{"id":24260,"date":"2018-01-28T23:56:03","date_gmt":"2018-01-28T21:56:03","guid":{"rendered":"http:\/\/www.therwandan.com\/ki\/?p=24260"},"modified":"2018-02-02T10:12:48","modified_gmt":"2018-02-02T08:12:48","slug":"umugororwa-witwa-jotham-nsengiyumva-ngo-yagerageje-gutoroka-gereza-araraswa-ahita-yitaba-imana","status":"publish","type":"post","link":"https:\/\/www.therwandan.com\/ki\/umugororwa-witwa-jotham-nsengiyumva-ngo-yagerageje-gutoroka-gereza-araraswa-ahita-yitaba-imana\/","title":{"rendered":"Umugororwa witwa Jotham Nsengiyumva ngo yagerageje gutoroka Gereza araraswa ahita yitaba Imana."},"content":{"rendered":"

Yanditswe Ben Barugahare <\/strong><\/p>\n

Umugororwa witwa NSENGIYUMVA Jotham mwene NTAHONTUYE na NYIRABAGARURA wavutse 1992 avukira mu Ntara yamajyaruguru, akarere ka Musanze, Umurenge wa\u00a0 Cyuve, akagali ka Bukinanyana, umudugudu wa Rugeshi yafunzwe 19\/03\/2014 ku cyaha\u00a0 cyo kugambanira igihugu, kurema umutwe w’abagizibanabi, gutunga intwaro no kuzikwirakwiza, akatirwa BURUNDU mu ma saha ya saa moya n’igice ( 19:30) ngo yagerageje gutoroka Gereza araraswa ahita yitaba Imana.<\/p>\n

\n

Hari saa moya n’iminota 20 ubwo humvikanye urufaya rw\u2019amasasu ahagana mu kibuga cy\u2019umupira inyuma y\u2019inyubako cyangwa igipangu cya Romeo wing na Delta wing (ibamo imfungwa z\u2019abavuye Sierra L\u00e9one na Arusha boherejwe n’umuryango w’abibumbye (ONU), abayisiramu 38\u00a0 bafunzwe 2016, na Nsengiyumva Jotham (wishwe) kimwe na Col Gaheza muri Gereza ya Mpanga I Nyanza.<\/p>\n

Amakuru dufite\u00a0 ni uko uwo mugororwa yasohowe aho yabaga akajyanwa ku kibuga\u00a0 cy\u2019umupira. Mbere y’uko araswa habanje kuza imodoka y’umuyobozi wa gereza SP John Mukono n\u2019iy\u2019umukuru wa polisi mu karere ka Nyanza abona kuraswa.<\/p>\n

Mu iburanisha ry\u2019urubanza rw\u2019abantu 14 bari bakurikiranweho ibyaha byo gukorana na FDLR, ryabereye muri Sitade Ubworoherane y\u2019Akarere ka Musanze ku wa 11 Ukuboza 2014, nibwo Nsengiyumva Jotham witiriwe urwo rubanza yabwiye ubushinjacyaha ko ibyo yakoze byose yabitumwaga kandi bikanaterwa inkunga na Guverineri Bosenibamwe.<\/p>\n

Tariki ya 14 Ukuboza 2014, yemereye imbere y\u2019urukiko ibyaha yashinjwaga byose anagaragaza ko uyu mugambi wamenyekanye waterwaga inkunga n\u2019uwari Guverineri w\u2019Intara y\u2019Amajyaruguru, Bosenibamwe Aim\u00e9.<\/p>\n

Icyo gihe yasobanuye ko umuzi w\u2019icyaha ukomoka kuri miliyoni 10 z\u2019amafaranga y\u2019u Rwanda bemerewe na Bosenibamwe kugira ngo bahungabanye umutekano w\u2019Akarere ka Musanze.<\/p>\n

Yavugaga ko Bosenibamwe yatanze izi miliyoni ashaka ko uwari Umuyobozi w\u2019Akarere ka Musanze yasigwa icyasha ku mutekano muke w\u2019akarere ayoboye cyangwa akicwa kugira ngo atazamusimbura ku kuyobora Intara y\u2019Amajyaruguru.<\/p>\n

Ubwo abo bantu bakatirwaga ku wa kane tariki ya 12 Werurwe 2015, urukiko rukuru urugereko rwa Musanze ruyobowe na Kayisire Jean Pierre, rwashimangiye ko rutesheje agaciro byinshi mu byavuzwe na Nsengiyumva Jotham harimo n\u2019uruhare rw\u2019abayobozi yatunze urutoki mu maburanisha yari yarabanje.<\/p>\n

Urukiko rwasobanuye ko impamvu nyamukuru rwatesheje agaciro ubuhamya bwa Nsengiyumva ari uko Nsengiyumva yananiwe guhuza ibyo yavugiye mu rukiko n\u2019ibyo yabanje kubwira ubugenzacyaha.<\/p>\n

Amakuru The Rwandan yashoboye kubona ava muri Gereza ya Mpanga I Nyanza aho Jotham Nsengiyumva yari afungiye aravuga ko ashinjwa cyane cyane kugaba igitero mu karere ka Musanze mu 2012 kigahitana umupolisi mukuru IP Mucyurabuhoro Cl\u00e9ment ndetse ngo no gutera Grenade ku rugo rw’umuyobozi w’akarere ka Musanze\u00a0Bonifride Mpembyemungu.<\/p>\n

Twashoboye kumenya kandi ko Jotham Nsengiyumva yari inshuti magara y’umugabo wigeze kurasirwa mu Ruhengeri wari umunyamabanga nshingwabikorwa w’umurenge wa Cyuve witwa Nsengimana Alfred nawe warashwe bakavugako yashatse gutoroka.<\/p>\n

\"\"<\/a><\/p>\n

Umuvugizi w\u2019Urwego rw\u2019Imfungwa n\u2019Abagororwa, CIP Sengabo Hillary, yabwiye abanyamakuru ko Nsengiyumva yasimbutse gereza yari afungiyemo ageze hanze abacungagereza baramubona yiruka baramurasa ahita apfa.\u00a0Abacungegereza ngo baje kugera aho yari amaze kugwa, bamusangana icyuma.<\/p>\n