Hashize imyaka isaga ibiri hatangijwe umushinga wo kubaka Gare y\u2019Umujyi wa Kigali, ubwo na Minisitiri w\u2019intebe yayisuraga agasobanurirwa ko izuzura bidatinze, byashyizwe ahagaragara ko nta Gare izubakwa hagati mu mujyi wa Kigali.<\/p>\n
Nyuma y\u2019uko imodoka zitwara abagenzi mu mujyi wa Kigali zimuwe ahamenyerewe ko ari kwa Rubangura, byatangajwe ko hagiye kubakwa ikigo abagenzi bategeramo imodoka haruguru ya gereza nkuru ya Kigali, yagombaga kuzura, nk\u2019uko byatangajwe n\u2019uwayoboraga Umujyi wa Kigali icyo gihe, mu gihe cy\u2019amezi atarenze atatu.<\/p>\n
Nk\u2019uko byatangajwe n\u2019Umunyamabanga wa Leta muri Minisiteri y\u2019ibikorwaremezo, Ushinzwe gutwara abantu n\u2019ibintu, Dr Nzabahimana Alex, mu kiganiro n\u2019abanyamakuru kuwa 12 Ukwakira 2012, nta Gare izubakwa mu mujyi wa Kigali. Yagize ati \u201cNta gahunda yo gushyira Gare mu mujyi wa Kigali, hateganyijwe Gare imwe nini n\u2019ahandi hahagarikwa imodoka, abashaka gutembera mu mujyi bagakoresha uburyo busanzwe.\u201d<\/p>\n
Akomeza atangaza ko ba Nyir\u2019imodoka bagomba kugira aho zihagarara, zigasohokamo zigiye mu kazi, hateganyijwe uburyo imodoka zitwara abagenzi zakwiyongera kandi n\u2019imikorere ikarushwaho kunozwa.<\/p>\n
Ikindi kandi ni uko ngo hagiye kunozwa politiki yo gutwara abagenzi mu mujyi wa Kigali, ku buryo nta modoka zizemererwa guharara umwanya, zizajya zikuramo abantu abandi bajyamo.<\/p>\n
Bamwe mu bagenzi bategera imodoka ahamenyerewe ko ari kuri Statistique, badutangarije bari bishimiye ko imirimo yo kubaga Gare y\u2019Umujyi yihuta, bagiye kubona aho bategera imodoka.<\/p>\n
N\u2019ubwo imirimo irimbanije, ahakekwaga ko hazaba Gare y\u2019Umujyi wa Kigali, harategurirwa ahazajya hahagarara imodoka mu rwego rwo guca umubyigano wazo mu mujyi, bitavuze ko ari Gare.<\/p>\n