{"id":22944,"date":"2017-11-16T18:19:33","date_gmt":"2017-11-16T16:19:33","guid":{"rendered":"http:\/\/www.therwandan.com\/ki\/?p=22944"},"modified":"2017-11-16T23:32:27","modified_gmt":"2017-11-16T21:32:27","slug":"diane-rwigara-yabwiye-abacamanza-ati-mufite-ububasha-mwandekura-ariko-mvugishije-ukuri-ntabwo-mufite","status":"publish","type":"post","link":"https:\/\/www.therwandan.com\/ki\/diane-rwigara-yabwiye-abacamanza-ati-mufite-ububasha-mwandekura-ariko-mvugishije-ukuri-ntabwo-mufite\/","title":{"rendered":"Diane Rwigara yabwiye abacamanza ati \u201cMufite ububasha mwandekura, ariko mvugishije ukuri ntabwo mufite.\u201d"},"content":{"rendered":"

Diane Rwigara na nyina Adeline Mukangemanyi bageze mu rukiko rukuru ku Kimihurura ahagana saa moya n\u2019igice n\u2019ubwo iburanisha ku bujurire bwabo ryari riteganyijwe saa tatu z\u2019iki gitondo. Urubanza rugitangira Mukangemanyi yavuze ko akirwaye adafite imbaraga zo kuburana, byateshejwe agaciro urubanza rurakomeza rurangira ahagana saa kumi n\u2019imwe. Diane yavuze ko nubwo yajuriye atize ko hari icyo bizatanga.<\/em><\/p>\n

Ubushize Adeline Mukangemanyi Rwigara ntabwo yaje mu iburanisha kubera uburwayi. Uyu munsi yaje yambaye umwambaro wa roza kimwe n\u2019umukobwa we<\/p>\n

Baje kuburana ubujurire ku ifungwa n\u2019ifungurwa ry\u2019agateganyo bakatiwe mu kwezi gushize.<\/p>\n

Mu cyumba k\u2019iburanisha kugeza saa mbili n\u2019igicehari abantu bagera kuri 30 baje gukurikirana urubanza hamwe n\u2019abaregwa, abunganizi babo, abacungagereza babazanye n\u2019abanyamakuru bake.<\/p>\n

Abunganizi b\u2019abaregwa bombi, Me Gatera Gashabana wa Adeline Mukangemanyi na Me Pierre Celestin Buhuru wunganira Diane bombi barahari.<\/p>\n

Buri wese yicaranye n\u2019umwunganizi we barasa n\u2019abategura urubanza.<\/p>\n

\n

\"Abunganizi<\/p>\n

Abunganizi babo bose barahari<\/p>\n<\/div>\n

Diane Rwigara washakaga kuba umukandida mu matora ya Perezida wa Republika akurikiranyweho icyaha cyo gukoresha impapuro mpimbano.<\/p>\n

We, Anne na nyina Adeline bahuriye ku cyaha bashinjwa cyo guteza imvururu muri rubanda.<\/p>\n

Nyina Adeline Rwigara we hiyongeraho icyaha ashinjwa cyo kubiba amacakubiri muri rubanda.<\/p>\n

Saa tatu n\u2019iminota irindwi (7) abacamanza binjiye mu rukiko batangira iburanisha.<\/p>\n

Batangiye basomera abaregwa imyirondoro yabo n\u2019ibyaha baregwa\u2026<\/p>\n

Iburanisha rigitangira, Adeline Rwigara Mukangemanyi yavuze ko akirwaye bityo yumva ataburana.<\/p>\n

Yabanje gushimira urukiko ko mu iburanisha riheruka rwumvise ubusabe bwe ko arwaye \u00a0gusa avuga ko akirwaye ndetse ko ari ku miti ikomeye ku buryo adafite imbaraga.<\/p>\n

Adenine Rwigara avuga ko ubu burwayi buturuka ku iyicarubozo (torture) yakorewe we n\u2019abari bafashwe bo mu muryango we ubwo bari mu bugenzacyaha kuva mu matariki ya 28 cyangwa 29\/08\/2017 nk\u2019uko we abivuga.<\/p>\n

Nta kimenyetso kerekana uburwayi bwe yagaragaje, avuga ko ibyangombwa byose akura kwa muganga bifatwa n\u2019ubuyobozi bwa gereza afungiyemo, akavuga ko Urukiko rufite ububasha bwazajya kubisuzuma.<\/p>\n

Ati \u201cSituation (imimerere y\u2019 (ubuzima)) yanjye yagiye yiyagrava (ikomera).\u201d<\/em><\/p>\n

Yavuze ko n\u2019ejo yavuye kwa muganga ariko ngo ababajwe no kuba uyu munsi yimwe uburenganzira bwo kwifubika kandi arwaye.<\/p>\n

Ati \u201cMfite na foulard isa n\u2019iyi myenda<\/em> (impuzankano y\u2019abagororwa) ariko nasabye kuyambara baranyangira.\u201d<\/em><\/p>\n

\n

\"Adeline<\/p>\n

Adeline Mukangemanyi aravuga ko ubuyobozi bwa gereza bwanze ko yifubika kandi arwaye, ndetse ngo bamwimye amazi ashyushye yo gukaraba yandikiwe na muganga<\/p>\n<\/div>\n

Avuga kandi ko no gukora isuku atoroherezwa ati \u201cntabwo mbona amazi ashyushye yo gukaraba nandikiwe na muganga<\/em> (yavuganaga ikiniga)\u201d<\/p>\n

Me Gatera Gashabana wunganira Adeline yabwiye Urukiko ko umukiliya we nubwo ajya kwa muganga ariko atisanzura kuko ajyayo hari abandi bantu bamuherekeje bahita bafatira icyangombwa cyose ahawe.<\/p>\n

Agaragaza ko bafite \u2018certificats medicaux administratifs\u2019 (impapuro z\u2019uburwayi zitangwa na muganga) zirimo iyo ku wa 07 na 11 Ugushyingo ndetse ko muganga yagaragaje ko umukiliya we akeneye ikiruhuko cy\u2019uburwayi ariko ko bitubahirijwe kuko ibi byemezo byose bihita bitwarwa na gereza.<\/p>\n

Me Gashabana yasabaga ko urukiko rwakuraho izi mbogamizi zibuza ubwisanzure umukiliya we kwivuza uko bikwiye no guhabwa ikiruhuko cy\u2019uburwayi, yanavuze ko na bo nta myanzuro y\u2019ubushinjacyaha bafite.<\/p>\n

Diane Rwigara wari wabanje kuvugira umubyeyi we ko atabasha guhaguruka kuko arwaye, we ahawe umwanya yavuze ko yiteguye kuburana.<\/p>\n

Gusa umwunganizi we Me Buhuru Pierre Celestin avuga ko babonye imyanzuro y\u2019ibikubiye mu bwiregure bwabo ariko batigeze bagezwaho iy\u2019ubushinjacyaha.<\/p>\n

Me Buhuru akavuga ko nubwo biteguye kuburana, iyi ari imbogamizi ariko ko urukiko rubisuzumye rugasanga iburanisha rikwiye gukomeza babyiteguye ariko Ubushinjacyaha ntibuhabwe ijambo kuko butatanze imyanzuro yabwo.<\/p>\n

\n

\"Diane<\/p>\n

Diane yanyujijemo ajya mu bwiherero, aha yari avuyeyo<\/p>\n<\/div>\n

Umushinjacyaha Faustin Nkusi umwe mu bagize inteko y\u2019ubushinjacyaha, yavuze ko Urukiko rudashobora guha agaciro ibyavugwaga mu magambo gusa ko Adeline Rwigara arwaye kuko no mu iburanisha riheruka Urukiko rwari rwabisuzumye ruvuga ko rutagendera ku byifuzo bidafitiwe ibyangombwa bigenwa n\u2019amategeko (yavugaga repos medical).<\/p>\n

Nkusi yagize ati \u201cTwese turivuza, iyo muganga akwandikiye imiti urabimenya, iyo akwandikiye repos medical urabimenya.\u201d<\/em><\/p>\n

Uyu mushinjacyaha kandi yagarutse ku kuba uruhande rw\u2019abaregwa rutarabonye imyanzuro y\u2019Ubushinjacyaha, avuga ko iyi myanzuro bayibahaye mu iburanisha riheruka ndetse bakayishyira no muri \u2018system\u2019 ahobwo kwitwaza ko batayibonye ari ubushake buke bwo kuburana.<\/p>\n

Abacamanza bavuye kwiherera batesha agaciro ibivugwa n\u2019abaregwa<\/strong><\/p>\n

\n\t\t