Photo\/igihe<\/p>\n
Nk\u2019uko tubikesha Radio Okapi, ngo abasirikare b\u2019u Rwanda bishe umusirikare wa Congo, kuri uyu wa gatandatu tariki ya 3 Ugushyingo 2012, ku mupaka w\u2019ibihugu byombi ahitwa Kanyanja, mu birometero nka 10 mu majyaruguru ya Goma.<\/p>\n
Amakuru atangwa n\u2019umuvugizi w\u2019ingabo za Congo muri Kivu y\u2019amajyaruguru, Colonel Olivier Hamuli, ngo abasirikare ba Congo bari bambutse umupaka bagiye kugura amata. (amakuru yari yatangajwe mbere yavugaga ko ari umusirikare umwe wa Congo wambutse umupaka agiye kugura inzoga). Abasirikare b\u2019u Rwanda ngo bahise babarasaho, mu gusubiza ngo abasirikare ba Congo nabo bishe umusirikare w\u2019u Rwanda. Colonel Hamuli avuga ko atumva impamvu abasirikare b\u2019u Rwanda bahise barasa kuri bagenzi babo ba Congo akanemeza ko umurambo w\u2019umusirikare wa Congo wasigaye mu Rwanda. Ngo hari itsinda rishinzwe iperereza ryoherejwe kuganira n\u2019abayobozi ba gisirikare b\u2019u Rwanda kuri kiriya kibazo.<\/p>\n
Ariko umuvugizi w\u2019ingabo z\u2019u Rwanda, general Joseph Nzabamwita, we abisobanura ukundi. Yabwiye ibiro ntaramakuru by\u2019abafaransa AFP ko abasirikare ba Congo bari binjiye ku butaka bw\u2019u Rwanda baje gutata ngo ibyo bikaba byari igikorwa cy\u2019ubushotoranyi. Nk\u2019uko akomeza abivuga, ngo ni abasirikare ba Congo barashe bwa mbere, rero ngo abasirikare b\u2019u Rwanda bahise babasubiza bica umusirikare wa Congo. Umuvugizi w\u2019ingabo z\u2019u Rwanda yemeza kandi ko nta wapfuye ku ruhande rw\u2019u Rwanda, ahubwo hakomeretse umusirikare umwe.<\/p>\n
Andi makuru atangazwa n\u2019ikinyamakuru Igihe.com, kibogamiye kuri Leta y\u2019u Rwanda, cyo cyanditse kivuga ko umunyamakuru wacyo wakurikiraniye hafi iby\u2019irasana avuga ko igisirikare cy\u2019u Rwanda cyatangaje ko bahawe amakuru n\u2019abaturage ko babonye abasirikare ba Congo 7 b\u2019abakomando baje nk\u2019intasi barenze umupaka, bavogera ubutaka bw\u2019u Rwanda, batabaza igisirikare cy\u2019u Rwanda. Mu gutabara kw\u2019igisirikare cy\u2019u Rwanda, mu ma saa yine ku wa Gatandatu ku itariki ya 3 Ugushyingo, igisirikare cy\u2019u Rwanda cyatangaje ko cyabahagaritse banze kirarasa, hagwamo abasirikare ba Congo babiri, umurambo w\u2019umwe barawucikana undi usigara mu Rwanda. Ku Cyumweru ubwo igisirikare cya Congo ngo cyazaga gutwara umurambo, cyaje gihakana ko atari umusirikare wabo, ariko bamutwikuruye kiramwemera.<\/p>\n
Ngo Umunyamakuru wa IGIHE.com uri i Rubavu avuga ko begereye Umukuru wa Diviziyo ya 8 y\u2019igisirikare cya Congo, ikorera mu mu Majyaruguru ya Kivu, ariko yanga kugira icyo abwira itangazamakuru. Ngo usibye abo basirikare babiri ba Congo barashwe, n\u2019umwe w\u2019u Rwanda wakomeretse, ngo igisirikare cy\u2019u Rwanda cyafashe ibikoresho bya gisirikare by\u2019ingabo za Congo, birimo imbunda imwe, sharijeri 6 z\u2019amasasu, amasasu 173 n\u2019icyombo. Igisirikare cya Congo cyasinye n\u2019u Rwanda ko gitwaye umurambo wabo.<\/p>\n
Nk\u2019uko Radio Okapi ikomeza ibivuga, ngo amakuru atururka muri ako gace avuga ko ngo uruhande rwa Congo rw\u2019umupaka rudatuwe kuko abaturage bari bahatuye bahungiye mu nkambi z\u2019abakuwe mu byabo, ibyo ngo bigatuma abasirikare ba Congo rimwe na rimwe bashakisha ibibatunga hakurya y\u2019umupaka mu Rwanda.<\/p>\n
Iki kibazo kije mu gihe umuryango w\u2019abibumbye, Leta ya Congo n\u2019imiryango imwe n\u2019imwe irengera uburenganzira bwa muntu irega u Rwanda gufasha inyeshyamba za M23 zihanganye na Leta ya Congo.<\/p>\n
Ubwanditsi<\/p>\n","protected":false},"excerpt":{"rendered":"
Photo\/igihe Nk\u2019uko tubikesha Radio Okapi, ngo abasirikare b\u2019u Rwanda bishe umusirikare wa Congo, kuri uyu wa gatandatu tariki ya 3 Ugushyingo 2012, ku mupaka w\u2019ibihugu byombi ahitwa Kanyanja, mu birometero nka 10 mu majyaruguru ya Goma.<\/p>\n","protected":false},"author":3,"featured_media":2440,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-2439","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n