Kuri uyu wa kane tariki ya 11 Ukwakira 2012 mu masaha ya saa tatu mu mudugudu wa Kabagendwa, Akagari ka Kamashashi, Umurenge wa Nyarugunga ho mu karere ka Kicukiro hatoraguwe umurambo w\u2019uwitwa Yankurije Donatha wakoraga umwuga w\u2019uburaya.<\/p>\n
Nkuko twabitangarijwe n\u2019umuvugizi wa polisi mu mugi wa Kigali Supt. Ndatsikira Albert Gakara uyu murambo ukaba warabonywe n\u2019umuturanyi wa Nyakwigendera Uwayezu Valentine ari nawe nyirinzu uyu yabagamo ubwo yari aje iwe.<\/p>\n
Mu kwinjira, yasanze uyu Yankurije yashizemo umwuka aho yagaragazaga n\u2019ibikomere mu maso. Supt. Ndatsikira Albert Gakara yakomeje adutangariza ko kuba nyakwigendera yakoraga umwuga wo kwigurisha byemezwa n\u2019abo bari baturanye.<\/p>\n
Supt. Ndatsikira Albert Gakara kandi yadutangarije ko nyakwigendera yibanaga wenyine akaba yari afite imyaka iri hagati ya 25 na 26.<\/p>\n
Ubu bwicanyi bukaba buje busanga ubundi butandukanye bwagiye bukorerwa abakora umwuga w\u2019uburaya mu duce dutandukanye tw\u2019umugi wa Kigali aho inzego zibishinzwe zatangaje ko hari bamwe mu bagiye bakora ubu bwicanyi bamaze gufatwa.<\/p>\n
Ernest NDAYISABA<\/p>\n