Ku itariki ya 27 Gicurasi 2017, Perezida Kagame yabwiye abahanzi, abanyamakuru n’abakinnyi ko yifuza kubashyigikira. Benshi bahise bibaza niba ibyo avuga abivanye ku mutima, cyangwa niba ari amareshyamugeni (propagandes) ya mbere y’amatora.<\/p>\n
Nyuma yo kumva ayo magambo ya Kagame, Ambassaderi Jean Marie Vianney Ndagijimana, washinze w’umuryango “Ibuka bose rengera bose” yanditse ku rubuga rwe rwa Facebook ati : “Prezida Kagame ngo yijeje inkunga abanyamakuru n’abahanzi. Ibi ninko kuvuga ngo mu nteko huzuyemo abagore yarangiza agafunga Ingabire amuziza ubusa. Ubuhanzi nabwo ntabwo ashaka ntazigera abutera n’inkunga kuko burigenga kandi atinya abafite ubwigenge. Kugira ngo ibyo avuga byemerwe, nabanze afungure umururimbyi Kizito Mihigo n’imfungwa za politike Victoire Ingabire, Deo Mushayidi, Dr Th\u00e9oneste Niyitegeka, n’abanyakuru baboshye, n’abandi baciriwe ishyanga.”<\/p>\n
Tubibutse ko Kizito Mihigo yafunzwe mu kwezi kwa kane 2014 ashinjwa gushaka guhirika ubutegetsi buriho mu Rwanda afatanije na RNC ndetse na FDLR, akaba yarakatiwe n’urukiko rukuru imyaka icumi y’igifungo.<\/p>\n
Ibyo ariko bikaba byarabaye nyuma y’igitutu uyu muhanzi yari amaze igihe ashyirwaho, kubera indirimbo yahimbye yitwa “Igisobanuro cy’urupfu”<\/p>\n