Muri gahunda yayo yo gusoza UMWAKA WA JUBILE Y\u2019IMPUHWE Z\u2019IMANA, kuri iki cyumweru kuwa 20 Ugushyingo 2016, mu ma Paruwasi menshi Gatorika yo mu Rwanda, hasomwe itangazo Abepiskopi bakuriye Kiriziya Gatorika mu Rwanda bashyizeho umukono kuwa 17 Ukwakira 2016.<\/p>\n
Iryo tangazo rikubiyemo ingingo nyinshi, ariko, muri aka kanya turashaka kugaruka kuri izi zikurikira :<\/p>\n
1. Ingingo ya 2 : \u00ab Muri iyi myaka ishize yose, abapapa bagiye badusaba kudatinya kureba ukuri kw\u2019amateka yacu n\u2019ingorane zayabayemo. Ku ya 17 gicurasi 1994, Mutagatifu Papa Yohani Pawulo wa 2 yabaye uwa mbere wavugiye ku mugaragaro ku kibuga cya Mutagatifu Petero i Roma ko ubwicanyi bwaberaga mu Rwanda yari jenoside irimo gukorwa, anavuga ko abayigiramo uruhare bazabibazwa n\u2019Imana n\u2019amateka, Papa Benedigito wa 16 wamusimbuye, mu ruzinduko abepiskopi twagize ku ya 21 gicurasi 2005, yatubwiye ko tutagomba gutinya guhangara amateka yacu n\u2019ingorane zose zayaturukaho. Mu ruzinduko rwacu rwo ku wa 3 mata 2014, Papa Fransisko yatubwiye ko tugomba gufatanya na Leta, kugira ngo dufashe abanyarwanda kudaheranwa na Jenoside yakorewe abatutsi n\u2019ingaruka zayo\u00bb.<\/p>\n
2. Ingingo ya 6: Yubile bivuga no gusaba imbabazi ku kibi cyose twakoze. Turasaba imbabazi tuzisabira n\u2019abakristu bose kubera ibyaha by\u2019ingeri zose twakoze. Tubabajwe cyane n\u2019uko bamwe mu bana ba Kiliziya batatiye igihango bagiranye n\u2019Imana muri Batisimu biyibagiza amategeko yayo. Turasaba imbabazi ku mabi twagize yose tuyagirira Imana n\u2019abana bayo; ibyaha byose by\u2019ubwikunde, by\u2019ingeso mbi, byo kutita ku barwayi, ku banyantege nke n’abashonje. Turasaba Imana imbabazi kubera ibyaha byose by\u2019inzangano n\u2019ibyo kutumvikana byabaye mu gihugu cyacu bigera n\u2019aho tugirira urwango bagenzi bacu tubaziza inkomoko. Turasaba imbabazi kuko kenshi tuterekanye ko turi umuryango umwe, abantu bakica abandi, bakabanyaga ibyabo, bakabatesha agaciro. Turasaba imbabazi kubera intambara zose zaranze iki gihugu cyacu. Turasaba imbabazi z\u2019ibyaha by\u2019abasaserdoti n\u2019abiyeguriye Imana. Turazisabira ababyeyi batagize urukundo mu ngo zabo, banganye, batanye, batitaye ku bana babo, urubyiruko rwakoresheje nabi imbaraga zarwo; abantu bose babereye abandi ibuye ry’urutsitariro bakabura urukundo, bakabura ineza kubera bo. Turasaba imbabazi kubera abayobozi b\u2019abakristu bose batumye haba amacakubiri mu bantu bakabiba imbuto mbi y’urwango kimwe n’abarenganyije abandi ntibite ku burenganzira bwa muntu mu mirimo bashinzwe.<\/p>\n
3. Ingingo ya 7 : Nubwo Kiliziya ntawe yatumye kugira nabi, twebwe abepiskopi gatolika, ku buryo bw\u2019umwihariko, twongeye gusaba imbabazi kubera bamwe mu bana bayo, abasaseridoti, abihayimana n\u2019abakristu bagize uruhare muri jenoside yakorewe abatutsi. Koko rero bakoze icyaha gikomeye cy’inabi ya muntu. Turasaba Imana kugira ngo ihindure imitima yabo, ibafashe kwicuza, kwiyunga no kugirira neza abo bahemukiye, bemere impuhwe zayo kandi bizere n’impuhwe z’abanyarwanda. Ukwicuza kwabo gutume batinyuka kuvuga ukuri, kugira ngo umutima wabo ushobore gukira icyaha gikomeye bagiriye Imana, bakakigirira n’igihugu cyose. Bumve ko Imana yakira uwicujije wese, wemeye guhindura imigenzereze ye, maze bubakire hamwe n’abandi igihugu kirangwa n’ineza yayo, urukundo n’ubwumvikane.<\/p>\n
4. Ingingo ya 8 : Turasaba Imana gufasha Abanyarwanda bose bagifite ingengabitekerezo ya Jenoside kwicuza bagahinduka. Twebwe abepiskopi banyu, mu izina ry\u2019abakristu gatolika bo mu gihugu cyacu, muri uku gusaba imbabazi twitandukanya ku buryo bwose n\u2018icyaha cya jenoside yakorewe abatutsi muri 1994, tunitandukanije n\u2019imigirire yose, n\u2019imyumvire yose bijyanye n\u2019ivangura n\u2019irondakoko bigikomeza gutoneka ibikomere twasigiwe na jenoside yakorewe abatutsi.<\/p>\n
5. Ingingo ya 9 : Turasaba Imana ngo abantu bose bafite intimba n\u2019ububabare byatewe n\u2019amateka mabi twaciyemo muri iki gihugu ibahe imbaraga z\u2019umutima zo kutiheba ahubwo bizere Imana itigera itererana abayo. Turasabira abarwayi, abafite ubumuga, imfubyi, abapfakazi, imfungwa, impunzi n\u2019abandi bose bakomerekejwe n\u2019ibyo twaciyemo kimwe n\u2019imiryango yose yazahajwe n\u2019ubukene ngo bagire ababagoboka, babagaragariza umutima w\u2019impuhwe.<\/p>\n
6. Ingingo ya 10: Kuvuga Yubile ni no kwiyemeza kuvugurura ubukristu bwacu. Turasaba Imana kutwongerera ingabire y\u2019ukwemera, ukwizera n\u2019urukundo; Kiliziya irangwe n\u2019 amahoro n\u2019ubwumvikane maze ikomeze kubera isi urumuri n\u2019inzira igana Imana. Imana niduhe imbaraga zo gukunda no kwitangira Kiliziya yayo duhamya Ivanjili; kuvugisha ukuri tubigire umuco wacu, tumenye gusaba no gutanga imbabazi cyo kimenyetso cy\u2019Impuhwe z\u2019Imana, maze ubumwe n\u2019ubwiyunge bibe umugambi wa buri wese. Imiryangoremezo nitubere ihuriro ry\u2019abemera Kristu bose, basengera hamwe, bagasangira ubuzima nk\u2019abavandimwe, kandi barangwa n\u2019umutima w\u2019impuhwe bityo twese turusheho kwita ku bakene n\u2019abatishoboye.<\/p>\n
7. Ingingo ya 11 : Turasaba ko ingo z\u2019abakristu, zo Kiliziya y\u2018ibanze zaba ipfundo rikomeye ry\u2019ubuzima, zikarangwa n\u2019ubumwe, ubwumvikane n\u2019urukundo zimurikiwe na Kristu. Urubyiruko rwacu, rwo mizero ya Kiliziya n\u2019igihugu cyacu, nirumenye Imana, rukure ruyikunda, rukunda n\u2019igihugu cyarubyaye, ruzira amacakubiri, rugendera kure urwango, ivangura ndetse n\u2019ingeso mbi zose zangiza ubuzima. Nirwirinde uwo ari we wese warushuka arujyana mu nzira zitajyanye n\u2019ubukristu. Nirukurikire inzira igororotse rumurikiwe n\u2019indangagaciro Kiliziya yigisha.<\/p>\n
Rimaze gusuzuma iri tangazo cyane cyane mu ngingo zaryo zavuzwe haruguru, Ishyaka PS \u2013 Imberakuri ritangarije Abakristu, Imberakuri by\u2019umwihariko, Abanyarwanda n\u2019inshuti z\u2019u Rwanda muri rusange ibi bikurikira :<\/p>\n
1. Rikimara gusomwa muri za Kiriziya zitandukanye, iri tangazo ryavuzweho byinshi bitandukanye, impaka zikaba zishingira cyane cyane mu kumenya niba iritangazo ryakozwe mu rwego rw\u2019uko Kiriziya Gatorika y\u2019u Rwanda isabye imbabazi cyangwa se niba Abepiskopi barishyizeho umukono barabikoze mw\u2019izina ryabo nk\u2019Abayobozi ;<\/p>\n
2. Nk\u2019uko rero n\u2019abandi benshi babigaragaje, ishyaka PS Imberakuri naryo ntiryashoboye gusobanukirwa neza niba Abepiskopi bashyize umukono kw\u2019itangazo barabikoze basaba imbabazi mw\u2019izina rya Kiriziya Gatorika y\u2019u Rwanda cyangwa se niba barabikoze nk\u2019Abayobozi bashishikajwe n\u2019uko intumwa zabo zijanditse mu mabi yose yarondowe mw\u2019itangazo zaboneraho zigasaba imbabazi. Aha dushingira ko ingingo ya 7 y\u2019itangazo ryabo igira iti : \u00ab Nubwo Kiliziya ntawe yatumye kugira nabi, twebwe abepiskopi gatolika, ku buryo bw\u2019umwihariko, twongeye gusaba imbabazi kubera bamwe mu bana bayo, abasaseridoti, abihayimana n\u2019abakristu bagize uruhare muri jenoside yakorewe abatutsi. \u00bb Nk\u2019uko tubizi, icyaha cyane cyane ikindengakamete nk\u2019icya Jenoside ni GATOZI ariko kuba abantu BAKURU nk\u2019Abepiskopi bashishikariza ababyijanditsemo gusaba imbabazi, n\u2019ikintu cyiza, byatuma hashobora kongera kubakwa ubwizerane no kubana neza hagati y\u2019Abanyarwanda ;<\/p>\n
3. Ishyaka PS \u2013 Imberakuri ryakurikiye kandi ibiganiro Musenyeli Filipo RUKAMBA, Prezida w\u2019Inama y\u2019Abepisikopi Gatolika akaba n\u2019Umushumba wa Diyosezi ya Butare yatanze ku ma radiyo atandukanye nka BBC na VOA. Muri make, yasobanuye ko mu \u00ab Mu gusoza Umwaka w\u2019impuhwe z\u2019Imana, basanze ari byiza Gusabira imbabazi abakristu bose bo muri Kiriziya Gatorika bagize uruhare mu mabi yabaye mu Rwanda no muri Jenoside yakorewe Abatutsi, ati ariko, ntabwo ari Kiriziya ubwayo yagize uruhare muri iyo Jenoside \u00bb. Yakomeje agira ati : \u00ab Ibyo ni nk\u2019uko wavuga ko Jenoside yakozwe n\u2019ubwoko. Ibyo si byo. Jenoside yakozwe n\u2019abantu ku giti cyabo \u00bb. Niba rwose na bagenzi be bafatanyije gushyira umukono kuri ririya tangazo ariko babibona, ni ibintu byiza. Nk\u2019uko twabivuze, icyaha ni gatozi, ariko na none, nk\u2019Abashumba, bafite inshingano zo kureberera intama zabo, cyane cyane hano baziyobora mu nzira y\u2019ubwiyunge nyabwo. N\u2019ibyo gushimwa ;<\/p>\n
4. Ishyaka PS – Imberakuri ariko ryatangajwe no kubona mu itangazo rikubiye ku mpapuro enye zose, nta murongo n\u2019umwe ugaragaza aho aba Bepiskopi basabira imbabazi abahekuye Kiriziya Gatorika bisasira Abayobozi bayo batandukanye cyane cyane abiciwe i Gakurazo ;<\/p>\n
5. Ishyaka PS – Imberakuri ritewe impungenge kandi n\u2019uko Abepisikopi ba Kiriziya Gatorika mu Rwanda birengagije nkana ibyo basabwa n\u2019Abayobozi babo aho bagira bati : \u00ab Muri iyi myaka ishize yose, abapapa bagiye badusaba kudatinya kureba ukuri kw\u2019amateka yacu n\u2019ingorane zayabayemo \u00bb. Dufite impungenge ko, nk\u2019uko bigaragara muri ririya tangazo, bahisemo gufata uruhande rwa Politiki. Kuba hari Abanyarwanda bamwe batigeze bahabwa ubutabera na Leta y\u2019u Rwanda ndetse n\u2019Amahanga kugeza ubu, bityo ibyaha bakorewe bikaba bitaritwa izina, ntibivuga ko ubwo bwicanyi bwabakorewe bugomba kwibagirana. Hari ibyaha bidasaza. Ishyaka PS \u2013 Imberakuri risanga Kiriziya Gatorika mu Rwanda itagombye kugwa mu mutego wa bamwe wo gukoresha Amabi yabaye mu mateka y\u2019u Rwanda mu nyungu zabo bwite cyangwa agatsiko ka bamwe. Intama z\u2019Imana ni zimwe, Abashumba bazo bagomba kuzireberera kimwe ;<\/p>\n
6. Nk\u2019uko byagaragaye iri tangazo rimaze gushyirwa ahagaragara, hari abaryuririyeho babyutsa ikibazo cyo kwaka indishyi z\u2019akababaro. Ni Uburenganzira bwabo nk\u2019abantu bahemukiwe. Kugirango uwahemukiwe atange imbabazi asabwa, n\u2019uko n\u2019uwamuhemukiye agira icyo atanga, aricyo indishyi z\u2019akababaro ziberaho. Gusa, Ishyaka PS \u2013 Imberakuri ritewe impungenge n\u2019uko iyi gahunda ishobora kubyara \u00ab Ndi Umukristu \u00bb igenda mu murongo wa \u00ab Ndi Umunyarwanda \u00bb, maze ejo mu gitondo Abakirisitu bose bagasabwa gusaba imbabazi, nabyo bigakurikirwa no gutanga indishyi z\u2019akababaro, hirengagijwe ko icyaha ari gatozi ;<\/p>\n
7. Mu gusoza, ishyaka PS \u2013 Imberakuri rirashima byimazeyo Abepisikopi bateye intambwe bagasaba imbabazi, ari nako ryongera kubashimira ibikorwa byiza Kiriziya ihora igaragaramo byo gufasha Abanyarwanda. Riboneyeho umwanya wo kubibutsa ibyo aba Papa bakomeje kubasaba \u00ab kudatinya kureba ukuri kw\u2019amateka yacu n\u2019ingorane zayabayemo \u00bb.<\/p>\n
Riboneyeho kandi umwanya wo gusaba Abakirisitu, Imberakuri n\u2019Abanyarwanda n\u2019Inshuti z\u2019u Rwanda kwitandukanya k\u2019ikibi cyose, tugashyira imbere Urukundo n\u2019Ubutabera tugamije kubaka u Rwanda rw\u2019ejo Abanyarwanda twese twibonamo.<\/p>\n
Abagiye INAMA, IMANA irabasanga.<\/p>\n
Bikorewe i Bruseli, kuwa 24\/11\/2016<\/p>\n
Jean \u2013 Baptiste RYUMUGABE<\/strong> Muri gahunda yayo yo gusoza UMWAKA WA JUBILE Y\u2019IMPUHWE Z\u2019IMANA, kuri iki cyumweru kuwa 20 Ugushyingo 2016, mu ma Paruwasi menshi Gatorika yo mu Rwanda, hasomwe itangazo Abepiskopi bakuriye Kiriziya Gatorika mu Rwanda bashyizeho umukono kuwa 17 Ukwakira 2016.<\/p>\n","protected":false},"author":1,"featured_media":9935,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[45,79],"tags":[],"class_list":["post-18365","post","type-post","status-publish","format-standard","has-post-thumbnail","hentry","category-amatangazo","category-iyobokamana"],"yoast_head":"\n
\nUmuhuzabikorwa wa PS \u2013 IMBERAKURI
\npsimberakuri@yahoo.fr<\/p>\n","protected":false},"excerpt":{"rendered":"