Padiri Charles Mudahinyuka wahimbye indirimbo \u2018Imihigo yacu\u2019 benshi bakunda kita \u2018u Rwanda rw\u2019ejo ruzamenya gusoma\u2019, yitabye Imana mu gitondo cyo kuri uyu wa Gatanu aguye aho yakoreraga ubutumwa muri Paruwasi ya Rukoma iherereye muri Diyosezi ya Kibungo.<\/p>\n
Mu kiganiro IGIHE yagiranye n\u2019Umwepisikopi wa Diyosezi ya Kibungo, Kambanda Antoine, yemeje amakuru y\u2019urupfu rwa Padiri Mudahinyuka wamenyekanye cyane mu muziki wanditse mu buryo bwa gihanga bw\u2019amanota (Solf\u00e8ge).<\/p>\n
Yagize ati \u201cNibyo yitabye Imana muri iki gitondo azize uburwayi. Yari asanzwe afite uburwayi abaganga bamukurikiranagaho. Yaguye mu rugo ariko muganga araza kuduha byinshi.\u201d<\/p>\n
Musenyeri Kambanda yakomeje avuga ko Padiri Mudahinyuka yari asanzwe arwara diab\u00e8te yajyaga izamuka ubundi ikamanuka. Avuga ko atigeze aremba kuko yapfuye agikora imirimo ye ku rwego rw\u2019iyo ashoboye.<\/p>\n
Padiri Mudahinyuka ari mu bapadiri 16 babuhawe mu 1980, barimo Musenyeri Justin Kayitana, Jean Damasc\u00e8ne Bimenyimana na Musenyeri Kizito Bahujimihigo wigeze kuyobora Diyosezi ya Kibungo.<\/p>\n
Musenyeri Kambanda avuga ko ari umupadiri wakoze umurimo we neza kandi akoresha impano y\u2019umuziki yari afite.<\/p>\n
Yagize ati \u201cYari umupadiri witangiye ubutumwa bwe, ku buryo bw\u2019umwihariko yari afite impano y\u2019umuziki yatoje benshi. Yahimbye indirimbo zizwi mu Rwanda hose kandi apfuye akiri muri Paruwasi agisohoza ubutumwa.\u201d<\/p>\n
Uyu mupadiri benshi bamuzi ku ndirimbo yitwa \u2018Imihigo yacu\u2019 bakunda kwita \u2018u Rwanda rw\u2019ejo ruzamenya gusoma\u2019, yamamaye mu kiganiro \u2018Urubyiruko rw\u2019u Rwanda\u2019 gitambuka kuri Radiyo Rwanda. Iyi ndirimbo yaririmbwe bwa mbere n\u2019Abafaratiri bo muri Seminari Nkuru ya Nyakibanda mu 1979\/1980.<\/p>\n
Hari kandi indirimbo \u2018Mwana w\u2019iwacu\u2019 irimo amagambo meza ahamagarira abana b\u2019u Rwanda kuba intwari n\u2019abanyamurava. Ihamagarira abanyarwanda gukunda igihugu cyabo no kuba bakitangira.<\/p>\n
Zimwe mu ndirimbo zahimbwe na Nyakwigendera Padiri\u00a0Charles MUDAHINYUKA:<\/p>\n
<\/p>\n