Mu ijambo yagejeje ku rubyiruko rugize ishyirahamwe ry\u2019abanyeshuri barokotse g\u00e9nocide (Association des \u00e9tudiants-rescap\u00e9s du g\u00e9nocide-AERG), General Mubaraka Muganga yahamagariye uru rubyiruko kwitegura kurwana intambara u Rwanda rwitegura gushoza mu gihugu cy\u2019Uburundi.<\/p>\n
Iki kiganiro cy\u2019uyu musirikare mukuru w\u2019inkotanyi, cyumvikana mo amagambo ajimije, nyamara anakarishye, ku buryo udashaka kuyumva, ngo anayasesengure, ari utagira ubwenge cyangwa amatwi yo kumva. Ukudakora \u00abanalyse du discours\u00bb nk\u2019iyi ya Gen Mubaraka, ngo inamaganirwe kure, ntaho bitaniye na wa muco \u00a0wa \u00abntibindeba\u00bb, watwokamye. Nyamara iyi \u00abntibindeba\u00bb ni yo yatumye u Rwanda rugwa mu kaga, kuva rwagabizwa ibisumizi by\u2019inkotanyi, kuva muri nyakanga 1994.<\/p>\n
Abanyapolitiki n\u2019abasirikare b\u2019ingoma yabanjirije iyingiyi – y\u2019abasazi -, barihandagazaga, bakavuga amanjwe yose imbere ya rubanda, ibyo mu rwego rwo kubaka ingoma yabakamiraga kugirango hatazagira uyihungabanya. Uku gushyigikira ingoma mu mafuti, mu bugoryi no mu bugome, ni\u00a0 byo byayiviriye mo amahano yaje kuvukamo \u00a0g\u00e9nocide yo mu 1994.<\/p>\n
Ibikuke by\u2019abasazi, byasimbuye ingoma ya MRND-CDR, aho kurebera ku mateka mabi bivuga ko byirukanye mu gihugu, ahubwo bimaze imyaka irenga makumyabiri, biyatiza umurindi.\u00a0 Ibi bigaragarira mu ma disikuru bigeza kuri rubanda, byibeshya ko ari ayo kurwubaka, nyamara ari ayo kurutanya no kurukururira ibyago n\u2019intambara, zigamije kurumarisha.<\/p>\n
Disikuru \u00abgashozantambara\u00bb ya Gen Mubaraka Muganga <\/strong><\/p>\n Ijambo rya Mubaraka Muganga, mukurikira mu nsi y\u2019iyi nyandiko, rirahamagarira nta shiti urubyiruko kwijandika mu ntambara ubutegetsi bw\u2019u Rwanda bwiteguye gushoza mu Burundi. Uretse no guhamagarira abo basore kujya gushirira ku rugamba, Mubaraka Muganga aranabatoza kwitandukanya na bagenzi babo, aho atangira agira, ati: \u00abUmusirikare w\u2019u Rwanda atakaje ubuzima, arengera AERG\/GAERG, nta gihombo. Muri impamvu yacu yo kubaho\u00bb<\/strong>. Aya magambo arakomeye, cyane cyane ko yabwirwaga abana b\u2019abatutsi gusa, barokotse g\u00e9nocide y\u2019abahutu. Ni nko kubabwira, ati \u00abintambara turwana ni izo kubarengera kugirango abahutu batazongera kubamara\u00bb<\/strong>.<\/p>\n Nk\u2019uko ishyirahamwe Ibuka<\/em><\/strong> nta muhutu n\u2019umwe uririmo, cyangwa wigeze uriyobora, sinemeza ko no muri AERG hari abanyeshuri bo mu bwoko bw\u2019abahutu, bayirimo. Haramutse hari abayirimo, baba ari abiyitirira ubwoko, nk\u2019uko ingoma zose zo mu Rwanda zakunze kubonekamo abihutura n\u2019abitutsura.\u00a0 Byumvikane neza ko iri jambo rya Gen Mubaraka, abanyeshuri bitutsuye, ritabagenewe. Iyo riza kubagenerwa, uyu mu generali – nemeza ko atari injiji, nk\u2019izindi nyinshi zigize ingabo arimo – yari kuvuga ati \u00abni mwebwe \u00abmwese\u00bb tubereyeho\u00bb , aho kuvuga ngo \u00abMuri impamvu \u00abyacu\u00bb yo kubaho\u00bb<\/strong>. Iyi \u00abyacu\u00bb<\/strong> ni ijambo rikomeye, riheza inguni, rishingiye ku ivangura mu rubyiruko rw\u2019abanyarwanda, rugizwe n\u2019abahutu n\u2019abatutsi. Iby\u2019abatwa byo ni ibindi.<\/p>\n Nibutse ko ubutegetsi bwo mu Rwanda rw\u2019inkotanyi bugizwe n\u2019ingabo z\u2019abatutsi gusa; aha ndavuga abasirikare bakuru, uko bakabaye. Aba ni bo bateye u Rwanda, bavuga ko baje kwirukana ubutegetsi bw\u2019abahutu. Aba bamaze gushoza intambara no kwihorera ku bwoko ngo bwari bwarabahejeje i Shyanga, bahise banubaka amashyirahamwe yo kubarengera ubwabo bonyine, abanyarwanda baturuka mu bundi bwoko, baba ibicibwa batyo; bitwa abicanyi uko bakabaye. Nguko uko ubwo butegetsi bwashinze Ibuka<\/em><\/strong> igizwe n\u2019abatutsi gusa, bushinga na AERG, igizwe n\u2019urubyiruko rw\u2019abanyeshuri, baturuka mu bwoko bw\u2019abatutsi, gusa.<\/p>\n \u00abU Rwanda ruri mu bihugu bibiri by\u2019ibihangange…\u00bb<\/strong><\/p>\n Aya magambo ya General Mubaraka hari abashobora kuyafata nk\u2019aho yoroshye; nk\u2019aho ari urwenya. Ntawe uyobewe ko u Rwanda ruri mu bihugu bya nyuma bikennye ku isi. Kuba ubutegetsi bw\u2019i Kigali butinyuka kuvugira ku karubanda ko noneho u Rwanda ruhindutse igihugu cy\u2019igihangange ku isi, ntawe ukwiye gufata aya magambo nk\u2019aho asekeje. Ni amagambo afite aho ashingiye, afite n\u2019aho yaturutse. Mwibuke ko minisitiri w\u2019intebe wa Israyeli, Benyamin Netanyahu, aherutse mu ruzindu mu Rwanda. Aho ahaviriye, u Rwanda rwashyize mu bikorwa umushinga wo kuhubaka isinagogi, nka ya yindi y\u2019abayahudi. Bivuze ko g\u00e9nocide nyarwanda ubu igenda ifata indi ntera. Mu gihe kiri imbere ntimuzatangazwe n\u2019uko g\u00e9nocide yari yariswe nyarwanda n\u2019umuryango w\u2019abibumbye, ikaza kwitwa iy\u2019abatutsi n\u2019ubutegetsi bwa Kagame, noneho izitwa g\u00e9nocide y\u2019abayahudi bose, n\u2019abatutsi barimo.<\/p>\n Kugirango mwumve uburemere n\u2019inkomoko by\u2019iri jambo rya Mubaraka Muganga, ndibutsa ko inyinshi mu ngabo za FPR zitoreza ibikorwa by\u2019imirwano mu gihugu cya Israyeli. Israyeli kandi iri mu bihugu by\u2019ibihangange, bishyigikiwe na Leta Zunze Ubumwe za Amerika, mu ntambara zo gutsemba abanyepalestina, aho bari hose ku isi. Iyi ntambara yiswe intambara ntagatifu, mwibuke ko imaze imyaka n\u2019imyaniko yarabuze kirangira, kubera ko ari abanyamerika bayiri inyuma. Kuba rero Gen Mubaraka avuga ko u Rwanda noneho rubaye igihugu cy\u2019igihangange ku isi, ni aho bituruka; ni Israyeli n\u2019abanyamerika barimo kuruha ingufu zo gupanga izindi ntambara, zakunze kuvugwa mu karere k\u2019ibiyaga bigari, intambara zo kurengera abo bita \u00ables n\u00e9lotiques\u00bb. Aba ba mpatsibihugu bagambiriye kubaka mu karere kacu ibyo bise \u00abempire hamite\u00bb; ni ukuvuga kwimakaza, kurengera ubwoko, no kumaraho abo mu bundi bwoko bita \u00ables bantous\u00bb (Soma witonze document y\u2019intwari D\u00e9ogratias Mushayidi, n\u2019igitabo cya Noheli Ndanyuzwe).<\/p>\n \u00abLes n\u00e9lotiques\u00bb ntihagire abumva ko ari abatutsi bo mu Rwanda no mu Burundi, gusa. Ni ibihugu byinshi, birimo Etiyopiya, Eritrea, agace gato ka Sudani, Somaliya, n\u2019ibindi byiyitirira ubwo bwoko. Ngayo amarenga ya Gen Mubaraka, aho arimo kwita u Rwanda ko ubu ngo rwabaye igihugu cy\u2019igihangange ku isi. Ngaho aho akura ririya jambo rikomeye, aho agira, ati: \u00abMuri impamvu yacu yo kubaho\u00bb<\/strong>.<\/p>\n \u00abMurashomereye kubera akanya gato\u00bb<\/strong><\/p>\n Ndasaba ko buri wese ukunda u Rwanda, yibaza gato kuri aya magambo y\u2019uyu musirikare mukuru w\u2019u Rwanda. Hari abakeka ko Gen Mubaraka ari we wibwirije kuyavuga. Ibi si byo. Yarayatumwe, yaranayatojwe, nk\u2019uko yabyitangarije, agira, ati: \u00abUmutoza wacu yadutoje neza, anaduhahira ku isoko, aduhitiramo udukoni twiza dusobanutse\u00a0; ubushomeri ni ubw\u2019akanya gatoya, mugomba guhora mwiteguye\u00bb.<\/strong><\/p>\n Muri \u00abtactique\u00bb ya gisirikare ku isi yose, ntabwo ari umusirikare uwo ari we wese ushoza urugamba, n\u2019iyo yaba afite ipeti nk\u2019irya General. Intambara zose zishozwa n\u2019umugaba w\u2019ikirenga. Mu Rwanda rw\u2019ubu, umugaba wazo ni Pahulo Kagame. Byumvikane neza ko aya magambo Muganga yayatumwe na shebuja, General Paul Kagame, kugirango ayamuvugire, muri ariya marenga. Ikizayakurikira ni intambara y\u2019akarere, cyane cyane ku gihugu cy\u2019Uburundi, aho uyu mugenerali abyemeza, agira, ati\u00a0:\u00abNta kigwari cyo mu Rwanda kibaho\u00a0; n\u2019ikigwari kimwe kiba kiruta ba baturanyi nka cumi\u00bb<\/strong>. None abaturanyi bavugwa hano ni ba nde? Udashaka kumva icyo iyi ntero n\u2019inyikirizo bivuga, ni uko atagira amatwi yo kumva, no gutekereza aho ubutegetsi bwa Kagame n\u2019agatsiko ke, bituganisha.<\/p>\n \u00abAriko nifuzaga ko hano habonetse ikiraka, nta n\u2019izindi ngabo natwara\u00bb<\/strong><\/p>\n Ubwo muri 1992 intambara hagati ya Leta y\u2019u Rwanda na FPR yari irimbanije, uwari minisitiri w\u2019intebe, Dr Dismas Nsengiyaremye, kuri radiyo Rwanda, yagize, ati: \u00abMu Rwanda hari urubyiruko rurenze miliyoni; ruhagurukiye rimwe intambara u Rwanda rurwana n\u2019inkotanyi, ntiyamara kabiri\u00bb. Aha Nsengiyaremye yiyibagizaga ko urubyiruko rwose rw\u2019u Rwanda rutigeze rwitoza kurwanisha imbunda. Bivuze ko iryo jambo rya Nsengiyaremye ryahamagariraga abasore kujya kurwana n\u2019ingabo z\u2019inkotanyi, zitoje igihe kirekire mu kwicisha udufuni n\u2019izindi ntwaro zikomeye, mu gihe abo yahamagariraga kurwana na zo, batari bazi no kurashisha itopito\u00a0!<\/p>\n Iyo Mubaraka Muganga atinyutse kuvuga ijambo nk\u2019iri \u00abHabonetse ikiraka, nta n\u2019izindi ngabo natwara\u00bb<\/strong>, azi neza ko abo basore abwira atari abasirikare bitoje kurwana, bivuze ko aba ahamagariye urubyiruko gushirira ku rugamba, urugamba rufitiye inyungu (gusa) abari ku ntebe y\u2019ubutegetsi. Mu kuvuga aya magambo, Mubaraka ntaho ataniye n\u2019abari bagize ubutegetsi bwa MRND-CDR, we na shebuja bakivuga ko ngo batoje interahamwe zo kumara abatutsi. Abwirwa benshi, akumva bene yo.<\/p>\n \u00abNta ntare iribwa n\u2019imbwa\u00bb!<\/strong><\/p>\n Aya magambo na yo utayumva, yariye intumva. Hari abayabonamo ko wenda imbwa n\u2019intare bivugwa hano na Gen Mubaraka, ari za nyamaswa z\u2019ishyamba, n\u2019izo dusanzwe tuzi, dutunze mu mago yacu. Ndibutsa ko ikirangantego cya Leta ya FPR-Inkotanyi gikozwe n\u2019imikaka y\u2019intare. Intare ni umutware w\u2019ishyamba; inkotanyi na zo ni inyeshyamba, kandi n\u2019ubwo zimaranye ubutegetsi imyaka irenga 20, ubunyeshyamba bwazo ntaho bwagiye; ziracyagendera ku mategeko y\u2019ishyamba (La loi de la jungle). Imbwa ivugwa hano, ni iyenda kurwana n\u2019intare mu minsi iri imbere. Si ngombwa nsubiremo abo Mubaraka arimo kwita imbwa, muri iki gihe. Cyeretse niba mutazi gusoma, cyangwa mutarumvise neza \u00abdiscours\u00bb y\u2019uyu musirikare mukuru, umwe mu batoni ba Gen Paul Kagame.<\/p>\n \u00abNa mwe muri \u00abpart of the army\u00bb!<\/strong><\/p>\n Mbere y\u2019uko asoza iri jambo nita gashozantambara, Gen Mubaraka Muganga yongeye kumvisha aba banyeshuri ko na bo ari abasirikare; ko bagomba kwitegura gufasha ingabo z\u2019u Rwanda mu ntambara zirimo gutegura. Ati: \u00abKugirango n\u2019iyo ntambara dushobore kuyitegura, nyuma ya \u00abarmy week\u00bb, abo twitezeho umusada ni mwebwe; muzaba aba mbere kuba muturi hafi. Na mwe muri \u00abpart of the army\u00bb<\/strong> (Ndlr: na mwe muri mu bagize ingabo (zacu).<\/p>\n Aya magambo ya Gen Mubaraka anyibutsa aya Dr Jean Kambanda, yavugiye muri kamena 1994, imbere y\u2019imbaga y\u2019urubyiruko rwo muri komini Nyakabanda, ubwo yagiraga, ati: \u00abNgiyi imbunda; inkotanyi nikurasa, na we uhagarare uyirase; inkotanyi ntizibarusha ibigango\u00bb. Abo Yohani Kambanda yabwiraga icyo gihe, ni na bo Gen Mubaraka arimo kubwira uyu munsi. Aba bayobozi bombi, bataniye hehe? Ntaho bataniye, ahubwo bahuriye kuri ya mateka, atagira icyo atwigisha.<\/p>\n Urubyiruko Kambanda yabwiraga icyo gihe ni rwo rwaje kwijandika mu bwicanyi, rutazi icyo rurimo kwicira inzirakarengane z\u2019abatutsi. Uwarushishikarizaga kwica, ubu akingiwe ikibaba n\u2019inkiko mpuzamahanga. Abo yashishikarizaga kwica, abenshi muri bo barimo guhira (gushya) mu magereza yo mu Rwanda, aho n\u2019ubundi bari basanzwe batunzwe n\u2019amamininwa y\u2019ibigori. Abandi barabundabunda mu Burayi na Amerika, aho bamwe bihinduye mo abanyepolitiki, kugirango amashyaka barimo azajye abakingira ikibaba. None abo Mubaraka Muganga arimo gutoza kwica muri iki gihe, baba ari bo bakandida b\u2019ubutaha muri aya magereza, ubu aruta ubwinshi ibikorwa by\u2019amajyambere: ibitaro n\u2019amashuri? Igisubizo cy\u2019iki kibazo, si icyanjye; ni icyanyu.<\/p>\n U Rwanda rwaragowe; rukwiye igangahurwa!<\/strong><\/p>\n Kuva namenya ubwenge, sinigeze ntuza mu mutima wanjye. Sinzi niba narabiterwaga n\u2019ibyo nagiye nitegereza, bikampahamura. Mu butegetsi bwa MRND-CDR – namenye bihagije -, nakunze gutangazwa n\u2019ukuntu bwari bushingiye k\u2019ugutonesha abaturukaga mu karere k\u2019amajyaruguru, perezida Habyarimana yaturukaga mo. Nakunze kwibaza impamvu abo\u00a0 \u00abbakiga\u00bb ari bo bigaga bonyine, ari na bo bonyine bari biganje mu bigo bya Leta, no muri za minisiteri. Mu y\u2019Ububanyi n\u2019amahanga, nabaye mo imyaka itanu yose, narabirebaga ngafatwa n\u2019ihahamuka.<\/p>\n Ubwo twari mu mishyikirano ya Arusha, tuganira n\u2019abo \u00abbavandimwe\u00bb bafite ubutegetsi muri iyi minsi, nababonaga mo imfura z\u2019i Rwanda, zishobora kugangahura u Rwanda, rwari mu mayira abiri. Izo \u00abmfura\u00bb, ubu zabaye \u00abimfunya\u00bb, ni zo z\u2019ubungubu, zirimo gutobanga u Rwanda n\u2019abanyarwanda, kurusha abo zaganiraga na zo, icyo gihe.<\/p>\n Iyo nshyize ku munzani iri hahamuka ryose, numva nahitamo gusaba rubanda, urubyiruko rwose, kwanga urunuka ubutegetsi n\u2019abategetsi babashora mu ntambara z\u2019urudaca, ingaruka ikaba ari bo zibasira.<\/p>\n Mpita na none nifuza gusaba abarwanira ubutegetsi mu Rwanda, guha ituze abanyarwanda bo mu bwoko bwose, urubyiruko muri rusange, kuko barwitwaza kugirango bagere ku nyungu zabo, inyungu zo gufata ubutegetsi, ubu butegetsi akaba ari yo nzira y\u2019ubusamo yo kwikungahaza mu by\u2019isi.<\/p>\n Ni nde muri uru rubyiruko utabona ko, ubwo inkotanyi zarushoraga mu mirwano, ntacyo zarumariye? Ni nde utabona ko urubyiruko Jean Kambanda yahamagariraga kwica, ari rwo rwabigizemo ingaruka, Kambanda yigaramiye?<\/p>\n Ubutegetsi buraryoha ni byo, no kuburinda ni \u00abmuhimu\u00bb, ariko nta mpamvu yo kwitwaza abo butareba kugirango bashirire mu ntabara zo kubufata, no kubugumaho. \u00abA bon entendeur, salut\u00bb!<\/p>\n Ijambo rya General Mubaraka Muganga, ribahe indorerwamo yo kwireberamo, kugirango mumenye igikwiye; icyiza n\u2019ikibi.<\/p>\n Amiel Nkuliza, Sweden. <\/strong><\/p>\n","protected":false},"excerpt":{"rendered":" Mu ijambo yagejeje ku rubyiruko rugize ishyirahamwe ry\u2019abanyeshuri barokotse g\u00e9nocide (Association des \u00e9tudiants-rescap\u00e9s du g\u00e9nocide-AERG), General Mubaraka Muganga yahamagariye uru rubyiruko kwitegura kurwana intambara u Rwanda rwitegura gushoza mu gihugu cy\u2019Uburundi. Iki kiganiro cy\u2019uyu musirikare mukuru w\u2019inkotanyi, cyumvikana mo amagambo ajimije, nyamara anakarishye, ku buryo udashaka kuyumva, ngo anayasesengure, ari utagira ubwenge cyangwa amatwi yo […]<\/p>\n","protected":false},"author":2,"featured_media":19753,"comment_status":"open","ping_status":"open","sticky":false,"template":"","format":"video","meta":{"footnotes":""},"categories":[78],"tags":[],"class_list":["post-19751","post","type-post","status-publish","format-video","has-post-thumbnail","hentry","category-ibitekerezo","post_format-post-format-video"],"yoast_head":"\n