Umucamanza mu rukiko rukuru yongeye gusubika urubanza abarwanashyaka b’ishyaka FDU Inkingi ritavuga rumwe n’ubutegetsi bw’u Rwanda bajuririye ku cyemezo cy’ifungwa n’ifungurwa ry’agateganyo.<\/p>\n
Ubushinjacyaha burabarega ibyaha byo kurema umutwe w’ingabo zitemewe no kugirira nabi ubutegetsi buriho mu Rwanda. Bwavuze ko butaboneye ku gihe imyanzuro y’ubujurire bwabo.<\/p>\n
Mu iburanisha ryatangiye rikererewe , abarwanashyaka b\u2019ishyaka FDU Inkingi ritavuga rumwe n\u2019ubutegetsi buriho mu Rwanda ritemerewe gukorera mu Rwanda barangajwe imbere na bwana Boniface Twagirimana visi perezida wa mbere w\u2019iri shyaka, bagaragaye mu cyumba cy\u2019urukiko bose bari mu mpuzankano z\u2019iroza ziranga abagororwa mu Rwanda.<\/p>\n
Izi mpuzankano zari zahindanyijwe n\u2019umukungugu ku buryo wari wanabuzuye mu mitwe.<\/p>\n
Abaregwa bose uko ari umunani bari bitwaje inyandiko zari zikubiyeho imyanzuro y\u2019ubujurire bwabo mu rukiko rukuru ku cyemezo umucamanza mu rukiko rwisumbuye yabafatiye cyo kuba bafunzwe by\u2019agateganyo mu gihe cy\u2019iminsi mirongo itatu.<\/p>\n
Ni icyemezo umucamanza yabafatiye ku itariki 26 y’ukwezi kwa cyenda uyu mwaka.<\/p>\n
Ubutabera bw\u2019u Rwanda burabakekaho ibyaha byo kugirira nabi ubutegetsi buriho no kurema umutwe w\u2019ingabo zitemewe.<\/p>\n
Ubwo bageraga imbere y\u2019umucamanza mu rukiko rukuru mu iburanisha riheruka ku ikubitiro abaregwa n\u2019ababunganira bazamuye inzitizi yo kuba batarabonye umwanya uhagije wo gutegura imyanzuro ishimangira impamvu z\u2019ubujurire bwabo mu rukiko rukuru.<\/p>\n
Icyo gihe umucamanza yategetse abaregwa kugenda bagategura imyanzuro barangiza bakayishyikiriza impande zombi.<\/p>\n
Iyo myanzuro y\u2019ubujurire ni na yo mpamvu yongeye kuba intandaro yo gusubikisha iburanisha rya none bikozwe n\u2019ubushinjacyaha.<\/p>\n
Abarwanashyaka ba FDU Inkingi bayobowe na Bwana Boniface Twagirimana visi Prezida wa mbere w\u2019iri shyaka ritemerewe gukorera mu Rwanda batawe muri yombi mu ntangiriro z\u2019ukwezi kwa cyenda.<\/p>\n
Ibyaha baregwa byo kurema umutwe w\u2019ingabo utemewe no kugirira nabi ubutegetsi buriho mu Rwanda barabihakana bakavuga ko bishingiye ku mpamvu za politiki.<\/p>\n
Twibutse ko ishyaka FDU Inkingi ryamamaye cyane mu Rwanda mu 2010 ubwo umukuru waryo Umuhoza Victoire Ingabire yari akubutse I Mahanga aje guhatanira umwanya w\u2019umukuru w\u2019igihugu mu matora y\u2019icyo gihe.<\/p>\n
Ni ingingo itaramuhiriye kuko muri uwo mwaka wa 2010 inkiko z\u2019u Rwanda zamuhamije ibyaha byo kugambirira kuvutsa igihugu umudendezo maze zimuhanisha imyaka 15 y\u2019igifungo.<\/p>\n
Aba baburana barimo Visi Prezida wa Mbere w\u2019ishyaka FDU Inkingi Bwana Boniface Twagirimana mu bihe bitandukanye bakunze kumvikana batarya umunwa mu kunenga ibitagenda mu butegetsi bw\u2019u Rwanda.<\/p>\n
Ibyaha baregwa Me Gashabana ubunganira mu mategeko avuga ko byari mu byo Prezida w\u2019iri shyaka Mme Victoire Ingabire yaregwaga ku ikubitiro aza kubigirwaho umwere.<\/p>\n
Niba nta gihindutse umucamanza azasubukura iburanisha ku itariki ya 17.<\/p>\n","protected":false},"excerpt":{"rendered":"
Umucamanza mu rukiko rukuru yongeye gusubika urubanza abarwanashyaka b’ishyaka FDU Inkingi ritavuga rumwe n’ubutegetsi bw’u Rwanda bajuririye ku cyemezo cy’ifungwa n’ifungurwa ry’agateganyo. Ubushinjacyaha burabarega ibyaha byo kurema umutwe w’ingabo zitemewe no kugirira nabi ubutegetsi buriho mu Rwanda. Bwavuze ko butaboneye ku gihe imyanzuro y’ubujurire bwabo. Mu iburanisha ryatangiye rikererewe , abarwanashyaka b\u2019ishyaka FDU Inkingi ritavuga […]<\/p>\n","protected":false},"author":2,"featured_media":22357,"comment_status":"open","ping_status":"open","sticky":false,"template":"","format":"video","meta":{"footnotes":""},"categories":[63],"tags":[],"class_list":["post-22353","post","type-post","status-publish","format-video","has-post-thumbnail","hentry","category-ubutabera","post_format-post-format-video"],"yoast_head":"\n