1.Ko ubutegetsi bw\u2019abafaransa buhanagura burundu ikirego cy\u2019uko P.Kagame yagize uruhare mu gikorwa cy\u2019iterabwoba cyahitanye abakuru b\u2019ibihugu bibiri n\u2019abo bari kumwe. Iki kirego kiri mu bimuteye ubwoba bwinshi kuko, LONI ivuga ko ari cyo cyabaye imbarutso y\u2019ubwicanyi bwageze ku kigero cya jenoside, bigakubitiraho no kongera guteza imirwano n\u2019intambara karundura nyamara hari harasinywe amasezerano y\u2019amahoro yo gusangira ubutegetsi ku banyarwanda bose. Witegereje, usanga abategetsi b\u2019ubafaransa bitondera iki kibazo cy\u2019u Rwanda kuko iyo P.Kagame abashinje, bamusubiza mu ijambo rimwe gusa, (babihakana bivuye inyuma, bakibutsa ko baje mu Rwanda gutabara, ko nta bwicanyi bakoze, ko nta n\u2019ubwo bashyigikiye), ubundi bakaryumaho. Ibi birego by\u2019abategetsi b\u2019u Rwanda bibabaza bamwe mu basirikare bagiye mu gikorwa cyiswe \u00ab\u00a0Op\u00e9ration Turquoise\u00a0\u00bb, kuko bo bavuga ko bagiyeyo mu gikorwa cyo kurengera ikiremwamuntu; P.Kagame abashinja ku rwego rumwe n\u2019abajenosideri. \u00ab\u00a0Op\u00e9ration turquoise\u00a0\u00bb ni igikorwa cyemejwe na LONI ivuga ko kigamije kwita ku kiremwamuntu cyari mu kangaratete. Gusa igitangaje ni uko mu bihugu by\u2019ibihangange byagombaga kukigaragaramo kuko bifite ubushobozi, Ubufaransa bwonyine ni bwo bwakitabiriye, ibindi byipfuka mu maso, ibindi \u00ab\u00a0byiraza i nyaza\u00a0\u00bb kandi abanyarwanda bari mu makuba. Aha umuntu yavuga nka Leta Zunze ubumwe z\u2019Amerika, Ubwongereza, \u2026 byari bizi neza ubukana bw\u2019ibyaberaga mu Rwanda icyo gihe.<\/p>\n Ni kuki nta kindi gihugu kifatanyije n\u2019Ubufaransa kujya guhosha ubwicanyi kandi byarasabwe muri LONI n\u2019abategetsi b\u2019Ubufaransa? Ni byo koko Ubufaransa bwari busanzwe bufite umubano n\u2019ubutegetsi bwa Habyalimana.Ese koko Ubufaransa bwari bushyigikiye ko abantu bicana? Ese abafaransa bitwaye bate mu gihe cy\u2019amasezerano y\u2019amahoro. Igihugu cy\u2019Ubufaransa kiri mu byashyize igitutu ku butegetsi bwa Habyalimana kugira ngo bwemera gusinya ibyari bikubiye muri ayo masezerano kuko bwasangaga ari yo yari nzira y\u2019amahoro arambye. Ni byo koko, nk\u2019uko na Nikola Sarukozi yabivuze mu w\u20192009, ubwo yari mu Rwanda, hari ibyo abafaransa batari barateye imboni mu maguru mashya. Cyakora abafaransa bahakana ko nta kibi bagambiriye mu byakozwe mu Rwanda.<\/p>\n
\n2.P.Kagame akoresha imvugo ikarishye yumvikanisha ko Ubufaransa ngo \u00ab\u00a0bwagize uruhare mu gutegura no gushyira mu bikorwa jenoside\u00a0\u00bb; ku bw\u2019ibyo icyo ategereje ni uko ubutegetsi bw\u2019ubufaransa bwemera ibyo abushinja bukabisabira n\u2019imbabazi.<\/p>\n![\"\"](\"http:\/\/lecpinfo.com\/wp-content\/uploads\/2017\/09\/Kagame-Macron-4.jpg\")
![\"\"](\"http:\/\/lecpinfo.com\/wp-content\/uploads\/2017\/09\/aa1-1.jpg\")