Ku wa 15 ukwakira 2016, umwami Kigeli yabyutse nabi, afite umuriro mwinshi. Umwiru we mukuru, Boniface Benzinge, afashe icyemezo cyo guhamagara \u00abambulance\u00bb byihutirwa, no kumugeza kwa muganga. Nyamara ngo ntawe urusimbuka rwamubonye, kuko bukeye bw\u2019aho ku wa 16 ukwakira, ahise yitaba Imana. Inkuru y\u2019urupfu rwe ibaye urujijo, ari na byo bitumye Benzinge asaba ko hakorwa \u00abautopsie\u00bb, kugirango hamenyekane ijuru inkuba imukubise ihindiye mo.<\/p>\n
Abazi neza Kigeli bemezaga ko nta ndwara ikomeye yamurangwagaho, uretse gukura bisanzwe. Bongera kwemeza ko, bakurikije uburyo yabagaho, yashoboraga kubaho igihe kirenze ikingiki, cyane cyane ko ngo yari umuntu utaravunitse cyane cyangwa ngo avunwe umugongo muri za \u00abnshimwe nshimwe\u00bb. Ukudashaka umugore ngo bikaba biri mu byashoboraga gutuma abaho ikindi gihe kirekire, nk\u2019uko umwe mu bahanga mu by\u2019irangamimerere yabinganiriye.<\/p>\n
Nyuma gato y\u2019itanga ry\u2019umwami, no ku bwumvikane hagati y\u2019abagize umuryango, Benzinge na Mukabayojo, bihutiye gushyira itangazo hanze ko adashobora gutabarizwa mu Rwanda, ibi kubera ko ngo ari ikizira mu mateka y\u2019abami b\u2019u Rwanda, iyo baguye i Shyanga.<\/p>\n
Nyamara ibi byose Leta y\u2019u Rwanda yarimo kubikurikiranira hafi, kuko bishoboka ko urupfu rw\u2019umwami irufitemo uruhare runini. Abayobozi bakuru b\u2019iyi Leta bahise batera ubwoba mushiki w\u2019umwami (Specioza Mukabayojo), ko agomba kuvuguruza iryo tangazo byihutirwa, akavuga ko umwami Kigeli agomba gutabarizwa mu Rwanda, byanze bikunze.<\/p>\n
Impaka zitangiye ubwo hagati y\u2019abagize umuryango wa Kigeli, ndetse n\u2019abiru, barimo umukuru wabo, Boniface Benzinge.\u00a0 Uyu aremeza ko Kigeli yasize avuze ko aramutse yitabye Imana, atazajyanwa mu Rwanda, ko ahubwo azashyingurwa muri Portugal, mu irimbi ryagenewe abami baguye i Shyanga. Kiliziya gatolika yo muri icyo gihugu ibaye nk\u2019ibyemeza, kuko abakuru bayo bahise basomera misa Nyakwigendera no kumwifuriza iruhuko ridashira.<\/p>\n
Mu gihe u Rwanda rumaze gupfusha umwami, abari hejuru y\u2019igitugu cya Kigali bo barimo kunnya mu bihu: \u00abKigeli azahambwa mu Rwanda ariko tubone amahoro, cyane ko abenshi muri twe tukiri mu gihugu, tukaba n\u2019ubundi twaregwaga kwitwa ingabo z\u2019umwami\u00bb, icyaha kitagira ibimenyetso, ahubwo gishingiye ku mpamvu za politiki ya Leta iriho, na yo ikenyeye umwenda wa cyami, ikitera umwitero wa Repubulika.<\/p>\n
Hejuru y\u2019umugogo w\u2019umwami, aho kumuririra, ahubwo barimo gukungurira abo asize. Mbere yo kwera no kwirabura, bahise bimika undi mwami (batumvikanyeho bose), uwatanze ataranarenzwaho itaka. Impaka zirakomeje, kugeza ubwo hitabajwe inkiko kugirango abe ari zo zikemura ibyo bibazo byose: abacamanza bo muri Amerika bemeje ko Kigeli azashyingurwa mu Rwanda, kuko ngo nta kimenyetso kigaragaza ko atashakaga kuhatabarizwa. Nyamara ibimenyetso ngo byari bihari, ahubwo ngo byasahuwe na Christine Mukabayojo, ubwo yamenaga \u00abcoffre fort\u00bb byari bibitsemo, mu rwego rwo kubisibanganya.<\/p>\n
Nyuma y\u2019icyemezo cy\u2019urukiko, umumotsi mukuru w\u2019ubutegetsi n\u2019uw\u2019umwami (pasitoro Ezra Mpyisi), wari wahawe na Leta y\u2019u Rwanda akaribwa n\u2019akataribwa kugirango azacyure umugogo w\u2019umwami, azindukiye kuri \u00abmorgue\u00bb, asaba umurambo. Abari bawurinze bati reka da, uzajyanwa muri Portugal. Mpyisi na we ubwe, utarashakaga na gato ko Kigeli ashyingurwa mu Rwanda, aririye abawurinze amarira y\u2019ingona: \u00abmwo kagira Imana mwe, mumpe uyu murambo, ndebe ko bwacya kabiri mu Rwanda rw\u2019umwami\u00bb! Byemejwe bityo.<\/p>\n
Kugirango hatabaho ijurira ku badashaka ko umwami atabarizwa mu Rwanda, pasitoro Mpyisi yihutiye kunyaganwa umurambo w\u2019umwami, no kuwupakira byihutirwa muri \u00abEthiopian Airlines\u00bb y\u2019uwo munsi.<\/p>\n
Ku wa 09 mutarama 2017, umugogo w\u2019umwami usesekaye ku kibuga cy\u2019indege Gr\u00e9goire Kayibanda. Nta muyobozi w\u2019igihugu n\u2019umwe uhari, uretse abapagasi bo ku kibuga cy\u2019indege barimo kurwana na wo, bawupakurura mu ndege.<\/p>\n
Uretse n\u2019abayobozi, nta tangazo ryigeze ritangwa n\u2019ubuyobozi ku itanga ry\u2019umwami w\u2019u Rwanda, nta konji yigeze itangwa mu gihugu hose kuva yitabye Imana, emwe nta n\u2019ibendera ryamanuwe n\u2019agace kangana urwara (drapeau mis en berne), mu rwego rwo kubahiriza uwahoze ari umukuru w\u2019igihugu.<\/p>\n
Iyi mihango igayitse, irimo no gushinyagurira uwitabye Imana, yose ibaye mu bwiru bwa cyami y\u2019ubungubu, ndetse n\u2019abagize umuryango wa Nyakwigendera, abiru n\u2019abahoze ari abakaraza b\u2019ingoma na karinga yayo, ntibabimenyeshejwe, ngo abe ari bo wenda bakira umurambo w\u2019umwami wabo. Abapagasi ni bo bahawe akazi kose ko kurangiza uwo muhango, no kuwujugunya mu buruhukiro bw\u2019ibitaro byitiriwe umwami Fai\u00e7al. Ikimenyetso cya mbere cy\u2019urwango Kagame yanga ubwami n\u2019umwami nyir\u2019izina, kiba gitangiye kwigaragaza ubwo.<\/p>\n
Kagame yaba yangira iki ubwami cyangwa umwami nyir\u2019izina?<\/strong><\/p>\n Iki ni ikibazo buri wese yibaza nyuma y\u2019uko Kigeli ahunze u Rwanda, kugeza agarutse ari umurambo. Abazi amateka y\u2019intambara inkotanyi zashoje, bemeza ko, mbere y\u2019uko izo mburagasani zifashe igihugu, Kigeli ngo yari yarazibangamiye ku buryo bushobotse bwose. General Fred Rwigema ngo yamurebye inshuro nyinshi, Kagame na we, biba uko. Bombi ngo basabaga inkunga Kigeli yo gushyigikira \u00abcoup d\u2019Etat\u00bb y\u2019imbunda, ari yo nzira yonyine yari isigaye, yo gufata ubutegetsi mu Rwanda.<\/p>\n Kigeli ngo yakomeje kwanga uwo mugambi mubisha, ababwira ko intambara nta kindi igeraho uretse gusenya byose, ibintu n\u2019abantu; ko rero bayishyira ku ruhande, bakayoboka inzira y\u2019imishyikirano, n\u2019ubundi yari iteganyijwe gukorwa hagati y\u2019ubutegetsi bwa Habyarimana na FPR-Inkotanyi. Indagu za Kigeli zaje kuba impamo kuko ibyo inkotanyi zakurikijeho, ntawe utabizi: kwica Habyarimana no guteza g\u00e9nocide yamaze abatutsi n\u2019abahutu, batavugaga rumwe n\u2019ubutegetsi bwa mwene Ntibazirikana.<\/p>\n Nyuma y\u2019aka kaga kose, perezida Kagame yabaye nk\u2019uwibagiwe indagu za Kigeli, ahitamo kongera kumushaka no kumusaba gutaha. Iyi mishyikirano hagati ya Kagame na Kigeli yakunze kubyara igihwereye, kuko Kigeli yumvishaga Kagame ko agomba kwemera ko ataha ari umwami uganje, nk\u2019uko yahunze n\u2019ubundi ari umwami. Kagame, wumvaga ko nta bihanga bibiri bikwirwa mu nkono imwe, yakomeje kumunnyega no kumukeka amababa, ataretse no gutoteza abitwaga ko bari bamushyigikiye, banifuza ko yagaruka mu gihugu, akitwa umwami.<\/p>\n Iri totezwa ryarakomeje ku buryo inyinshi muri izo \u00abngabo z\u2019umwami\u00bb zarishwe, izindi zigwa mu magereza atandukanye yo mu Rwanda. Ibi mbifitiye gihamya kuko amanama y\u2019abitirirwaga izo ngabo z\u2019umwami na njye nakunze kuyitabira, aho yaberaga kwa Kamali, hariya mu mugi wa Kigali. Mukabarari, waremeshaga izo nama, na we yaje kwicwa n\u2019ubutegetsi bwa Kagame, hakoreshejwe amarozi. Icyo ni ikimenyetso cya kabiri ko Kagame yangaga umwami urunuka, ko ndetse atigeze yemera ko ataha ari muzima, yitwa umwami.<\/p>\n Umuvumo w\u2019ubutegetsi mu ishyingurwa ry\u2019umwami Kigeli wa V<\/strong><\/p>\n Ku wa 15 mutarama 2017, ni ho umwami Kigeli yashyinguwe i Mwima ya Nyanza, ari na ho yimikiwe, mu w\u20191959. Nk\u2019uko byari bimeze ku kibuga cy\u2019indege Gr\u00e9goire Kayibanda, nta n\u2019umwe mu bayobozi bakuru b\u2019igihugu wari waje gushyingura umwami Kigeli wa V.<\/p>\n Perezida Kagame, wagombaga kuba umushyitsi mukuru muri uwo muhango ukomeye, yahisemo gutegeka abanyamadini gushyiraho gahunda ngo y\u2019amasengesho yo gusengera igihugu. Twibutse ko Kagame nta dini agira, ku buryo yaba umuntu wasaba Imana ko u Rwanda rugira amahoro. Uku gukwepa kujya gushyingura umwami Kigeli bikaba ari ikimenyetso cya gatatu ko Kagame yari agifitiye urwango umwami, kugeza anitabye Imana.<\/p>\n Aha ariko ababikurikirira hafi baranibaza impamvu Kagame yarwanye intambara yo gutahukana umurambo wa Kigeli, mu gihe yari yaranze ko ataha ubwo yari agihumeka. Iki kibazo kikiyongera ku kindi cy\u2019uko yanze no kujya kumushyingura kandi, uretse no kuba wenda impamvu za politiki, yari n\u2019umwe mu bagize umuryango we wa hafi.<\/p>\n Abazi ibisekuru bya Kagame bemeza ko biri hafi cyane n\u2019iby\u2019umwami Kigeli, ibi bikaba byari gutuma ibyo bapfaga bijya ku ruhande, ariko akajya mu mihango yo kumushyingura. Urundi ruhande na none rwemeza ko, kubera ibisanira Kagame yari afitanye n\u2019umwami Kigeli, ari yo mpamvu ubutegetsi bwe bwatanze ibishoboka byose kugirango atabarizwe mu Rwanda, aho gutabarizwa i Shyanga, nk\u2019uko byagendekeye bamwe mu bami bamubanjirije.<\/p>\n Abashinyaguzi n\u2019abitwa abanzi b\u2019igihugu bo ibi byose babitera ibyatsi, bemeza ko ahubwo Kagame ashaka gukorera ih\u00f4ra kuri nyakwigendera, ih\u00f4ra risa neza nk\u2019iryo yakoreye Dominiko Mbonyumutwa, ubwo yamutabururaga, ubu imva ashyinguwe mo ikaba itazwi aho iherereye. Nguwo umuvumo ushobora koreka u Rwanda, iri shyano riramutse ribaye.<\/p>\n Uru rusobekerane rw\u2019imvugo ku itaha n\u2019itabarizwa ry\u2019umwami Kigeli rwabaye impaka z\u2019urudaca, kugeza n\u2019aho hari abemeza ko, kubera ko ubutegetsi bwa Kagame bushingiye ahanini mu guhiga indonke mu bapfu n\u2019abazima, i Mwima ngo hazubakwa \u00abmus\u00e9e\u00bb y\u2019akataraboneka, ngo izashyingurwamo ibyarangaga ubwami bw\u2019u Rwanda (karinga n\u2019ibinyita), bityo ba mukerarugendo b\u2019isi yose bakajya basura aho hantu nyaburanga, bitabuze no kwinjiriza igihugu n\u2019abakiyobora umutungo utubutse.<\/p>\n Nyamara abashaka kurenga izi \u00absp\u00e9culations\u00bb zose, n\u2019abanyarwanda bakirangwa n\u2019ubupfura n\u2019ubunyangamugayo, bo bakaba babona ko Kagame yashoboraga kwikinga akababi mu jisho, akitabira umuhango wo gusezera ku mwami wa nyuma w\u2019u Rwanda, cyane cyane ko ngo ntawe ukwiye kwirengagiza ko Imana yaduhishe urwo twese tuzapfa.<\/p>\n Amiel Nkuliza,<\/strong> Ku wa 15 ukwakira 2016, umwami Kigeli yabyutse nabi, afite umuriro mwinshi. Umwiru we mukuru, Boniface Benzinge, afashe icyemezo cyo guhamagara \u00abambulance\u00bb byihutirwa, no kumugeza kwa muganga. Nyamara ngo ntawe urusimbuka rwamubonye, kuko bukeye bw\u2019aho ku wa 16 ukwakira, ahise yitaba Imana. Inkuru y\u2019urupfu rwe ibaye urujijo, ari na byo bitumye Benzinge asaba ko hakorwa […]<\/p>\n","protected":false},"author":2,"featured_media":13581,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-18940","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n
\nSweden.<\/p>\n","protected":false},"excerpt":{"rendered":"