Kimihurura \u2013 Victoire Ingabire n\u2019abamwunganira bari bitabiriye isomwa ry\u2019imyanzuro ku ngingo zihana ingengabitekerezo ya Genoside yari yasabye ko zavanwaho kuko ngo zinyuranyije n\u2019Itegeko Nshinga, iri somwa ntiryabaye kuko umwe mu bacamanza icyenda bayoboye uru rubanza ngo ari mu butumwa hanze y\u2019igihugu.<\/p>\n
Abacamanza umunani basigaye bayobowe na Kayitesi Sylvie Zayinabo ndetse n\u2019umwanditsi batangaje ko batatangaza imyanzuro ku kirego cya Ingabire Victoire mu gihe umucamanza mugenzi wabo adahari, bityo bashyira isomwa ry\u2019uru rubanza tariki 18 Ukwakira 2012 ubwo mugenzi wabo azaba ahari.<\/p>\n
Ingabire Victoire akaba yasohotse mu cyumba cy\u2019urukiko rw\u2019Ikirenga asa nutanejejwe no kuba isomwa ry\u2019uru rubanza rutabaye asubira aho afungiye muri gereza ya Kigali.<\/p>\n
Victoire Ingabire avuga ko ingingo ya 2 iya 3 n\u2019iya 4 z\u2019itegeko no 18\/2008 ryo kuwa 23 7 2008 rihana ingengabitekerezo ya genocide, zinyuranye n\u2019amahame akubiye mu itegeko nshinga ry\u2019u Rwanda yemera uburenganzira bwo gutangaza ibitekerezo by\u2019umuntu.<\/p>\n
Uruhande rwa Ingabire Victoire n\u2019umwunganizi we, tariki 03\/09\/2012 babwiye urukiko ko ibisobanuro biri muri izo ngingo bitagaragaza uburyo umuntu yakwitwara mu gihe yaba atanga ibitekerezo bye yisanzuye kandi adafite ubwoba, bakavuga ko bo babona byagira ingaruka ku mikorere y\u2019ubutabera kubera kutagusha ku ngingo kw\u2019iri tegeko.<\/p>\n
Izo ngingo zo mu itegeko rihana icyaha cy\u2019ingengabitekerezo ya Genoside kandi, Me Gatera Gashabana yabwiye urukiko ko zidatanga ibisobanuro bihamye, bityo bagasaba urukiko ko izo ngingo z\u2019itegeko zavanwaho. Bityo bakaba barasabaga ko zivanwaho n\u2019ubwo uruhande rw\u2019ubushinjacyaha rwavugaga ko nta mpamvu n\u2019imwe babona yatuma izi ngingo zikurwaho.<\/p>\n