Mu gihe mu Rwanda hashize iminsi havugwa ubushyamirane hagati y\u2019abapolisi n\u2019abaturage hirya no hino mu gihugu ariko cyane cyane hakavugwa umwuka mubi hagati y\u2019abapolisi n\u2019abamotari ku buryo ababirebera hafi bemeza ko ibintu byahinduye isura bikaba byatuma havuka itana mu mitwe rikomeye ryanakururira leta ya Kagame ibibazo bikomeye, mu gihe kandi hari amakuru avuga ko leta ya Kagame ibinyujije mu ishami rya ba maneko n\u2019abapolisi yaba ifite umugambi wo kwibasira no kurimburana n\u2019imizi abatavuga rumwe n\u2019ubutegetsi cyane cyane hakavugwa abo mu ishyaka FDU rya Ingabire kuko ngo basanga nta bundi buryo bashobora gucubya umuvuduko n\u2019igitutu iri shyaka ririmo kotsa ubutegetsi bwa Kagamenk\u2019uko hari umwe muri za maneko uherutse kubyigamba bagenzi be bamwumva, ubu noneho haravugwa ubushyamirane hagati y\u2019abapolisi, abacungagereza na za maneko za Kagame hamwe n\u2019abarwanashyaka bagiye gusura Ingabire kuri gereza ya Kigali aho afungiye.<\/p>\n
Ubu bushyamirane ngo bwabaye mu gitondo cyo kuri uyu wa 2 Ugushyingo 2012 aho bamwe mu barwanashyaka b\u2019ishyaka rya Victoire Ingabire batonganye bikomeye n\u2019abapolisi n\u2019abacungagereza ku buryo abaturage bose bari buzuye muri iyo gereza bahuruye basa n\u2019abiteguye kureba umukino udasanzwe muri iyo gereza. Intandaro y\u2019ubu bushyamirane ngo ni umwe mu barwanashyaka winjiye muri gereza yambaye ingofero maze abapolisi n\u2019abacungagereza bamusaba kuyisiga ku muryango ariko igihe yarimo ayibahereza abona hari undi muntu uyinjiranye ntibayimusaba maze ababaza impamvu ari we wenyine basaba gusiga ingofero ye ku muryango maze ngo amakimbirane avuka atyo.<\/p>\n
Abaturage bari aho ayo makimbirane yabereye badutangarije ko bidasanzwe bibaho ko ibintu nk\u2019ibyo bibaho kuko ngo umwe mu bapolisi bari aho ku marembo banatubwiye ko izina rye ngo ari NGABONZIZA ariko ngo ntibashoboye kumenya irindi zina rye kimwe n\u2019ipeti rye gusa ngo yari afite iradiyo y\u2019itumanaho (icyombo), ngo yatangiye akubita uwo murwanashyaka wa FDU amukubitira mu kazu polisi ikoreramo ku muryango wa gereza maze bagenzi be bajya kubaza icyo akubitirwa maze amakimbirane ahindura isura kuko ari abapolisi bari aho, ari abacungagereza ndetse n\u2019abamaneko batangiye kwibasira abarwanashyaka bo kwa Ingabire maze si uguterana amagambo ruresurana.<\/p>\n
Icyo abaturage batubwiye ngo ni uburyo aba barwanashyaka ngo batari na benshi bashoboye kwihagararaho babwira abo bacungamutekano ko barambiwe uburyo babacura bufuni na buhoro ndetse ko ngo ibyo badashobora gukomeza kubyemera. Abaturage nabo ngo n\u2019ubwo bashungeraga ngo ni nako bitonganyaga batuka polisi kubera imyitwarire mibi ikomeje kugaragaza mu baturage ku buryo ndetse ngo hari n\u2019abemezaga ko ibintu bisigaye bimeze nabi ngo leta nititonda ishobora kuzahura n\u2019akaga gakomeye nk\u2019aho bavugaga ko ibyabereye mu barabu bitari kure yo kubera mu Rwanda ugereranije n\u2019uko abantu basigaye batuka polisi haba ku maradiyo n\u2019ahandi bavuga ko ikomeje kubavutsa uburenganzira bwabo.<\/p>\n
Niba rero ibintu bikomeje kumera uko bimeze ubu uwatekereza ko hashobora kuvuka imyigaragambyo karundura ntiyaba yibeshye cyane ukurikije ibyo abaturage basigaye bavuga kuri leta n\u2019ubwo hari intore zimwe zikinambye ku butegetsi bw\u2019igitugu dore ko nta n\u2019umurozi wabuze gikarabya. Abenshi rero basigaye birirwa bijujuta bagira bati turarambiwe uwaduha inkunga ngo twihandure ivunja ritagituma tugoheka. Ngaho rero abatekinisiye ba FPR nimukataze mu bugizi bwa nabi mushobora kuzaririra mu myotsi igihe mwazaba mubonye ibyo mutakekaga kereka niba amaso yanyu atabona n\u2019amatwi yanyu ntiyumve.<\/p>\n