Icyumweru cyari kigiye gushira abantu batakamba basaba ko ubutegetsi bwarekura umuryango wa Assinapol Rwigara bwari bwarafatiriye buterekana n’aho bubafungiye. Mu gihe abantu bibazaga igikurikiraho Paul Kagame uyobora u Rwanda yahise yitanguranwa abwira abadepite na gouvernement ko ajyiye gufunga Diane amushinja kunyereza umutungo w’igihugu atigeze agiramo umwanya w’ubuyobozi, bivuga ko n’umutungo wa leta ntaho yahuriye na wo by’ukuri.<\/p>\n
Kuva ubwo abarinda Kagame ubwabo bajyiye kugota kwa Assinapol Rwigara nk’uko Kagame yari yabisabye, ariko amabwiriza yo kutigaragaza nk’abamurinda ntayatangwa ari na yo mpamvu baje gusakirana n’abanyamakuru induru zikavuga.<\/p>\n
\u00a0Police bahise bayikorera ibisinde<\/strong><\/p>\n Abanyamakuru bakimara kugaragaza ko babangamiwe n’abarinda perezida Kagame byakwiriye ku mbuga no ku maradiyo akorera hanze Kagame aza kubimenya. Byaje kuba umwaku ubwo ambassadeur wa America yahamagaraga Mushikiwabo amubaza icyo aba GP bakora kwa Assinapol, Mushikiwabo amubwira ko abaza ibyo ari byo akamubwira. Kagame na we yavuganye n’abazungu b’inshuti ze ndetse na Mushikiwabo, bamubwira ko kuba aba GP bari kwa Assinapol bihindura ikibazo kikagaragara hagati ya perezidanse na Diane aho kuba ku misoro.<\/p>\n Kagame mu gicuku yahise ahamagara Yozefu Nzabamwita uyobora iperereza ry’igihugu aramutuka cyane, anamutegekageka\u00a0 guhita ahagarika ibyo bintu izina rya perezida rikava muri iyo dossier,\u00a0 kandi akereka amahanga ko ntaho ahuriye na byo. Nzabamwita uyobora iperereza ryari ririnze abo kwa Rwigara yahamagaye Badege\u00a0 uvugira police mu gicuku cyo ku wa gatandatu gishyira ku cyumweru amusaba gukora itangazo rivuguruza ibyavuzwe mu gihe umu GP werekanye ikarita ye yahise afungwa n’ubwo amafoto ye yari yakwiriye hose. Badege wari uzi ko icyo kibazo banze ko police icyinjiramo yahise atanga amabwiriza kuri telephone abwira abari kuri garde ya police ngo bandike itangazo ko mu rugo rwo kwa Rwigara ruri mu gace karindwa n’aba GP mu bisanzwe, anahakana ko police idafite umuryango wa Rwigara ahubwo avuga ko ngo bari iwabo.<\/p>\n\r\n