Umunyamabanga wa Leta ushinzwe amashuli abanza n\u2019ayisumbuye, Dr Harebamungu Mathias ngo yatangiye kwimenyereza umwuga wo kwiga kogosha abitewe nuko ngo nta mwuga n\u2019umwe usuzuguritse ubaho.<\/p>\n
Ubwo yakoranaga inama n\u2019abarimu n\u2019abayobozi b\u2019ibigo by\u2019amashuli yo mu turere twa Nyanza, Ruhango, Muhanga na Kamonyi, tariki 18\/10\/2012, yabibatangarije abashishikariza kutagira umwuga n\u2019umwe mu buzima basuzugura cyangwa ngo babone abahisemo kuwiga ngo babahe agaciro gake.<\/p>\n
Dr Harebamungu yavuze ko nta mwuga mubi ubaho mu buzima asobanura ko iyo uzi ikintu kimwe uba ukeneye no kunguka ubumenyi mu bindi.<\/p>\n
Ati \u201cIyo uri dogiteri uba ukeneye uwagupondera sima waba mwarimu ugakenera uwagufasha gusakara inzu yawe bigakomeza bityo ariko uramutse ibizi ntacyo byaba bigutwaye kuko byaba ari amahirwe\u201d.<\/p>\n
Ashingiye kuri izo ngero Dr Harebamungu yagize ati: \u201cUbu nanjye ndi kwimenyereza kwiga kogosha mu ishuli ry\u2019ikoranabuhanga rya Kicukiro\u201d.<\/p>\n
Abarimu n\u2019abayobozi b\u2019ibigo by\u2019amashuli mu ntara y\u2019Amajyepfo bakimara kubyumva byabatunguye ariko umunyamabanga wa Leta muri Minisiteri y\u2019uburezi yabasobanuriye ko aho isi yerekeza buri muntu azaba asabwa kuba intyoza mu bumenyi runaka bityo abadafite icyo babiziho bikabahenda.<\/p>\n
Avuga ko mu bihugu byateye imbere abanyamwuga babayeho neza ndetse bikaba bibatungiye imiryango.<\/p>\n
Ati: \u201cMuri mwe ninde utarahamagara umufundi ngo atangire umwake amafaranga ku cyo wifuza ko amukorera hanyuma wakumva ari menshi ugatangira kumuhendahenda ngo akugabanyirize ibiciro\u201d?<\/p>\n
Ibyo Dr Harebamungu asanga biterwa n\u2019uko ibyo ushaka ko agukorera wowe ubwawe uba utabyishoboreye ngo ariko uramutse ibyishoboreye ntibaguca ayo mafaranga usabwa yose wabanje no kumuhendahenda.<\/p>\n
Abantu biga imyuga nta bwo baba barananiwe n\u2019ubuzima ahubwo ni imyumvire ikiri hasi abantu bayifiteho ariko ba nyirayo bo irabatunze; nk\u2019uko Dr Harebamungu Mathias yabisobanuriye abo barimu n\u2019abayobozi b\u2019ibigo by\u2019amashuli yo mu Ntara y\u2019Amajyepfo.<\/p>\n
Jean Pierre Twizeyeyezu<\/p>\n