Umwami Kigeli V Ndahindurwa yari umuntu wiyohereje, ukunda u Rwanda n’abanyarwanda ntawe arobanuye. Ibyo n’ibyavuzwe na bwana Boniface Benzinge wari umukarani n’umuvugizi w’Umwami, mu kiganiro cyihariye yahaye Ijwi ry’Amerika.<\/p>\n
Umwami wa nyuma w\u2019u Rwanda Kigeli yatanze mu mpera z\u2019icyumweru, aguye mu bitaro muri Leta zunze ubumwe z’Amerika. Yari afite imyaka 80 y\u2019amavuko.<\/p>\n
Bwana Benzinge yavuze ko Kigeli yazize uburwayi bw\u2019ubukuru yari asanganywe ariko budakabije. Yavuze ko bategereje kuzasobanurirwa n’abaganga ibirenzeho kw’itanga ry’Umwami.<\/p>\n
Benzinge yagize ati “Tugize ibyago byo kubura umuntu wakundaga u Rwanda, wakunze abanyarwanda kandi wakiraga buri muntu ntawe arobanuye.”<\/p>\n
Yongeyeho ko Umwami Kigeli yitangiye u Rwanda kandi ararukorera, kandi ko yatanze akirukorera.<\/p>\n
Ikindi bwana Benzinge yashimangiye n’uko Umwami Kigeli ariwe wagejeje u Rwanda ku bwigenge abisabye umuryango w’abibumbye, Ububiligi butabishaka.<\/p>\n
Kuri we, ibyo bikaba aribyo byatumye Ababiligi bamwirukana mu gihugu.<\/p>\n
Umukarani w’Umwami yabwiye Ijwi ry’Amerika ko Kigeli yari umuntu wizeraga Imana kandi akayikunda.<\/p>\n
Abajijwe icyo atekereza ku gutanga k’umwami mu mahanga, bwana Benzinge yagize ati “N’ibyago twagize ariko sinigitanganza. Yatangiye aho Imana yamugeneye.”<\/p>\n
Benzinge wiganye n’Umwami mu mashuli yisumbuye akanamubera umuvugizi, yavuze ko itabaruka ry\u2019umwami ari ibyago bikomeye kuko babanye igihe kirekire kandi ko bararuhanye.<\/p>\n
Benzinge yavuze ko icyemezo ku ishyingurwa ry’Umwami kizafatwa n’abajyanama b’Umwami.<\/p>\n
Ikiganiro kirambuye na bwana Benzinge mwacyumvira hano hasi.<\/p>\n