Bikunze kuvugwa ko igitsina gore ari cyo gikora umwuga w\u2019uburaya, nyamara ubushakashatsi buherutse gukorwa n\u2019Ihuriro ry\u2019abagize Inteko Ishingamategeko baharanira imibereho myiza y\u2019abaturage n\u2019iterambere mu Rwanda (RPRPD) ku bufatanye n\u2019Ikigo cy\u2019Ubuzima (RBC) n\u2019Ishami ry\u2019Umuryango w\u2019Abibumbye ryita kuri SIDA (UNAIDS) bwagaragaje ko hari n\u2019igitsina gabo gikora uburaya, harimo n\u2019abakunze kwitwa abapfubuzi.<\/p>\n
Mu nama nyunguranabitekerezo yabereye mu ngoro Nshingamategeko tariki ya 19 Ukwakira 2012, hagaragazwa ibyavuye mu bushakashatsi bwakozwe ku kibazo cy\u2019indaya z\u2019abagore, bamwe mu ba Senateri n\u2019aba Depite, bifuje ko hakorwa ubushakashatsi ku gitsina gabo gikora uwo mwuga.<\/p>\n
Senateri Tito Rutaremara ati \u201cni ngombwa ko hakorwa ubushakashatsi ku bantu bitwa abapfubuzi. Abo nibo usanga bategereje abagore baza kubagura. Abo bagore si abakene ahubwo ni abakire, akenshi baza bafite imodoka kandi nziza cyane\u201d.<\/p>\n
Abapfubuzi, nk\u2019uko bivugwa ni abagabo bakira abagore batanyuzwe n\u2019abagabo babo mu mibonano mpuzabitsina.<\/p>\n
Akomeza avuga ko abo bagabo cyangwa abasore bagurisha imibiri yabo batabura kwitwa indaya, kuko bagurwa n\u2019abifite.<\/p>\n
Depite Rose Mukantabana, Perezida w\u2019Inteko Ishinga Amategeko, Umutwe w\u2019Abadepite, ati \u201cindaya ni umuntu ugurisha umubiri we agamije ikiguzi. Umubiri si igicuruzwa nk\u2019ibindi bisanzwe, ahubwo ubikora aba akoze uburaya. Niyo mpamvu hagomba kuba ubushakashatsi kuri iryo tsinda ry\u2019abantu rigizwe n\u2019abagabo bakora imibonano mpuzabitsina babihuje n\u2019abagurwa n\u2019abagore bafite ingeso y\u2019ubusambanyi abo bita abapfubuzi\u201d.<\/p>\n
Akomeza avuga ko umubare w\u2019abagabo barangwa n\u2019izo ngeso ushobora kuba munini kuko umugore umwe ashobora kuryamana n\u2019abagabo barenze babiri ku munsi.<\/p>\n
Abdou Nyampeta<\/p>\n