Nyuma y\u2019aho abantu bashatse kwivugana Lt Gen Kayumba Nyamwasa, wahoze ari Umugaba Mukuru w\u2019ingabo ndetse akaza guhagararira u Rwanda mu gihugu cy\u2019Ubuhindi. Hafashwe abantu 6 barimo n\u2019umucuruzi Pascal Kanyandekwe bari muri uwo mugambi dore ko nyuma yo kumurasa agakomereka, habayeho undi mugambi wo gushaka kumwivugana ubwo yari mu bitaro. Hamenyekanye ko Pascal Kanyandekwe yashatse guha Polisi ruswa ingana na Miriyoni 1 y\u2019amadorali, ndetse hari n\u2019amajwi yafashwe mu gihe bamwe mu bakuriye iperereza ry\u2019u Rwanda, nka Gen Jack Nziza na Col Dan Munyuza bageragezaga gutanga amafaranga kugirango Lt Gen Kayumba yicwe hakoreshejwe uburyo bwose bushoboka harimo n\u2019amarozi!<\/p>\n
Umutangabuhamya w\u2019ingenzi w\u2019ubushinjacyaha witwa ISSAK MOHAMED, w\u2019umunyakenya dore ko atari umutanzaniya nk\u2019uko bikunze kuvugwa, yari yarafashwe hanyuma ararekurwa igihe hari hamaze gukorwa ibazwa ry\u2019igihe kirekire na polisi aho yashinjaga bagenzi be bafunze mu itsinda rya kabili ryagiye gushaka kwica Kayumba aho yari arwariye mu bitaro!<\/p>\n
Kuri uyu wa mbere tariki ya 6 Gashyantare 2012, ISSAK MOHAMED yaje mu rukiko agomba gusubiramo ubuhamya yatanze muri polisi, noneho imbere y\u2019umucamanza. Akigera mu rukiko yatangiye gutitira avuga ibintu bitajyanye avuga ko afite ubwoba bwinshi aterwa n\u2019abantu bamuhamagara bamwe biyita abapolisi b\u2019Afrika y\u2019Epfo abandi ngo biyita ba maneko ba leta y\u2019u Rwanda! Arongera ati ibyo navuze mbere nabitewe n\u2019umupolisi wambazaga antera ubwoba bigatuma naranditse ibintu uko bitari, ariko kubera ukuntu umucamanza yamubonaga atitira ahitamo kumubaza niba yagaruka bukeye kugirango ashyire ubwenge ku gihe kandi polisi imujyane aharindirwa abatangabuhamya (WITNESS PROTECTION PROGRAM) aremera! Nibwo urubanza rwasubikwaga<\/p>\n
Ku wa kabiri tariki ya 7 Gashyantare 2012 noneho uyu Mohamed aje byagaragaye ko abunganira ba bandi bashinjwa gushaka kwivugana Lt Gen Kayumba Nyamwasa ndetse na Murumuna wa Kanyandekwe Pascal watumwe na leta yu Rwanda gushyira amafaranga mu gikorwa cyo kwivugana Lt Gen Kayumba Nyamwasa, baba baragiranye umubonano na Mohamed rwihishwa, ni uko ageze ku rukiko mu gitondo bamugira inama yo kutitaba urukiko!!!<\/p>\n
Ariko abapolisi n\u2019ubushinjacyaha baba bigeze kumubona mu kirongozi (corridor) z\u2019urukiko aganira n\u2019abunganira abaregwa! Ni uko ubushinjacyaha buba busabye ko yakorerwa inyandiko yo kumufata!! Nibwo murumuna wa Kanyandekwe yihinaga hanze y\u2019urukiko akamuhamagara hanyuma abunganira abaregwa bahita babwira umucamanza ko ashobora kuba ari hafi y\u2019inzu z\u2019urukiko!!! Ubwo urubanza rwasubitsweho isaha kugirango abanze ashakishwe! Nyuma y\u2019isaha yari amaze kuhagera bamubajije icyatumye atitaba urukiko nkuko byari biteganyijwe, abeshya ko yari yabuze aho ahagarika imodoka ye kandi ko atashoboraga gusiga imodoka ye yonyine ahantu atizeye!<\/p>\n
Ubwo ubushinjacyaha bwahise busobanura ko yahahoze ndetse bikaba bigaragara ko abunganira abashatse kwica Lt Gen Kayumba Nyamwasa harimo n\u2019umu avocat uhagarariye leta y\u2019u Rwanda baba bakorana nawe binyuranyije n\u2019amategeko y\u2019imiburanishirize y\u2019urubanza. Basabye imbabazi bizeza urukiko ko bitazongera ko rwaca inkoni izamba ntirumufunge ko icyabibateye kwari ukugirango bakore uko bashoboye ngo uwo mutangabuhamya aze asobanure ko ibyo yavuze mbere bitari byo! Ubushinjacyaha bwasabye ko yahita afatwa akajyanwa muri gereza ariko umucamanza yemerera abunganira abaregwa ko adafungwa ariko ko abihanangirije bwa nyuma! Urubanza ruba rurasubitswe kugeza kuwa gatanu tariki ya 10 Gashyantare 2012.<\/p>\n
Muri uru rubanza haragaragara ko Leta y\u2019u Rwanda, yaba yarateye ubwoba uriya mutangabuhamya cyangwa ikamwemerera agatubutse, kuko imyitwarire ye muri ruriya rubanza iteye amakenga, kandi kenshi bikaba biterwa n\u2019abunganira abaregwa gushaka kwica Lt Gen Kayumba Nyamwasa bamushyiraho igitutu bafatanije n\u2019abunganira Leta y\u2019u Rwanda ndetse na Murumuna wa Pascal Kanyandekwe umwe mu baregwa.<\/p>\n
Twagerageje kubaza abo mu ihuriro RNC icyo batekereza kuri uru rubanza n\u2019ukwivuguruza kw\u2019umutangabuhamya, batubwira ko ntacyo badutangariza ubu, ahubwo ibyiza hategerezwa imyanzuro y\u2019uru rubanza ngo kuko bizeye ubutabera bw\u2019igihugu cy\u2019Afrika y\u2019Epfo.<\/p>\n
Ruben Barugahare<\/strong><\/p>\n","protected":false},"excerpt":{"rendered":" Nyuma y\u2019aho abantu bashatse kwivugana Lt Gen Kayumba Nyamwasa, wahoze ari Umugaba Mukuru w\u2019ingabo ndetse akaza guhagararira u Rwanda mu gihugu cy\u2019Ubuhindi. Hafashwe abantu 6 barimo n\u2019umucuruzi Pascal Kanyandekwe bari muri uwo mugambi dore ko nyuma yo kumurasa agakomereka, habayeho undi mugambi wo gushaka kumwivugana ubwo yari mu bitaro.<\/p>\n","protected":false},"author":3,"featured_media":236,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[67,63],"tags":[],"class_list":["post-235","post","type-post","status-publish","format-standard","has-post-thumbnail","hentry","category-amahanga","category-ubutabera"],"yoast_head":"\n