{"id":2177,"date":"2012-10-22T21:59:58","date_gmt":"2012-10-22T19:59:58","guid":{"rendered":"http:\/\/www.therwandan.com\/ki\/?p=2177"},"modified":"2012-10-22T22:03:09","modified_gmt":"2012-10-22T20:03:09","slug":"mushuti-wa-kagame-perezida-yayi-boni-yararusimbutse","status":"publish","type":"post","link":"https:\/\/www.therwandan.com\/ki\/mushuti-wa-kagame-perezida-yayi-boni-yararusimbutse\/","title":{"rendered":"Mushuti wa Kagame, Perezida Yayi Boni yararusimbutse"},"content":{"rendered":"

Abantu batatu bari hafi ya Boni Yayi, Perezida w\u2019igihugu cya B\u00e9nin batawe muri yombi kuri iki cyumweru bazira gushaka kumuroga, ibyo biremezwa n\u2019umushinjacyaha wa Repubulika muri B\u00e9nin.<\/p>\n

Ubushinjacyaha bwabashinje kurema agatsiko k\u2019abagizibanabi no kugerageza kwica umukuru w\u2019igihugu nk\u2019uko byatangajwe na Bwana Justin Gbenameto mu kiganiro n\u2019abanyamakuru.<\/p>\n

Muri icyo kiganiro kandi yatangarije abanyamakuru ko Mudjaidou Soumanou, wahoze ari ministre w\u2019ubucuruzi n\u2019inganda, Ibrahim Mama Cisse, umuganga wihariye wa Perezida, na Zoub\u00e9rath Kora-S\u00e9k\u00e9, mwishywa wa Perezida Boni Yayi wakoraga muri pr\u00e9sidence, bakekwaho kuba baragize uruhare mu gikorwa cyo gushaka kuroga umukuru w\u2019igihugu.<\/p>\n

\"\"
Perezida Kagame yambitswe umudari Grand Croix de l\u2019Ordre national du B\u00e9nin na Perezida Yayi<\/figcaption><\/figure>\n

Ngo umuganga wihariye na mwishya wa Perezida baba barijejwe akayabo k\u2019amafaranga akoreshwa mu bihugu by\u2019Afrika y\u2019uburengerazuba (CFA) Miliyari 1 (ni ukuvuga hafi miliyoni 2 z\u2019amadolari y\u2019Amerika) buri wese, nibashobora guha Perezida Yayi imiti ishobora kumwica mu mwanya w\u2019imiti igabanya ububabare asanzwe anywa. Uwahoze ari ministre we ngo yabaye umuhuza muri iki gikorwa. Ngo umuganga wa Perezida n\u2019uwahoze ari ministre bemera ibyabaye.<\/p>\n

Nyiri gucura umugambi n\u2019umunyemari nawe ukomoka muri B\u00e9nin Patrice Talon, wahoze ari inshuti magara ya Perezida Yayi bakaba basigaye barebana ay\u2019ingwe muri iyi minsi. Uwo Talon ntabwo yashoboye gutabwa muri yombi kuko yari mu mahanga.<\/p>\n

Kugira ngo bimenyekane mwishya wa Perezida Yayi, Zoub\u00e9rath wari muri uwo mugambi mubisha yabibwiye uwo bavukana, uwo nawe abibwira abandi bantu bahise babigeza kwa Perezida Yayi.<\/p>\n

Perezida Yayi wavutse mu 1952, ubu ni nawe uyoboye umuryango w\u2019ubumwe bw\u2019Afrika.<\/p>\n

Perezida Yayi ni inshuti magara ya Perezida Kagame w\u2019u Rwanda, Perezida Yayi yakoreye uruzinduko mu Rwanda ndetse na Perezida Kagame yasuye B\u00e9nin mu mihango yo kwizihiza imyaka 50 y\u2019ubwigenge bw\u2019ibihugu by\u2019Afrika, kandi yahambikiwe umudari w\u2019ishimwe witwa: Grand Croix de l\u2019Ordre national du B\u00e9nin uretse ko akigera ku kibuga mu kumanuka mu ndege habuze gato ngo agwe nk\u2019uko bigarazwa n\u2019amashusho hano hasi.<\/p>\n\n

\n\t\n\t\n\t\n\t\n\t\n\t\n\t\n\t\n\t