{"id":2057,"date":"2012-10-17T21:48:52","date_gmt":"2012-10-17T19:48:52","guid":{"rendered":"http:\/\/www.therwandan.com\/ki\/?p=2057"},"modified":"2012-10-18T13:17:24","modified_gmt":"2012-10-18T11:17:24","slug":"congo-kinshasa-ibyo-mutamenye-ku-nama-ya-francophonie","status":"publish","type":"post","link":"https:\/\/www.therwandan.com\/ki\/congo-kinshasa-ibyo-mutamenye-ku-nama-ya-francophonie\/","title":{"rendered":"Congo-Kinshasa : IBYO MUTAMENYE KU NAMA YA FRANCOPHONIE"},"content":{"rendered":"

\u2022 Byatangiye abanyekongo bayita \u2018FRANCOSONI\u2019 inama irangira yabaye FRANCOPHONIE;
\n\u2022 Abakuru b\u2019ibihugu bayitabiriye basa n’abari baje kwemeza Etienne TSHISEKEDI WA MULUMBA;
\n\u2022 Abanyekongo baciriwe amarenga ko hari icyo bagomba kwihutira gukora kugira bashyigikirwe gukuraho Perezida Joseph KABILA;
\n\u2022 Francois HOLLANDE yagaragaje ko ntacyo afite cyo kuvugana n\u2019abaperezida bajyaho babanje kwiba amajwi mu matora.<\/p>\n

Inama ya 14 ya Francophonie igitangira gutegurwa abanyekongo benshi, baba mu gihugu no hanze yacyo, ntibari bashyigikiye ko yabera mu gihugu cyabo kuko bayibonagamo inama igamije kwereka abanyekongo ko bashigikiye perezida Joseph Kabila n’ubwo bwose byari bizwi ko yagiyeho habanje kwiba amatora yo kuya 28 Ukwakira 2011. Batangiye kuyirwanya bivuye inyuma nibwo baje kuyihimba akazina ka \u2018FRANCOSONI\u2019 ; soni mu rurimi rwabo rw\u2019ilingala bisobanuye isoni, ikimwaro. Bumvaga ari isoni n\u2019ikimwaro ku gihugu cy\u2019igihangange nk\u2019Ubufaransa kuza gushigikira umuperezida wibye amatora !<\/p>\n

Abaturage bumvaga ko bishoboka ko barwanya ko ibera mu gihugu cyabo bifashishije uburyo bwose bushoboka, cyane ko bibukaga neza ko no mu mwaka 1991 iyi nama yagombaga kubera i Kinshasa Congo icyitwa Za\u00efre ya Mobutu Sese Seko ariko kubera ko yayoboreshaga igitugu ntiyubahirize uburenganzira bwa kiremwamuntu yimuriwe ahandi. Bibukaga kandi ko mu 2009 iyi nama yagombaga kubera muri Madagascar ariko yaje kwimurirwa mu Bufaransa kubera impamvu nk\u2019izo navuze haruguru.<\/p>\n

Uburyo bwashobokaga kugira iyo nama yimurwe bwose bwarakoreshejwe, batangiye gutegura imyigarangambyo yagombaga gutangira tariki 13 Ukwakira 2012, ubwo inama yari kuba itangiye. Iyo bayise journ\u00e9e ville morte, bisobanuye ko nta muturage n’umwe wari kujya ku kazi akari ko kose, abakora muri za h\u00f4tels abo bashyitsi bari kuza kuraramo bari kubura ubakira, ubaha icyo gushyira ku munwa n\u2019ibindi\u2026 bose bari guhurira mu mihanda n\u2019uwo bita \u2018perezida\u2019 wabo Etienne Tshisekedi. Ntibyagarukiye aho kuko bandikiye Yamina Benguigui, ministri w\u2019Ubufaransa ushinzwe Francophonie ko bazamwica n\u2019akandagiza ikirenge i Kinshasa ngo aje mu nama ya Francophonie.<\/p>\n

Imyiteguro ya nyuma yo kwitabira inama ya Francophonie<\/strong><\/p>\n

Mu gihe byarimo gushyuha bityo Francois Hollande yatangiye gushidikanya niba agomba kujya muri iyo nama i Kinshasa. Icyemezo ntakuka ko azitabira iyo nama cyagaragaye kuwa kabili tariki 8 Ukwakira 2012 ubwo abakuru b\u2019ibihugu byabo bari i New York mu nama y\u2019umuryango w’abibumbye ubwo yatangarizaga abakuru b\u2019ibihugu ko kutubahiriza uburenganzira bwa kiremwamuntu birimo kubera muri Congo atari ibintu byo kwihanganirwa kandi ko bigomba gufatanwa uburemere. Iri jambo ryateye ugushyidikanya mu batari bashyigikiye ko iyi nama ibera i Kinshasa.<\/p>\n

Bukeye kuwa gatatu tariki 9 Ukwakira, Ban Ki-Moon, Umunyamabanga w\u2019Umuryango w\u2019ababibumbye ONU yaje i Paris nyuma y\u2019umubonano bagiranye baje kugirana ikiganiro n\u2019abanyamakuru, Francois Hollande yaje gutangariza abanyamakuru ko Ubufaransa buzatora icyemezo muri ONU cyo kohereza ingabo muri Mali kandi ko igihugu cye kizatanga soutien materiels, politique na logistique. Kubihereranye na Congo atangaza ko ubutegetsi bwa Josepha Kabila butubahiriza uburenganzira bwa kiremwa muntu, ko nta demokarasi irangwa i Congo kandi ko batubaha abatavuga rumwe n\u2019ubutegetsi yongeraho ko ikindi gishishikaje Ubufaransa ari uburyo Congo yatewe n\u2019igihugu bituranye giturutse muri Kivu kandi ko imipaka ya Congo igomba kubahwa n\u2019abaturanyi. Iri jambo rya Francois Hollande ryafashwe nkirigamije gushimisha abanyekongo badashyigikiye ko iyi nama yabera i Kinshasa kandi ko itagamije kwemeza Joseph Kabila cyangwa kumushyigikira kuba yaribye amajwi mu matora yamwimitse.<\/p>\n

Bwana Lambert Mende Omalanga, ministre w\u2019itangazamakuru akaba n\u2019umuvugizi wa Leta ya Congo, yahise asubiza byihuse iri jambo mu nama yateguye igitaraganya n\u2019abanyamakuru asaba Francois Hollande gushaka amakuru ahagije kubibera muri Congo kuko we asanga ayo afite ari make cyane amumenyesha ko igihugu abereye umuvugizi cyubaha abatavuga rumwe nacyo ndetse amusaba ko nyuma yo kubona amakuru ahagije yazavugisha ukuri niba ashaka mu gihe gito azamara i Kinshasa ko byamubera byiza.<\/p>\n

Kuwa gatatu tariki 10 Ukwakira humvikanye ikiganiro mpaka hagati ya Isabel Tshomb\u00e9, uhagarariye peresida Joseph Kabila muri francophonie, na Jacques Kabale, ambasaderi w\u2019u Rwanda mu Bufaransa, aho batumvikanaga ku myanzuro irimo gufatwa kugira ngo hakemurwe ikibazo cya M23. Iyo myanzuro yemeza ko hari igihugu gifasha M23 igateganya ko hagomba kugira abakurikiranwa n\u2019urukiko mpuzamahanga mpanabyaha (CPI); leta y\u2019u Rwanda ikaba itemera iryo kurikiranwa.\u00a0Uyu munsi ninabwo Didier Reynders ministri w\u2019ububanyi n\u2019amahanga w\u2019u Bubiligi yasesekaye i Kinshasa.<\/p>\n

\"\"<\/a><\/p>\n

Kuwa kane tariki 11, television y\u2019abafaransa (TV5) yari yateganije ikiganiro mpaka hagati ya ministri w\u2019intebe Matata Ponyo na Vital Kamerhe, wigeze kuba umuyobozi w\u2019Inteko nshingamategeko akaba na perezida w\u2019ishyaka ritavuga rumwe n\u2019ubutegetsi rya UNC, muri studios bari bimuriye i Kinshasa, ariko ingabo zirinda Joseph Kabila zamutangiriye kw\u2019irembo zimubuza kwinjira muri iyo studios mu gihe cy\u2019icyo kiganiro, bityo ntiyaboneka mu kiganiro mpaka yari yatumiwemo. Abayobozi ba TV5 bagerageje kwitambika bamusabira kumureka akinjira agatanga ikiganiro biba iby\u2019ubusa.
\nUmuyobozi w\u2019ishyaka Eug\u00e8ne Diomi Ndongala, perezida w\u2019ishyaka ryitwa DC, wari waraburiwe irengero mu kwezi kwa Kamena atwawe n\u2019abantu batanu bambaye imyenda ya polisi na babili bambaye imyenda isanzwe agenda apfutse mu maso, nibwo yabonetse saa munani z\u2019ijoro.<\/p>\n

Kuwa gatanu tariki 12, Umuvugizi w\u2019umujyi wa Kinshasa, Th\u00e9r\u00e8se Olenga yamenyesheje abatuye umujyi wa Kinshasa bose ko bahawe konji (cong\u00e9) yo kuwa gatanu no kuwa gatandatu kandi ko bazawuhemberwa kubera kudateza akavuyo mu mujyi uzaba wakiriye abashyitsi bakomeye. Abamenyesha ko n\u2019abanyeshyuri batagomba kujya kwiga aboneraho kubasaba ko ari umunsi wa campagne bise \u00ab Mbote ! Souriez !\u00bb . Iyi campagne yazanywe na Mayor w\u2019Umujyi, Andr\u00e9 Kimbuta, yasobanuraga ko bagombaga kwirirwa basuhuza banamwenyurira buri wese bukarinda bwira.<\/p>\n

Kuwa gatandatu 13, Francois Hollande yasesekaye i Kinshasa mu gitondo 06h15\u2019 (05h15\u2019GMT) yihutira kunyura muri hoteli bari bamuteguriye aho yavuye byihuse agana ku nteko nshingamategeko abanyekongo bita palais des congr\u00e8s abandi bakayita palais du peuple abandi palais de la nation, ahageze yabonanye na Joseph Kabila bagirana ikiganiro cy\u2019iminota 40\u2019 irangiye ajya kubonana n’abahagarariye imiryango iharanira uburenganzira bwa kiremwamuntu n\u2019abatavuga rumwe n\u2019ubutegetsi bwa Congo. Ibyo biganiro byombi birangiye ajya mu cyumba cy\u2019inama atanga discours y\u2019iminota 7 ifungura inama ya Francophonie. Inama irangiye agirana ibiganiro bibili n\u2019abanyamakuru. Nyuma ya saa sita ajya kubonana na perezida wa UDPS Etienne Tshisekedi wa Mulumba.<\/p>\n

N\u2019iki Francois Hollande yavuganye na Joseph kabila ?<\/strong><\/p>\n

Nk\u2019uko tubikesha AFP, bagana mu ruganiriro (salon pr\u00e9sidentielle) ababarebaga biboneye uburyo Francois Hollande yari yijimye mu maso atishimiye mugenzi we na gato, ku buryo bibaza uburyo icyo kiganiro cyagenze. Ikizwi n\u2019uko muri icyo kiganiro Francois Hollande yamumenyesheje ko Ubufaransa bushishikajwe cyane n\u2019uburyo ubutegetsi bwe butubahiriza uburenganzira bwa kiremwamuntu, ntibwubahirize demokarasi n\u2019ukwishyira ukizana kwa buri mukongomani ndetse ko budashimishijwe n\u2019ibibera Nord-Kivu. Yongeye kumusaba kugaragaza no guhana byihuse abagize uruhare mw\u2019iyicwa rya Floribert Chebeya, kuvugurura byihuse komisiyo y\u2019amatora (CENI) na komisiyo y\u2019uburenganzira bwa kiremwamuntu.
\nJoseph Kabila yamubwiye ko demokarasi ari \u00ab long processus\u00bb hanyuma amusubiza amuhumuriza ko amategeko yo kuvugurura komisiyo y\u2019uburenganzira bwa kiremwamuntu na komisiyo y\u2019amatora ko ari hafi gutorwa. Ku bya Floribert Chebeya, Joseph Kabila, yamubwiye ko bitamukundiye ko urubanza rurangizwa mbere y\u2019inama ya Francophonie amwizeza ko ruzihutishwa.<\/p>\n

Abandi bayobozi b\u2019ibihugu bitabiriye iyi nama ni :Boni Yayi wa B\u00e9nin, Blaise Compaor\u00e9 wa BurkinaFaso, Pierre Nkurunzizaw\u2019u Burundi, Paul Biya wa Cameroun, Fran\u00e7ois Boziz\u00e9 wa Centrafrique, Dhoinine Ikililou wa Comores, Denis Sassou Nguesso wa Congo-Brazzaville, Alassane Ouattara wa Cote d’Ivoire, Ali Bongo Ondimba wa Gabon, Alpha Cond\u00e9 wa Guin\u00e9e Konakry, Mamadou Issoufou wa Niger, Macky Sall wa S\u00e9n\u00e9gal, Idriss D\u00e9by Itno wa Tchad na Moncef Marzouki wa Tunisie. U Rwanda rwohereje ministri w\u2019ububanyi n\u2019amahanga Louise Mushikiwabo.<\/p>\n

Imiryango iharanira uburenganzira bwa kiremwamuntu<\/strong><\/p>\n

Abahagarariye imiryango iharanira uburenganzira bwa kiremwamuntu Perezida Hollande yabonanye nabo n\u2019aba: Fernandez Murhola uhagarariye Renadhoc, Tshivis Tshivuadi wa Jed, Doly Ibefo wa VSV, Li\u00e9vin Ngonji (ONG ishinzwe kurwanya igihano cy\u2019urupfu muri Congo) na J\u00e9r\u00f4me Bonso wa Linelit.<\/p>\n

N\u2019iki baganiriye?<\/strong><\/p>\n

Bamenyesheje Francois Hollande uburyo abanyamakuru bafungwa binyuranije n\u2019amategeko, ikibazo cy\u2019intambara iri Nord-Kivu, uburyo komisiyo ishinzwe amatora (CENI) yavugururwan\u2019uburyo urubanza rwa Floribert Chebeya, wari uhagariye umwe mu miryango iharanira uburenganzira bwa kiremwamuntu (Voix de sans voix), wishwe muri Kamena 2010 leta itagaragaza ubushake bwo kururangiza no guhana abarugizemo uruhare; nk\u2019uko Fernandez Murhola wa Renadhoc yabitangarije Radio Okapi.<\/p>\n

Abahagarariye amashyaka atavuga rumwe n\u2019Ubutegetsi bwa Joseph Kabila<\/strong><\/p>\n

Abahagarariye amashyaka atavuga rumwe n\u2019Ubutegetsi bwa Joseph Kabila n\u2019aba: Vital Kamerhe perezida wa UNC, Jean-Lucien Busa wa MLC, Anatole Matusila wa Abaco, Eve Bazaiba MLC, Samy Badibanga wa UDPS-FAC na Martin Fayulu wa ECIDE.<\/p>\n

N\u2019iki baganiriye ?<\/strong><\/p>\n

Basabye Francois Hollande ko Ubufaransa, nk\u2019igihugu gifite ijambo mu kanama ka ONU gashinzwe umutekano, ko bwaza gufasha Congo kurwanya inyeshyamba za M23 no kubafasha gusaba Joseph Kabila kuzana demokarasi ; bamusobanuriye uburyo bayobowe na perezida wigize ntibindeba bigatuma Iburasirazuba bw\u2019Igihugu cyabo (Nord-Kivu na Sud-Kivu) hamaze gupfa abantu miliyoni 8, miliyoni 2,2 babaye impunzi n\u2019abagore ibihumbi 45 bakaba bamaze gufatwa ku ngufu bakanakorerwa iyicwa rubozo.\u00a0Bamubwiye kandi ko Joseph Kabila yagiyeho amaze kwiba amatora bityo akaba yaranze ko yagirana ibiganiro n\u2019abatavuga rumwe n\u2019ubutegetsi bwe bakumvikana uko igihugu kigomba kuyoborwa ; nk\u2019uko tubikesha Vital Kamerhe mu kiganiro yagiranye na Radio Okapi.<\/p>\n

N\u2019iki Francois Hollande yabasubije ?<\/strong><\/p>\n

Abayobozi b\u2019imiryango iharanira uburenganzira bwa kiremwamuntu n\u2019abatavuga rumwe n\u2019ubutegetsi bwa Joseph Kabila yabahaye igisubizo kimwe kandi gisobanuye byinshi. Yababyiye ko adashobora kujya mu mwanya w\u2019abanyekongo, ko azakomeza kuba inshuti n\u2019umufatanyabikorwa w\u2019abanyekongo ; gusa abizeza ko atazahwema kumva agahinda n\u2019amarira y\u2019abanyekongo aho azaba ari hose ; nk\u2019uko tubikesha Vital Kamerhe.<\/p>\n

Umubonano wa Francois Hollande na Tshisekedi waranzwe n\u2019imyigaragambyo hirya no hino<\/strong><\/p>\n

Kuri uyu munsi (tariki 13) abakunzi ba Etienne Tshisekedi biroshye mu muhanda kwishimira no gushigikira umubonano wa Francois Hollande na Etienne Tshisekedi.\u00a0Mu mujyi wa Kinshasa hafi y\u2019aho Etienne Tshisekedi atuye kuri 10e rue kuri commune Limete polisi yiraye mu bigaragambyaga ibatatanya ikoresheje ibyotsi biryana mumaso, bamwe muri bo barafatwa barafungwa.\u00a0Mu mujyi wa Kananga mu Ntara ya Kasa\u00ef-Occidental kuri rond-point bita 17 mai polisi yiraye mu bigaragambyaga ibatatanya ikoresheje ibyotsi biryana mu maso hakomereka abagore 2 polisi ifatira moto y\u2019umwe mu bigaragambyaga.<\/p>\n

Mu mujyi wa Lubumbashi mu Ntara ya Katanga muri quartier yitwa G\u00e9camines Kisanga abakunzi ba Tshisekedi basakiranye na polisi yababuzaga kwinjira mu mujyi hagati irabatatanya bafata bamwe mu bigaragambyaga irabafunga.
\nColonel Ilunga Malukula, wo muri polisi ya Congo, ahakana ko nta munyamuryango wa UDPS wafunzwe n’ubwo abashinja gushaka guteza umutekano muke mu gihe cy\u2019inama ya Francophonie.<\/p>\n

N\u2019iki Francois Hollande na Etienne Tshisekedi bavuganye?<\/strong><\/p>\n

Basohotse Etienne Tshisekedi yatangarije abanyamakuru ko yasabye Francois Hollande kumufasha kugira ngo hashingwe igisirikare muri Congo kuko ku bwe abona ko Congo imaze imyaka myinshi nta basirikare ifite bo kurindira igihugu umutekano ; kuvugurura ubuyobozi ku nzego zose no kuvugurura ubutabera bwa Congo. Yongera ati \u00ab twavuganye n\u2019ibindi bintu byiza binogeye ugutwi \u00bb.<\/p>\n

Uyu munsi wa gatandatu tariki 13 Ukwaira warangiye abaperezida hafi ya bose bifuza gusura Etienne Tshisekedi ikimenyetso simusiga ko bamushigikiye. Abo yabashyije kubonana n\u2019abo ni Arpha Cond\u00e9, Denis Sassou Nguessou, ministre w\u2019intebe wa Quebec Pauline Marois, Allasane Dramane Ouattara( uyu yahise anataha).<\/p>\n

Mu bayobozi bose bafashe ijambo mu nama kuri uyu munsi wa gatandatu tariki 13, abifuza impinduka bashimye cyane ijambo rya perezida wa Tuniziya, Moncef Marzouki, aho yagize ati : \u00ab Niba impinduramatwara yabaye iwacu mu bihugu by\u2019abarabu yaratanze ubutumwa ku isi hose ; nimukore impinduka nyazo atari ibyo abaturage dufite uburyo n\u2019ubushobozi byo kubibategeka \u00bb.<\/p>\n

Ku cyumweru tariki 14, wabaye umunsi wa kabili w\u2019inama ukaba wararanzwe no gutanga imyanzuro n\u2019ibyemezo by\u2019inama. Imwe mu myanzuro yavuyemo n\u2019ugira uti : \u00ab umuryango w\u2019ibihugu bivuga ururimi rw\u2019igifaransa (Francophonie) wiyemeje gusaba akanama k\u2019umuryango w\u2019abibumbye gashinzwe amahoro ku isi gutanga ibihano byihariye kuri buri muntu wese wagize uruhare mu guteza umutekano muke mu burasirazuba bwa Congo ; igihugu cya Congo (RDC) kikaba kigomba gukurikirana mu nkiko abantu bose bakoze ibyaha by\u2019intambara n\u2019ibyaha byibasiye uburenganzira bwa muntu kandi umuryango mpuzamahanga ukaba ugomba kubifashamo Congo (RDC)\u00bb.<\/p>\n

Undi mwanzuro ukaba ari uwemeza ko inama ya 15 y\u2019ibihugu bivuga igifaransa (Francophonie) izaba mu mwaka wa 2014 ikazabera muri kimwe mu bihugu bikurikirana : Moldavie, Vietnam na Senegal (niyo ihabwa amahirwe yo gutegura iyi nama), bamenyeshwa ko izaba ariyo nama ya nyuma Abdou Diouf azakoresha nk\u2019umunyamabanga wa Francophonie.<\/p>\n

Francois Hollande yarekanye ko adashigikiye Joseph Kabila<\/strong><\/p>\n\n

\n\t\n\t\n\t\n\t\n\t\n\t\n\t\n\t\n\t