka mu bitero by\u2019abantu bitwaje imbunda na za grenades i Goma. Intara ya Kivu y\u2019amajyaruguru ifite umutekano muke kuva muri Gicurasi 2012, ubwo hatangiraga intambara y\u2019umutwe wa M23,ONU ikaba irega u Rwanda gufasha uwo mutwe.<\/p>\n
Umukuru w\u2019umujyi wa Goma, Nasoon Kabuya, umukuru w\u2019igipolisi, Colonel Oscar Manosa n\u2019imiryango itagengwa na Leta bavuga ko ibyo bikorwa by\u2019urugomo bikorwa na M23, ariko MONUSCO yo ivuga ko ibyo bikorwa atari byinshi ku buryo byahungabanya muri rusange umujyi wa Goma cyangwa Kivu y\u2019amajyaruguru.<\/p>\n
Ibirindiro by\u2019inyeshyamba za M23 biri mu birometero 30 mu majyaruguru y\u2019umujyi wa Goma hafi y\u2019umupaka w\u2019u Rwanda na Uganda. Mu ntangiriro z\u2019ukwezi kwa Kanama 2012, ONU yari yasabye M23 kudahirahira ngo itere umujyi wa Goma.<\/p>\n
Iyi myitwarire ya M23 ntabwo itandukanye cyane n\u2019iyo ingabo za FPR zari zifite mu myaka ya za 1992-1994 aho zitwazaga umutekano muke mu gihugu ngo zibone uko zigaba ibitero zivuga ko ngo zije gutabara abasiviri. Nyuma byaje kugaragara ko abenshi bakoraga ibyo bikorwa babaga ari abasirikare ba FPR bari baracengeye mu gihugu bakaba barabikoraga ngo bahe FPR urwitwazo rwo kubura imirwano. Rero kuba bivugwa ko u Rwanda rufasha M23 nayo ikaba ishaka gukora nk\u2019ibyo FPR yakoraga ikiri umutwe w\u2019inyeshyamba nta gitangaza kirimo.<\/p>\n
Ababikurikiranira hafi basanga iki gikorwa n\u2019ubwo cyashoboka umujyi wa Goma ugafatwa, bishobora kugira ingaruka nini ku Rwanda, kuko amahanga akomeje gushinja u Rwanda kuba inyuma ya M23, ikindi kandi byaba ngombwa ko M23 irwana n\u2019ingabo za ONU ibi bikaba bya ari igikorwa gisa n\u2019ubwiyahuzi gishobora kugira ingaruka kugeza no kuba byahungabanya ubutegetsi buriho mu Rwanda.<\/p>\n
Ubwanditsi<\/p>\n
<\/p>\n","protected":false},"excerpt":{"rendered":"
Inyeshyamba za M23 zatangaje ko zifite gahunda yo gufata umujyi wa Goma, icyicaro gikuru cy\u2019intara ya Kivu y\u2019amajyaruguru mu burasirazuba bwa Congo, ngo kugira ngo zitabare abaturage bugarijwe n\u2019ibikorwa by\u2019ubugizi bwa nabi M23 ivuga ko bikorwa n\u2019ingabo za Congo.<\/p>\n","protected":false},"author":3,"featured_media":1818,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-1817","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n