{"id":24444,"date":"2018-02-05T20:34:24","date_gmt":"2018-02-05T18:34:24","guid":{"rendered":"http:\/\/www.therwandan.com\/ki\/?p=24444"},"modified":"2018-02-05T20:34:24","modified_gmt":"2018-02-05T18:34:24","slug":"rwanda-urukiko-rwubucuruzi-rwanze-ikirego-cyumuryango-wa-assinapol-rwigara","status":"publish","type":"post","link":"https:\/\/www.therwandan.com\/ki\/rwanda-urukiko-rwubucuruzi-rwanze-ikirego-cyumuryango-wa-assinapol-rwigara\/","title":{"rendered":"Rwanda: Urukiko Rw’Ubucuruzi Rwanze Ikirego cy’Umuryango wa Assinapol Rwigara"},"content":{"rendered":"
\n

Urukiko rw’ubucuruzi rwa Nyarugenge i Kigali mu Rwanda rwateye utwatsi ikirego cyihutirwa cyatanzwe n’abahagarariye uruganda rukora itabi rw’uwahoze ari umunyemari ukomeye Nyakwigendera Assinapol Rwigara.<\/p>\n<\/div>\n

\n
\n

Umucamanza mu rukiko rw’ubucuruzi rwa Nyarugenge yatangaje ko ikirego cy’abo mu muryango wa Nyakwigendera Assinapol Rwigara nta shingiro gifite. Yavuze ko ikigo cy’igihugu cy’imisoro n’amahoro cyafatiriye ibikoresho n’amakonti ya banki mu buryo bwubahirije amategeko.<\/p>\n

Iminota ibarirwa muri makumyabiri ni yo umucamanza mu rukiko rw\u2019ubucuruzi I Nyarugenge mu murwa mukuru w\u2019u Rwanda Kigali yakoresheje asoma imyanzuro ikubiye mu cyemezo cy\u2019urubanza hagati y\u2019abahagarariye uruganda rw\u2019uwahoze ari Umunyemari ukomeye Assinapol Rwigara n\u2019ikigo cy\u2019igihugu cy\u2019imisoro Rwanda Revenue Authority.<\/p>\n

Ni icyemezo umucamanza yasomye Uruganda rw\u2019itabi Premier Tobacco Company ruhagarariwe na Uwamahoro Anne Rwigara naho Rwanda Revenue ihagarariwe n\u2019abanyamategeko babiri bayiburanira Me Clement Gatera na Me Bajeni Byiringiro.<\/p>\n

Ikirego cyihutirwa cyatanzwe n\u2019abahagarariye uruganda rw\u2019itabi bavuga ko RR yatwaye ibikoresho birimo mudasobwa z\u2019uruganda ndetse n’ibitabo by\u2019ubucuruzi. Ibi ngo byabaye inzitizi zikomeye zo kutabasha gukomeza imirimo. Bavuga kandi ko RR yashyize ubwitambike ku ma konti ya Premier Tobacco ari muri Gt Bank ndetse na Ecobank yafatiriwe. Icya gatatu ngo RR yafunze ububiko bw\u2019ibicuruzwa byarangiye ndetse n\u2019ibikoresho bitumizwa mu gukora itabi byaheze mu bubiko bw\u2019uruganda.<\/p>\n

Izo nzitizi zose bagasaba urukiko gutegeka ko zakurwaho uruganda rugakomeza gukora. Mu byo bavuga bahombye abahagarariye uruganda rw\u2019itabi bashimangira ko batakaje abakiliya babo ba buri munsi, ibicuruzwa bimaze amezi 7 mu bubiko birimo kwangirika, imiryango y\u2019abantu bagera kuri 200 bamaze amezi 7 badakora, ndetse n\u2019igihombo Leta ubwayo yatewe n\u2019uko uru ruganda rutagikora. Uru ni uruganda bavuga ko rwatangaga miliyoni 300 z\u2019imisoro ya buri kwezi.<\/p>\n

Abanyamategeko bahagarariye ikigo cy\u2019igihugu gishinzwe kwishyuza imisoro barimo Me Clement Gatera, na Me Bajeni Byiringiro, basobanura ko uruganda Premier Tobacco Campany rutigeze rufunga, ko bafatiriye gusa ibitabo by\u2019ubucuruzi, Mudasobwa ndetse n\u2019ububiko bw\u2019itabi ryamaze gukorwa.<\/p>\n

Bavuga ko banasabye uru ruganda kuza bagahabwa za fotokopi z\u2019ibitabo bakoreshaga mu gucuruza, bakazana na Flash disc bagahabwa amakuru yose bifuza ari muri Mudasobwa.<\/p>\n

Bavuga ko ama konti y\u2019uruganda atafunzwe, ko ba nyiri uruganda bemerewe gukomeza gushyiraho amafaranga, ariko batemerewe kuyakuraho. Bagasanga nta mpamvu y\u2019ikirego cyihutirwa kuko kuri bo kidatandukanye n\u2019ikirego cy\u2019iremezo.<\/p>\n

Bemeza ko ibyo bakoze byose byubahirije amategeko. Bakavuga ko ibyabaye kuri PTC ari ingaruka zo kutishyurira ku gihe imisoro ingana na miliyari eshanu na miliyoni 600 z\u2019amafaranga y’u Rwanda.<\/p>\n

Izo mpaka z\u2019impande zombie umucamanza mu rukiko rw\u2019ubucuruzi yarazisesenguye maze yanzura ko ibikoresho by\u2019iyi PTC yakoraga itabi byafatiriwe mu buryo bwubahirije amategeko.<\/p>\n

Umucamanza yanavuze ko yaba amakonti n\u2019ububiko by\u2019uru ruganda na byo byafatiriwe mu buryo bwubahirije amategeko bityo ko ntaho yahera ategeka ikigo Rwanda Revenue Authority kubisubiza.<\/p>\n

Umucamanza yavuze ko nta kimenyetso gitangwa n\u2019abahagarariye uruganda rwo kwa Rwigara kigaragaza ko RRA yafunze uru ruganda mu gihe RR yo ngo igaragaza ibimenyetso ko icyo yakoze ari ugufatira gusa. Ibyo kudahemba abakozi mu gihe cy\u2019amezi arindwi ashize umucamanza yavuze ko byabazwa abahagarariye PTC.<\/p>\n

Nyuma y\u2019ibyo byose umucamanza yanzuye ko ikirego cy\u2019atanzwe na Premier Tobacco Company nta shingiro gifite kandi ko ibyo RRA yakoze biri mu bubasha bwayo. Ategeka ko ifatira riguma uko riri kuko rikurikije amategeko. Yibukije ko utishimiye imikirize y\u2019urubanza yajurira. Urubanza rusozwa rutyo.<\/p>\n

Hanze y\u2019urukiko hagaragaye benshi mu bakozi n\u2019abavandimwe b\u2019umuryango wa Rwigara bimyoza abandi bazunguza imitwe bikoma umucamanza bamushinja kubogama. Abandi na bo bati \u201c Leta ni yo yakomeje gushaka kubatwarira imitungo niyitware\u201d Anne Rwigara wagaragazaga akababaro ku masura yabwiye Ijwi ry\u2019Amerika ko bazajuririra icyemezo cy\u2019umucamanza.<\/p>\n

Assinapol Rwigara yapfuye mu ntangiriro za 2015 ku mpamvu na magingo aya zitavugwaho rumwe. Ku butegetsi yazize impanuka. Naho ku bagize umuryango we ni ubutegetsi bwamwirengeje.<\/p>\n

Diane Shima Rwigara Imfura ya Nyakwigendera washakaga guhatana mu matora y\u2019umukuru w\u2019igihugu 2017 ubu ari mu buroko araregwa ibyaha birimo icyo gukora no gukoresha inyandiko mpimbano. Arahurira na nyina umubyara Adeline Rwigara umubyara ku cyaha cyo guteza imvururu muri rubanda. Ni ibyaha bavuga ko bishingiye kuri politiki.<\/p>\n

Ku isonga bajya kubafata iwabo mu kiyovu mu mpera za 2017 baregwaga no kunyereza imisoro. Ni imisoro na yo bavuga ko itigeze ibaho ishingiye kuri politiki.<\/p>\n