Tudatinze ku ngoma ya cyami n\u2019iya Kayibanda yayisimbuye, tukaganira ku ngoma z\u2019igitugu cya gisilikali ebyiri zakurikiyeho. MRND na FPR, cyangwa se Nyakubahwa Habayarimana na Nyakubahwa Kagame, turasanga ibintu byifashe bite?<\/p>\n
Izi ngoma zombi zazahajwe n\u2019indwara ya politiki igoye kubonerwa umuti iyo hatari ubushake bwo kuwushaka, aho usanga icyo bita inzibacyuho cyangwa se amatora cyangwa se umuti ku bibazo bya politiki uhora ari icyo twakwita \u201cigice\u201d cyngwa se \u201cpartiel\u201d mu gifaransa. Ibyemezo bitorwa bose batabigizemo uruhare, iteka hagahora hari abatarabyemeye kandi bafite ubushobozi bwo gukomeza gusakuza no guharanira impinduka no kuba bahirika abiyicaje cyangwa se abicajwe ku ntebe byaba vuba cyangwa se byatinda.<\/p>\n
Mu Rwanda rwa Yuvenali na Polo wamusimbuye bite?<\/strong><\/p>\n Iteka amatora aba hari igice cy\u2019abanyarwanda bahejwe, batari bake kandi batabuze ubushobozi bwo guharanira uburenganzira bwabo. Amatora akaba, perezida agatorwa, ariko umutungo w\u2019igihugu akawumarira mu guhangana n\u2019abo yahejeje hanze, cyangwa se mu kurigisa abo yafungiye ubusa n\u2019abashaka kumuha inama zubaka mu gihugu.<\/p>\n Nanubu urwishe ya nka ruracyayirimo. <\/strong><\/p>\n Mu gihe dushima abagerageza kwiyamamaza nka Diane Rwigara mu butwari bwabo, mu gihe twifuriza Kagame kugira umutima wo gutanga inzira ngo abanyarwanda bahumurizwe, hari abakandida batari bake baheze mu munyururu cyangwa se hanze y\u2019igihugu kandi bashobora gutorwamo perezida cyangwa se bakagira n\u2019uruhare rukomeye mu guha umurongo uboneye imiyoborere y\u2019igihugu. Aba barabarirwamo n\u2019abahutajwe bakazengerezwa bagateshwa uburenganzira burundu: Bernard Ntaganda, Pasteur Bizimungu, Victoire Ingabire, Deo Mushayidi, Dr Niyitgeka, n\u2019abandi, Twagiramungu Fawustini, hari Sebarenzi Yozefu wahunze yenda kwicwa kandi nawe ubonwa na benshi nk\u2019ushobora kuba umukuru w\u2019igihugu utabogamye, …<\/p>\n Hari abandi babujijwe no kwinjira mu gihugu n\u2019amashyaka yabujijwe uburenganzira bwo kwiyandikisha, kandi harimo abashobora gutsinda amatora no kwegukana umwanya wa perezida, n\u2019amashyaka nayo ashobora kuvamo ayatsinda amatora mu gihugu ku kigero gikomeye mu buryo byagirira abaturage akamaro: Padiri Thomasi Nahimana, n\u2019abandi, Ishyaka PDP-Imanzi ryagerageje rikananizwa, Ishyaka Ishema ryakoze ibishoboka byose rikananizwa, n\u2019abandi batiriwe basaba kwiyandikisha mu gihugu kuko babona nta mahirwe. Hari amashyaka menshi cyane kandi akomeye: RNC ibice byombi, FDU-Inkingi, PDI, Banyarwanda, FPP, Amahoro, n\u2019andi menshi. Hari na Guverinoma ikorera mu buhungiro ibarizwa mu gihugu cy\u2019ubufaransa. Aba bose rero n\u2019ababari inyuma bose n\u2019abandi tutavuze bari hirya no hino ku isi, ni abanyarwanda n\u2019amashyaka y\u2019abanyarwanda, bakaba batari muri theatres ziri kubera mu Rwanda. Uwatorwa wese mu bakandida bari mu Rwanda yatorwa mu buryo bwaheje abanyarwanda benshi cyane n\u2019amashyaka y\u2019abanyarwanda menshi cyane. Ibi nta gisubizo kirambye bitanga. Aba bantu ni benshi cyane n\u2019ingufu bafite si izo gusuzugurwa ku buryo waryama ugasinzira wabahejeje hanze y\u2019inzu bose kandi urugi ari imbaho gusa. Cyangwa ukibwira ko ikinyoma n\u2019iterabwoba bizaguha amahoro warayimye aba banyagihugu bose, n\u2019abandi bari imbere batavuga? Umunyabwenge ntiyabigenza atyo.<\/em><\/strong><\/p>\n None amaherezo azaba ayahe?<\/strong><\/p>\n Mu by\u2019ukuri, igikwiye ni uko uwitwa umukandida wagira amahirwe akemerwa wese, kimwe mu bibazo bikomeye yashingiraho imigabo n\u2019imigambi ye ari uburyo ibibazo biremereye nk\u2019iki byabonerwa igisubizo. Aba bose twavuze bakinjizwa muri gahunda ziriho igihe cyose babishaka. Naho ubundi, ibiba bizaba ari nko kwizungurukaho ukagira ngo uriho uragenda, kandi ari ntaho uva ali nta n\u2019aho ujya. Nka bimwe bavuga mu Kinyarwanda ngo ni nk\u2019umwana uhuza urugwiro n\u2019undi! <\/em><\/p>\n Hejuru y\u2019iki kibazo haza n\u2019ibindi by\u2019ingutu bigomba nabyo kwigwaho byanze bikunze: ikibazo cy\u2019ubwicanyi ndengakamere bwabaye mu Rwanda. Ni ikibazo ubutegetsi buriho bwagerageje gukemuza iterabwoba, kubeshya no gucurikanga amateka (kuyavanavanga bizamo no kwivuguruza uko bwije n\u2019uko bukeye), bitera kwivuguraza cyane muli za politiki n\u2019amategeko bishyirwaho, mu nyigisho zitangwa, mu nyito zihabwa ibiriho n\u2019ibyabaye, mu gusobanura inyito zinyuranye, etc. Abanyarwanda ugasanga bambuwe amahirwe yo kwiga amateka y\u2019igihugu cyabo uko yakabaye. Hari n\u2019ibindi bibazo bikomeye, birimo abitwaje intwaro bari mu mashyamba ya congo, ndetse n\u2019abandi benshi bashobora kuzitwaza cyangwa se kuzazitwaza mu bihe biri imbere niba anta gikozwe ngo ibyo ntibibeho. Abanyarwanda bacunaguzwa na HCR na za guverinoma zigambana hagati yazo na Leta y\u2019u Rwanda, n\u2019ibindi byinshi.<\/p>\n Iterabwoba na ruswa mu miryango mpuzamahanga no kureshya abanyarwanda b\u2019inda nini: zeru<\/strong><\/p>\n Gukemuza ibibazo iterabwoba byakoze igihe gito ubundi biba impfabusa. Gusesagura umutungo w\u2019igihugu muri za ruswa ngo abana b\u2019igihugu bagambanirwe hirya no hino, nabyo ntacyo byatanze kuko umwotsi uracyacumba, umuriro uratutumba. Iturufu ya jenoside mu gupfuka abantu iminwa no kubafungisha impande zose no kubuza abandi kwibuka ababo no gukura umutima abacitse ku icumu b\u2019abatutsi mu kubarundurira muli gahunda za politiki zitabareba, byatanze ubusa, kuko \u201cnta utwika ishyamba ngo ahishe umwotsi\u201d. Abanyarwanda si ibicucu. Abaryi bararya, ariko ntibibagirwa ababo bariwe n\u2019ifuni n\u2019amasasu imihanda yose n\u2019amashyamba yose. Abatagira intege bakurwa umutima ariko ntibayobewe ko ubashora imbere abashumuriza umujinya w\u2019amateka n\u2019ejo hazaza h\u2019igihugu, aho bazisanga babazwa ibyo batakoze! Barabizi ko bbba bigura ariko ukwifuza gutabarwa no guhumurizwa ntibatana nabyo! Ibi byose bigira igihe. Kandi igihe bene iki ntikijya kiba kure! Iyo cyahagurutse kiza cyasaze nk\u2019iya gatera nta gitangira!<\/p>\n Inama yaba iyihe?<\/strong><\/p>\n Inama yaba gusubiza amaso inyuma, amateka akigisha buri wese, uwiyumvamo ubuhangange n\u2019ubucakura akemera kugirwa inama kuko umutwe umwe wifasha gusara no kwiyahura nta kindi. Mu bwiyahuzi, ingaruka zisuka kuri benshi n\u2019abatarabiteye bakaba babizira. Kuryumaho no kutavuga cyangwa se gushyigikira ikibi ntacyo bitanga uretse guhemukira igihugu no kuzicuza ejo cyangwa se gukwira imishwaro.<\/p>\n Inama iruta izindi<\/u><\/strong>: Kureka ubwiyemezi, korohera abandi, kugabanya irari, kwemera kuganira ku byabaye no gushakira hamwe uko umuti wanyobwa na bose n\u2019iyo waba urura. Uwiyamamaza wese n\u2019uzatorwa wese, amenye ko bi bibazo by\u2019ingutu ntaho byagiye kandi ko ntaho kubicikira hahari. Ni ukwemera kubyinjiramo no kubyinjiranamo n\u2019abandi bose bireba, abanyarwanda bose muri rusange. Naho ubundi, bizahora uku ubuziraherezo. Kandi uwishe ejo hashize \u00a0aricwa umunsi wa none none n\u2019uwishe none azicwe ejo hazaza, ikibabaje ni uko hari n\u2019uwishwe ejo hashize ukicwa no ku munsi wa none akaba ashobora no kuzakomeza kwicwa n\u2019ejo hazaza \u2026 bizahore bisimburana iteka se? Ntitwahora muri uru, abanyarwanda turananiwe. Hakenewe gufatira hamwe icyemezo cyo gushyiraho akadomo. Kandi ibi bisaba kwitanga no kugira icyo twigomwa twese nta uvuyemo. Bikwiye kuva mu nzira, tukinjira mu bihe bishya. Ntawe tubeshya, abanyarwanda ibyabaye barabizi kandi babifitiye na gihamya. Ibyo uhisha none, ejo aho uhisha nihasenyuka bizasandara hanze ufatwe mpiri cyangwa se uhigwe bupyisi. Nta mpamvu rero, banyarwanda, nitwibaze, nimwibaze, buri wese yiyemeze kandi yiteremo nako twiteremo akanyabugabo ko kwemera, koroherana, kungurana inama, gutsinda umujinya n\u2019inzika n\u2019agahinda twatewe, no kujya mbere.<\/p>\n Amahoro n\u2019amahirwe<\/strong><\/p>\n Bamara<\/strong><\/p>\n","protected":false},"excerpt":{"rendered":" Tudatinze ku ngoma ya cyami n\u2019iya Kayibanda yayisimbuye, tukaganira ku ngoma z\u2019igitugu cya gisilikali ebyiri zakurikiyeho. MRND na FPR, cyangwa se Nyakubahwa Habayarimana na Nyakubahwa Kagame, turasanga ibintu byifashe bite? Izi ngoma zombi zazahajwe n\u2019indwara ya politiki igoye kubonerwa umuti iyo hatari ubushake bwo kuwushaka, aho usanga icyo bita inzibacyuho cyangwa se amatora cyangwa se […]<\/p>\n","protected":false},"author":2,"featured_media":7006,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-20092","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n