Madame Ingabire Victoire arazira ko yatinyutse kuvugira ku butaka bw\u2019u Rwanda ko ubutegetsi bwa Pahulo Kagame burenganya rubanda ibi birenze urugero, ko hagomba ubwiyunge mu Banyarwanda, ko hifuzwa ubutabera burengera abiciwe bose, ko kandi abantu bose bagize uruhare mu bwicanyi bwabaye, babiryozwa. Ubutegetsi rero bugamije gutera ubwoba abandi Banyarwanda bafite igitekerezo cyo guhaguruka nka Madamu Victoire Ingabire, bakiyemeza guhangana n\u2019ubutegetsi bw\u2019igitugu bwa FPR. Ubutegetsi buragaragaza ko butemera na gato kugirana imishyikirano n\u2019amashyaka atavuga rumwe nabwo, mu miyoborerere y\u2019igihugu.<\/p>\n
Kuri FDU-Inkingi, biragaragara ko ubutegetsi bwa Kigali butazigera bufungura ku bwende bwabwo urubuga rwa politiki. Nyuma y\u2019imyaka ibiri n\u2019igice irenga ishyaka ryacu FDU-Inkingi ryatse kwemerwa nk\u2019ishyaka ryemewe mu gihugu, kugeza magingo aya, ubwo burenganzira bukaba butaratangwa, biragaragara ko ishyaka ryacu ritazigera ryemerwa n\u2019ubutegetsi bwa Prezida Pahulo Kagame. Kuva Leta icira Madamu Victoire Ingabire igihano gikomeye cyo gufungwa, kandi yariyatashye yimirije imbere kwandikisha ishyaka no kwiyamamariza mu mwanya wa Perezida y\u2019igihugu, ubutegetsi bwa Perezida Pahulo Kagame buragaciye ku mugaragaro kandi ku buryo budasubirwaho, ko inzira ya demokarasi, inzira y\u2019ubutabera, ukwishyira ukizana n\u2019ubwiyunge ku Banyarwanda, ntacyo bububwiye na gato. Tukaba dusaba abantu bose bakunda amahoro kandi bifuza ko imihererekane y\u2019ubutegetsi mu Rwanda yagenda mu nzira ya demokarasi, ko bamagana iyi mikirize y\u2019urubanza.<\/p>\n
Ubutegetsi bwa Kigali, yego bumaze gushyira ku kagozi Madamu Victoire Ingabire rumucira igihano cy\u2019igifungo kiremereye, ariko buribeshya ntibushobora kuvutsa Abanyarwanda ukwizera Madame Victoire Ingabire yabibye mu Banyarwanda, azanakomeza kubera urumuri.<\/p>\n
N\u2019ubwo bigaragara ko ubutegetsi bw\u2019i Kigali bushyira imbere ingufu, bugamije kurwanya igitekerezo cyose kigamije gukemura mu bwumvikane ibibazo bya politiki, FDU-Inkingi ntizagwa muri uwo mutego. Inzira y\u2019ingufu no kumena amaraso ntizigera iba inzira ya politiki yacu. Ni ubutegetsi bwa Kigali buzayidushoramo, sitwe tuzayihitamo. N\u2019ubwo Perezida Pahulo Kagame yagaragaje kenshi ko adatinya kumena amaraso kugirango akomeze politiki ye y\u2019igitugu, FDU-Inkingi irahamya ko akaga Abanyarwanda bagize karenze kamere; amaraso yamenetse ni menshi. FDU-Inkingi iharanira ko isimburana ry\u2019ubuyobozi bw\u2019igihugu bukorwa binyuze mu nzira y\u2019imishyikirano. FDU-Inkingi irasaba Perezida Kagame kwemera mu mutuzo imishyikirano n\u2019andi mashyaka ya politiki arwanya imitegekere mibi y\u2019igihugu yagize akarima ke.<\/p>\n
Niyo mpamvu FDU-Inkingi ihamagariye Abanyarwanda ku buryo buranguruye kwima amatwi ingamba zose zizakoreshwa n\u2019ubutegetsi na ba rutwitsi batazatinda kwigaragaza, buririye kuri iyi mikirize iteye isoni y\u2019uru rubanza n\u2019uku gufunga urubuga rwa politiki, ngo barohe mu ntambara Abanyarwanda kugira ngo bagume cyangwa bajye ku butegetsi. Nyabuneka Banyarwanda mushishoze, inzira y\u2019intambara no kuvusha andi maraso, ku bantu bazi Leta ya Kagame, ni yo mahirwe ye. Si inzira yo kubohora abaturage twe dushobora guhitamo ku bwende bwacu kuko tuzi ko yagumisha Abanyarwanda ku ngoyi igihe kirekire aho kubagarurira agaciro.<\/p>\n
Igihe cy\u2019impindura y\u2019ubuyobozi bw\u2019igihugu cyageze. Prezida Pahulo Kagame ari mu mayira abiri kandi niwe uzagena inzira ahitiyemo abanyarwanda. Ashobora guhitamo inzira y\u2019imishyikirano n\u2019amashyaka ya politiki atavugarumwe na Leta ye kugira ngo tugenere hamwe imiyoborere y\u2019ubuyobozi bw\u2019igihugu: icyo gihe azaguma ku butegetsi. Ashobora na none guhitamo gukurura Abanyarwanda mu ntambara. Ni amahitamo ye, ariko amenye ko icyo gihe we na hehe n\u2019ubuyobozi bw\u2019igihugu.<\/p>\n
Intabaza yavuze, Mwidishyi!<\/p>\n
Bikorewe i Lausanne mu Busuwisi, tariki ya 30 Ukwakira 2012.<\/p>\n
![\"\"](\"http:\/\/www.therwandan.com\/ki\/wp-content\/uploads\/sites\/3\/2012\/08\/images-11.jpg\")
<\/a><\/p>\n","protected":false},"excerpt":{"rendered":"