{"id":24418,"date":"2018-02-04T22:30:23","date_gmt":"2018-02-04T20:30:23","guid":{"rendered":"http:\/\/www.therwandan.com\/ki\/?p=24418"},"modified":"2018-02-04T22:30:23","modified_gmt":"2018-02-04T20:30:23","slug":"nyanza-umuvandimwe-na-nyakwigendera-gerard-niyomugabo-yashimuswe","status":"publish","type":"post","link":"https:\/\/www.therwandan.com\/ki\/nyanza-umuvandimwe-na-nyakwigendera-gerard-niyomugabo-yashimuswe\/","title":{"rendered":"Nyanza: Umuvandimwe na Nyakwigendera G\u00e9rard Niyomugabo yashimuswe!"},"content":{"rendered":"

Yanditswe na Frank Steven Ruta<\/strong><\/p>\n

Amakuru agera kuri The Rwandan kuri iki cyumweru tariki ya 4 Gashyantare 2018 ni ay’ishimutwa ry’umuvandimwe wa Nyakwigendera G\u00e9rard Niyomugabo wavuzwe cyane mu kibazo kimwe n’umuhanzi Kizito Mihigo.<\/p>\n

Amakuru twashoboye kubona aravuga ko BIGIRIMANA Germain yaraye ashimutiwe mu karere ka Nyanza, Umurenge Wa Busoro ahitwa i Gitovu.<\/p>\n

Ngo haje abantu bari mu modoka iwe mu rugo, maze abo mu rugo bavuga ko adahari yagiye kubaka. Aho yubakaga niho bamukuye bamujyana.<\/p>\n

Uyu mugabo yaravukiye mu murenge wa Busoro, Akagali ka Rukingiro, Akarere ka Nyanza, yavutse mu 1975, yari yubatse afite Abana Bane, ni mwene KAYUMBA Charles na MUJAWAMALIYA Anathalie.<\/p>\n

Uyumugabo akaba ava inda imwe na NIYOMUGABO G\u00e9rard nawe washimuswe n’inzego zishinzwe umutekano ndetse akaba yaratabarutse aguye mu bikorwa by’iyicwarubozo yakorerwaga n’abapolisi barimo abitwa Hodali Rwanyindo na SP Justin Rukara.<\/p>\n

\"\"<\/a>
Hodali RWANYINDO bivugwa ko ari mu bishe G\u00e9rard NIYOMUGABO<\/figcaption><\/figure>\n

NIYOMUGABO yakunze kuvugwa mu rubanza rwa KIZITO MIHIGO na bagenzi be NTAMUHANGA CASSIEN aho\u00a0 ubushinjacyaha\u00a0 na polisi byamushinjaga ngo ko yaba ariwe wari ukuriye umugambi wo kwinjiza ba KIZITO mu ishyaka rya RNC.<\/p>\n

Nyuma y\u2019ifatwa rya ba KIZITO, \u00a0Leta ya Kigali n\u2019ibinyamakuru byayo bakaba batarahwemye kwibasira uwitwa NSABIMANA CALLIXTE Alias SANKARA \u00a0ubarizwa muri Afrika y\u2019Epfo \u00a0bamushinja ko ariwe wari ukuriye umugambi wo kwinjiza muri RNC aba basore bahoze ari inshuti ze ndetse NIYOMUGABO na\u00a0 NTAMUHANGA bakaba bariganye na SANKARA\u00a0 mu mashuri yisumbuye.<\/p>\n

Hano hasi murahasanga ibiganiro Kizito Mihigo yagiranye na G\u00e9rard Nyomugabo mu myaka yashize:<\/p>\n