{"id":24753,"date":"2018-02-19T14:44:19","date_gmt":"2018-02-19T12:44:19","guid":{"rendered":"http:\/\/www.therwandan.com\/ki\/?p=24753"},"modified":"2018-02-19T14:46:08","modified_gmt":"2018-02-19T12:46:08","slug":"impunzi-zabanyekongo-mu-rwanda-zirambiwe-gukinwa-nkumupira-zahisemo-kwicwa-namasasu-aho-kwicwa-ninzara","status":"publish","type":"post","link":"https:\/\/www.therwandan.com\/ki\/impunzi-zabanyekongo-mu-rwanda-zirambiwe-gukinwa-nkumupira-zahisemo-kwicwa-namasasu-aho-kwicwa-ninzara\/","title":{"rendered":"IMPUNZI Z\u2019ABANYEKONGO MU RWANDA ZIRAMBIWE GUKINWA NK\u2019UMUPIRA, ZAHISEMO KWICWA N\u2019AMASASU AHO KWICWA N\u2019INZARA"},"content":{"rendered":"

\u201cWIRUKA KU MBWA KERA UKAYIMARA UBWOBA KANDI UMWANA UJYA IWABO NTAWUMUTANGIRA\u201d<\/strong><\/p>\n

Hashize iminsi itari mike impunzi z\u2019abanye Kongo ziri mu nkambi ya Kiziba, akarere ka Karongi mu Rwanda zirara hanze kubera kwikanga ko bashobora gushimuta bamwe mu bayobozi babo bitewe n\u2019uko batinyutse bakavuga uburyo ubuzima bwabo bumeze ubu n\u2019akarengane bari gukorerwa.<\/p>\n

Izi mpagaragara zatangiye ku wa mbere tariki ya 12 Gashyantare 2018, ubwo umuyobozi w\u2019inkambi yahamagajwe ku biro bya Polisi n\u2019umuyobozi uhagarariye urwego rushinzwe abinjira n\u2019abasohoka mu Nkambi ya Kiziba ndetse n\u2019uhagarariye Minisiteri ishinzwe gukumira Ibiza no Gucyura impunzi (MIDMAR), ariko kubera ko yari yamaze kumenya amakuru y\u2019umugambi bafite yababwiye ko ari mu biro bye hamwe na Komite ye ko bahabasanga icyo bashaka kubabwira bakakibamenyesha bose bari hamwe.<\/p>\n

Muri uwo mwanya, abo bayobozi baje mu nkambi basanga Umuyobozi w\u2019inkambi n\u2019abo bafatanya kuyobora mu biro. Aba bayobozi baje bari hamwe n\u2019uhagarariye Polisi y\u2019u Rwanda mu karere ndetse n\u2019uwungirije uhagarariye Polisi y\u2019u Rwanda mu Ntara y\u2019Iburengerazuba, maze bababwira y\u2019uko bazanwe n\u2019 ikibazo cy\u2019imyigaragambyo impunzi zifite mu nkambi.<\/p>\n

Bamwe mu mpunzi za Kiziba bavuze ko nta myigaragambyo yarimo itegurwa ahubwo abo bayobozi baje bafite gahunda yo gutwara abakuriye inkambi muri Gereza nkuko basanzwe babigenza iyo bumvise hari abatangiye kugaragaza uko impunzi zibayeho.<\/p>\n

Ibibazo byasembuwe n\u2019igabanuka ry\u2019imfashanyo y\u2019amafaranga yahabwaga impunzi buri kwezi. Ubusanzwe buri kwezi impunzi yari isanzwe ihabwa amadorari y\u2019Abanyamerika icyenda (9$) ku kwezi, nyuma babwirwa ko guhera muri uyu mwaka wa 2018 buri mpunzi izajya ihabwa amadorari atandatu n\u2019ama Cents arindwi (6,7 $) ku kwezi, ibi ntibashimishije na gato izi mpunzi kuko zahise zishyira igitutu ku bazihagarariye kubakorera ubuvugizi ku Isi yose, cyangwa kubasabira gusubira mu gihugu cyabo aricyo Kongo kuko bavuga ko iwabo badashobora kwicwa n\u2019inzara nkuko bimeze mu nkambi.<\/p>\n

Abahagarariye impunzi bafashe icyifuzo cy\u2019abo bahagarariye bandikira inzego zitandukanye zifite aho zihuriye n\u2019impunzi zirimo Umuryango w\u2019Abibumbye wita ku mpunzi, Leta y\u2019u Rwanda n\u2019abandi batandukanye basaba ko bafashwa gusubira mu gihugu cyabo cyangwa bagashakirwa ikindi gihugu niba gusubizwa iwabo bidashoboka.<\/p>\n

Ibi kandi byaje byiyongera ku nama yabereye Kigali Convention Center tariki 08 Gashyantare 2016, yahuje Minisitiri ushinzwe impunzi De Bonheur Jean d\u2019Arc n\u2019abayobozi b\u2019inkambi z\u2019Abakongomani ziri mu Rwanda zose aho Bamenyeshejwe ko bagiye gushyirwa muri gahunda zitandukanye z\u2019u Rwanda ( rg. Ubudehe, VUP, amashuri, ibitaro etc..) no kuba bashobora gupiganirwa imyanya y\u2019akazi imwe n\u2019imwe cyane ko muri iyi Nkambi ya Kiziba hari kubakwa amashuri n\u2019ibitaro bigezweho bizakoreshwa n\u2019Impunzi n\u2019Abanyarwanda. Ibi bikaba byarabaye no mu nkambi ya Gihembe aho habonetse abaterankunga bo kubaka ishuri mu nkambi ariko Leta y\u2019u Rwanda ikabategeka kuryubaka ku musozi wa Kageyo hanze y\u2019inkambi.
\nIbi bikaba byarateye amakenga izi mpunzi zivuga ko bashobora kubagira Abanyarwanda, ngo \u201cImbeba irya umuhini isatira isuka\u201d, bakaba bafite ubwoba ko bashobora kubikora buhoro buhoro bikarangira babagize Abanyarwanda. Ibi kandi bikaba byiyongera ku kuba hari bamwe mu bayobozi b\u2019u Rwanda usanga bashishikariza bwihishwa zimwe mu mpunzi kwandika basaba Ubwenegihugu bw\u2019u Rwanda.<\/p>\n

Ibi bibazo byose kandi bije byiyongera ku bindi bisanzwe bibangamiye impunzi birimo kwimwa uburenganzira bwabo burimo: Kuba barabujijwe gahunda yo kwibuka ababo bakorewe ubwicanyi ndengakamere haba mu Rwanda (Mudende); Burundi (Gatumba) no muri Kongo (Kamina; Monastere, Bibogobogo, etc) byari bisanzwe bikorwa buri mwaka, kuba bamwe mu bakozi bahagarariye Leta y\u2019u Rwanda bavugwaho ibijyanye na ruswa kuri dossier z\u2019abantu baba bagiye kujya mu mahanga bikorwa na Migration wa Kiziba n\u2019uwa Gihembe no kuba hari dossier zimwe z\u2019impunzi zigurishwa Abanyarwanda.<\/p>\n

Kugeza ubu amakuru atugeraho nuko , Leta y\u2019u Rwanda yohereje abasirikare benshi mu karere ka Karongi benshi babarizwa muri Battalion ya Ruvusha uzwiho kugira ibikorwa by\u2019ubugome bakaba bafite mission yo gukubita impunzi yose ishobora gusohoka mu nkambi ishaka gusubira iwabo gusa izi mpunzi zo zitangaza ko ntabwoba bibateye.<\/p>\n

Ku rundi ruhande, ubwoba ni bwose kuri Leta y\u2019u Rwanda ubu mu zindi nkambi naho birakomeye, mu Nkambi ya Gihembe benshi mu rubyiruko batangiye gutumizwaho n\u2019inzego zishinzwe umutekano kuko bakeka ko nabo bakurukira bagenzi babo ba Kiziba kuko ibibazo babihuje. Ubu batangiye ya Politike yo kubacamo ibice (divide for rule), batangiye gukoresha bamwe mu mpunzi kugira ngo babarememo amakimbirane. Mu nkambi ya Gihembe bari kwitabaza bamwe mubayoboye inkambi bababeshya ko bazabafasha kujya mu mahanga.<\/p>\n

Impunzi z\u2019Abanyekongo mu Rwanda ziri mu Nkambi ya Kiziba; Gihembe; Kigeme; Mugombwa na Nyabiheke. Izi mpunzi zose zikaba zihuje ibibazo, ubu zikaba zikomeje gutakambira umuhisi n\u2019umugenzi ngo bazikorere ubuvugizi ibibazo byazo bikemuke.<\/p>\n

\n\t\t