Isomwa ry\u2019icyemezo ryamenyekanye mu buryo butunguranye ko ryarangiye. Ni urubanza abarwanashyaka b\u2019ishyaka FDU Inkingi ritavuga rumwe n\u2019ubutegetsi buriho mu Rwanda ritemerewe gukorera mu Rwanda ku bujurire mu rukiko rukuru ku ngingo y\u2019ifunga n\u2019ifungurwa ry\u2019agateganyo,<\/p>\n
Nta munyamakuru n\u2019umwe mu bari ku rukiko warikurikiye yewe n\u2019abaregwa isomwa ryabereye mu cyumba cy\u2019urukiko batigeze bamenyeshwa ko biba, kandi biriwe ku rukiko kuko bahageze saa mbili za mu gitondo.<\/p>\n
Ni isomwa ryabaye ahagana mu masaha ya saa cyenda zirengaho iminota mike ku masaha yo mu Rwanda no mu Burundi. Ryakurikiranywe gusa na Bwana Jean Marie Vianney Kayumba Visi Prezida wa mbere w\u2019ishyaka PDP Imanzi ritavuga rumwe n\u2019ubutegetsi buriho mu Rwanda ritemerewe gukorera mu Rwanda. Yari kumwe n\u2019umwe mu bavandimwe b\u2019abaregwa ari na bo batanze amakuru bwa mbere ko urubanza rwarangije gusomwa. Ni mu gihe abanyamakuru bari bategerereje umwanya utari muto ku cyumba cyarimo abaregwa.<\/p>\n
Nyuma yo kumenya ko urubanza rwarangiye, abarwanashyaka ba FDU Inkingi barimo Bwana Boniface Twagirimana visi prezida wa Mbere bo bagumye bicaye mu cyumba barinzwe n\u2019abacungagereza batazi n\u2019ibyabaye.<\/p>\n
Saa kumi z\u2019umugoroba zirenzeho iminota mike ni bwo umwe mu bavandimwe b\u2019abaregwa yinjiye mu cyumba cy\u2019urukiko abwira Bwana Twagirimana umucamanza yarangije gusoma urubanza. Ubwo uregwa asaba umucungagereza kumuherekeza ajya kubaza mu bwanditsi bw\u2019urukiko.<\/p>\n
Nyuma y\u2019igihe gito yaje kumenyesha bagezi be ibikubiye mu mwanzuro w\u2019urukiko maze aho bari mu rukiko batangira kwijujutira icyarimwe.<\/p>\n
Icyemezo cy\u2019umucamanza mu rukiko rukuru cyashimangiye ko icyemezo cy\u2019umucamanza mu rukiko rwisumbuye rwa Nyarugenge cyo ku itariki ya 26 z\u2019ukwezi kwa Cyenda uyu mwaka gihama uko kiri ku baregwa barindwi.<\/p>\n
Abo ni Boniface Twagirimana visi Prezida wa mbere wa FDU Inkingi, Fabien Twagirayezu ushinzwe ubukangurambaga ku rwego rw\u2019igihugu muri FDU Inkingi, Leonille Gasengayire ufatwa nk\u2019umubitsi w\u2019ishyaka n\u2019abarwanashyaka basanzwe nka Gratien Nsabiyaremye, Evode Mbarushimana, Papias Ndayishimiye na Norbert Ufitamahoro.<\/p>\n
Abo uko ari barindwi umucamanza yategetse ko bakomeza gufungwa by\u2019agateganyo mu gihe cy\u2019iminsi 30 igihe ubushinjacyaha bukibakoraho iperereza.<\/p>\n
Umucamanza aravuga ko impamvu abaregwa bashingiraho ubujurire bwabo basaba ko bafungurwa by\u2019agateganyo nta shingiro zifite kuko asanga hari impamvu zikomeye zo kuba baba bagumye gufungwa by\u2019agateganyo.<\/p>\n
Mu gusuzuma ubujurire bw\u2019abaregwa umunani, umucamanza yanzuye ko umwe muri bo, Ernest Nkubito, nta mpamvu zikomeye ubushinjacyaha bushingiraho busaba ko akomeza gufungwa. Ategeka ko ahita asohoka mu buroko urubanza rukimara gusomwa akazakurikiranwa ari hanze.<\/p>\n
Abaregwa bamaze kubona ibikubiye mu cyemezo cy\u2019urukiko abacungagereza bahise babasohora mu cyumba cy\u2019urukiko mbere yo kuburiza imodoka bagenda bapepera bamwe mu bavandimwe babo bari baje gukurikirana urubanza.<\/p>\n
Bwana Nkubito abaye uwa kabiri urekuwe by\u2019agateganyio nyuma ya Bwana Janvier Twagirayezu urukiko rwa mbere rwarekuye. Uyu warekuwe bwa mbere abaregwa bagenzi be bavuga ko ari maneko igipolisi cyohereje mu gutata imikorere y\u2019ishyaka FDU Inkingi aza yigize umurwanashyaka kugira ngo ababoneho amakuru.<\/p>\n
Abaregwa bose uko ari icyenda mu ishyaka FDU Inkingi ritavuga rumwe n\u2019ubutegetsi bw\u2019u Rwanda ritemerewe gukorera mu Rwanda ubushinjacyaha bw\u2019u Rwanda bubakurikiranyeho ibyaha bibiri.Ni icyaha cyo kurema umutwe w\u2019ingabo zitemewe n\u2019icyaha cyo kugirira nabi ubutegetsi buriho mu Rwanda.<\/p>\n
Ubushinjacyaha buvuga ko hari umugambi wo gushyiraho umutwe w\u2019ingabo ushinzwe n\u2019icyiswe P5 gihuriramo amashyaka atavuga rumwe n\u2019ubutegetsi bw\u2019I Kigali nka PS IMberakuri , RNC n\u2019ayandi mu mugambi wo guhirika ubutegetsi buriho mu Rwanda. Ubushinjacyaha buvuga ko uwo mutwe w\u2019ingabo wagombye gushingirwa mu burasirazuba bwa Repubulika iharanira demokarasi ya Kongo.<\/p>\n
Abaregwa ariko bo ntibabyemera bakavuga ko ari ibiremekanyo bishingiye kuri politiki byahimbwe n\u2019ubutegetsi mu mugambi wo kwigizayo no gucecekesha abarwanashyaka ba FDU Inkingi.<\/p>\n
Ishyaka FDU Inkingi ryamamaye cyane mu Rwanda mu mwaka wa 2010 ubwo umukuru waryo Mme Victoire Ingabire Umuhoza yazaga guhatanira kwiyamamariza umwanya w\u2019umukuru w\u2019igihugu mu matora y\u2019icyo gihe.<\/p>\n
Ni ingingo itaramuhiriye kuko muri uwo mwaka nyine inkiko z\u2019u Rwanda zamuhanishije igihano cy\u2019igifungo cy\u2019imyaka 15 nyuma yo kumuhamya ibyaha birimo iby\u2019iterabwoba. Ni ibyaha Perezida wa FDU Inkingi avuga ko bishingiye kuri politiki n\u2019abarwanashyaka be.<\/p>\n
Iyo bigeze ku kunenga ibitagenda ku butegetsi buriho mu Rwanda aba baregwa barimo Bwana Boniface Twagirimana Visi Prezida wa mbere w\u2019ishyaka FDU Inkingi ritavuga rumwe n\u2019ubutegetsi buriho mu bihe bitandukanye bakunze kumvikana batavugira mu matamatama ibyo babona ko bitagenda.<\/p>\n
Kuri uru rwego birasaba gutegereza urubanza rukazaburanishwa mu mizi.<\/p>\n
Eric Bagiruwubusa<\/strong><\/p>\n VOA<\/p>\n","protected":false},"excerpt":{"rendered":" Isomwa ry\u2019icyemezo ryamenyekanye mu buryo butunguranye ko ryarangiye. Ni urubanza abarwanashyaka b\u2019ishyaka FDU Inkingi ritavuga rumwe n\u2019ubutegetsi buriho mu Rwanda ritemerewe gukorera mu Rwanda ku bujurire mu rukiko rukuru ku ngingo y\u2019ifunga n\u2019ifungurwa ry\u2019agateganyo, Nta munyamakuru n\u2019umwe mu bari ku rukiko warikurikiye yewe n\u2019abaregwa isomwa ryabereye mu cyumba cy\u2019urukiko batigeze bamenyeshwa ko biba, kandi biriwe […]<\/p>\n","protected":false},"author":2,"featured_media":22569,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-22565","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n