Banyarwanda, Banyarwandakazi,<\/p>\n
Kwizihiza imyaka mirongo itanu y\u2019ubwigenge bw\u2019igihugu cyacu kuri uyu wa mbere Nyakanga 2012 ni igikorwa gihambaye kizakomeza kwibukwa mu mateka y\u2019U Rwanda. Mu kwifatanya n\u2019Abanyarwanda muri iki gikorwa, ishyaka RDI ryifuje ko twasubiza amaso inyuma, tukibukiranya intambwe z\u2019ingenzi zatewe mu kwigobotora ingoma ya cyami-gihake n\u2019iya gikolonize, ndetse tukavuga ibigwi abayobozi b\u2019imena ba Revolisiyo yo muw\u20191959. <\/p>\n
Iyo Revolisiyo ni yo dukesha Repubulika muw\u20191961, n\u2019ubwigenge bw\u2019u Rwanda muw\u20191962.<\/p>\n
Kuri uyu munsi ariko, tuboneyeho no kwibutsa ko bikwiye guharanira ko imitegekere y\u2019u Rwanda ivugururwa, mu rwego rwo guhosha amakimbirane yo kurwanira ubutegetsi yokamye igihugu cyacu, na n\u2019ubu akaba agenda arushaho gukaza umurego, cyane cyane kuva aho umutwe FPR-Inkotanyi ufatiye ubutegetsi ku ngufu za gisirikare mu mwaka w\u20191994.<\/p>\n
Guhindura imitegekere, mu nzego zose, ni byo byonyine bishobora gusubiza Abanyarwanda icyizere batakaje kubera ubutegetsi bubi bukora amahano, bugatuma igihugu gihora gicura imiborogo.<\/p>\n
Kugira ngo Repubulika n\u2019ubwigenge twabonye twiyushye akuya binogere rubanda koko, ni ngombwa ko ubutegetsi bushingira imizi ku mahame ya demokarasi kandi bukubahiriza uburenganzira busesuye bwa buri mwenegihugu, nta busumbane cyangwa ivangura iryo ari ryo ryose.<\/p>\n
Iri jambo ry\u2019ishyaka RDI ku bwigenge bw\u2019igihugu cyacu rikubiye mu ngingo enye z\u2019ingenzi :<\/p>\n
I. DEMOKARASI N\u2019UBURINGANIRE MU BENEGIHUGU NI BYO SHINGIRO RY\u2019UBWIGENGE<\/strong><\/p>\n Rwagati mu kinyejana cya 20, abakoloni batunguwe n\u2019uburyo ibihugu byari ku ngoyi yabo byakangukiye rimwe, bigasaba ubwigenge bishishikaye. Ni ko byagendekeye n\u2019Akoloni b\u2019Ababiligi bari mu Rwanda. Mu gihe Leta y\u2019Ababiligi yakoraga ibishoboka byose ngo itinze ubwigenge bw\u2019ibihugu byari mumaboko yayo, indobanure z\u2019Abatutsi zari ku ngoma mu Rwanda, zo zari zishishikajwe no kugumana indonke z\u2019ubutegetsi bwa cyami na gihake, zigasaba ko igihugu gihita gihabwa ubwigenge, ubundi ingoma ya cyami igakomeza gukandamiza rubanda nk\u2019uko byari bisanzwe. Ku rundi ruhande, impirimbanyi ziganjemo Abahutu zari zegereye rubanda rwapyinagajwe n\u2019ingoma ya gihake, na zo zaharaniraga kugeza u Rwanda ku bwigenge, ariko zigasaba zikomeje ko habanza kubaho demokarasi n\u2019uburinganire mu benegihugu bose.<\/p>\n Abari ku ngoma icyo gihe ntibakozwaga igitekerezo cyo gushyikirana n\u2019impirimbanyi zaharaniraga demokarasi. Ahubwo bahisemo gusagarira abo barwanashyaka mu magambo ndetse no kubagabaho ibitero bagamije kubaca intege. Nyamara bene gutangiza iryo hangana ntibyabahiriye, kubera ko batsinzwe, ari na byo byavuyemo Revolisiyo yo mu 1959-1961.<\/p>\n Abayobozi b\u2019iyi Revolisiyo bahereye ko baca akarengane n\u2019ubusumbane byari bimaze kurambira abenegihugu, bafungura imiryango ya demokarasi ku buryo ubwigenge bwaje ku ya mbere Nyakanga 1962, Abanyarwanda bakiruhutsa bagira, bati \u00ab inkono ihiriye igihe \u00bb.<\/p>\n Bana b\u2019u Rwanda, cyane cyane Urubyiruko<\/p>\n Tugomba kwirinda kugwa mu mutego w\u2019ikinyoma n\u2019amacenga by\u2019Udutsiko tw\u2019abantu bamwe baharanira inyungu zabo bwite gusa, bakaba bagerageza gusibanganya mu mateka y\u2019igihugu cyacu igikorwa gikomeye cy\u2019intwari zarokoye rubanda, ziyobowe na Nyakubahwa Geregori Kayibanda. Birakwiye rwose ko tuvuga ibigwi ubuziraherezo, abarwanashyaka dukesha Repubulika n\u2019ubwigenge, intwari zitangiye igihugu mu buryo butagereranywa, zigakura rubanda mu nzara z\u2019ubutegetsi bw\u2019akarengane. Izo ntwari z\u2019igihugu zigomba guhora zihabwa icyubahiro kizikwiye, zigahora zibukwa n\u2019Abanyarwanda uko ibisekuru bisimburana, kuko zemeye guhara amagara yazo, kugira ngo igihugu kibone ubwigenge nyabwo.<\/p>\n II. IYI MYAKA 50 Y\u2019 UBWIGENGE IDUSIGIYE IKI ?<\/strong><\/p>\n Imyaka 50 tumaze mu bwigenge yagejeje u Rwanda kuri byinshi biteye ubwuzu, ariko haracyariho n\u2019ibibazo by\u2019ingutu bigomba gushakirwa ibisubizo mu maguru mashya. 1\u00b0Haciwe burundu Ubutegetsi gakondo bwa cyami n\u2019imigenzo yabwo ishingiye ku bwiru n\u2019ubuhake bwari bwarahejeje rubanda mu buja.<\/p>\n 2\u00b0Hashyizweho Ubutegetsi bwa Repubulika n\u2019inzego z\u2019ubuyobozi bw\u2019igihugu zishingiye ku matwara ya demokarasi, abaturage bahabwa uburenganzira bwo kwitorera abayobozi babanogeye.<\/p>\n 3\u00b0U Rwanda rwemewe nk\u2019igihugu cyigenga kandi ruhabwa intebe mu rugaga rw\u2019amahanga;<\/p>\n 4\u00b0Ubutegetsi bwa Repubulika bwashyize ingufu mu guteza imbere uburezi, bwongera amashuri abanza n\u2019ayisumbuye, bushinga na Kaminuza ya mbere mu gihugu (UNR), bwubaka imihanda n\u2019ibindi bikorwa by\u2019amajyambere, kandi buteza imbere imibereho myiza y\u2019abaturage, hifashishijwe imishinga y\u2019amajyambere mu turere twose tw\u2019igihugu.<\/p>\n Nta byera ngo de<\/strong><\/p>\n Nk\u2019uko rero \u00ab nta byera ngo de \u00bb, no mu mateka y\u2019u Rwanda rwigenga dusangamo ibikorwa ndetse n\u2019imyifatire biteye ipfunwe. Twavuga nk\u2019ibi bikurikira:<\/p>\n 1\u00b0Umuco na politiki birangwa n\u2019ibisigisigi bya gihake, kutoroherana no kutamenya kujya impaka zubaka (biratangaje kubona na n\u2019ubu hari abanyarwanda bumva ko umwera uturutse i bukuru ugomba gukwira hose)<\/p>\n 2\u00b0Umuco mubi wo kugundira ubutegetsi n\u2019uwo gushaka kubufata ku ngufu; bityo ingoma zigasimburana ari uko habanje kumeneka amaraso menshi cyane. Koko rero, kuva u Rwanda rwakwigenga batatu mu bigeze kuba Abaperezida ba Repubulika bapfuye bahotowe, utarishwe na we yajugunywe mu munyururu n\u2019uwamusimbuye.<\/p>\n 3\u00b0Guhindura amoko y\u2019Abanyarwanda igikoresho cya politiki, iyo udutsiko dushaka gufata ubutegetsi byanze bikunze, cyangwa kubugundira ku nyungu zatwo gusa. Kuri iyi ngingo, turibukana akababaro kenshi Abatutsi bagiye bicirwa imbere mu gihugu, bahitanywe n\u2019Abahutu babazizaga ko bashobora kuba ari ibyitso by\u2019Inyenzi, ubwo zabaga zigabye ibitero by\u2019iterabwoba muri za 60, zigambiriye gufata ubutegetsi ku ngufu. Mu mateka ya vuba, turibuka intambara y\u2019Ukwakira 1990 yashojwe na FPR ndetse n\u2019itsembabwoko n\u2019itsembatsemba byo mu 1994 ubwo FPR yari imaze kwivugana ba Perezida Habyarimana Yuvenali na Sipriyani Ntaryamira. Ayo mahano yahaye FPR urwaho rwo kugera ku butegetsi, nyamara byahitanye amamiliyoni y\u2019Abatutsi n\u2019Abahutu mu Rwanda, ndetse n\u2019impunzi z\u2019Abahutu zari zakwiriye imishwaro mu mashyamba ya Congo, abazihigaga bakazitsembamo ibihumbi amagana.<\/p>\n 4\u00b0Ikibazo cy\u2019irondakarere cyagaragaye ubwa mbere ahagana mu 1968, ubwo Abaparimehutu bo mu mumajyepfo n\u2019abo mu majyaruguru y\u2019u Rwanda, bateshukaga ku nshingano yo guharanira inyungu rusange, ahubwo bagasamarira indonke zabo bwite, cyahumanyije bikomeye uburyo bwo gukora politiki mu Rwanda ku gihe cya Repubulika ya mbere n\u2019iya kabiri. Na n\u2019ubu ayo amacakubiri akaba akomeje kuranga bamwe mu banyarwanda b\u2019impuguke babarizwa mu buhungiro, ndetse akaba yaranadukiriye urubyiruko kandi ari rwo rwari rukwiye gushyira hamwe ingufu kugira ngo rusezerere ingoma y\u2019igitugu ihejeje Abanyarwanda ku ngoyi.<\/p>\n 5\u00b0Ikibazo cy\u2019irondakoko cyarushijeho gukara bitewe n\u2019uko ishyaka rya FPR-Inkotanyi, rimaze gutsinda intambara y\u2019amasasu, ryashyizeho ubutegetsi bwubakiye ku kinyoma cyahawe intebe hifashishijwe ingengabitekerezo yuje uburiganya yitwa\u201d Jenoside yakorewe Abatutsi ikozwe n\u2019Abahutu bose\u201d. Iryo vangura ryashinze imizi no mu bucamanza hakoreshejwe Inkiko Gacaca zigamije gukingira ikibaba Agatsiko k\u2019Abatutsi bakoze ibyaha bikomeye no guhashya Abahutu bose muri rusange. Aha twakongeraho n\u2019uruhare rw\u2019umuryango IBUKA ufatanyije na FPR mu guhimbira ibyaha abahutu; cyane cyane abishoboye cyangwa abakekwaho ubushobozi bwo kuba bashishikariza abaturage guharanira uburenganzira bwabo.<\/p>\n 6\u00b0Ikibazo cy\u2019impunzi cyaburiwe umuti kugeza aho uyu munsi u Rwanda rubarirwa mu bihugu bisumbya ibindi umubare w\u2019impunzi. Igiteye impungenge kurushaho ni uko muri izo mpunzi dusangamo n\u2019uwahoze ari umwami w\u2019u Rwanda, Kigeli V Ndahindurwa n\u2019abandi benshi bahoze mu buyobozi bw\u2019igihugu no mu mirimo yindi inyuranye, kandi bakabaye bakigikorera. Abo bose ni ingufu u Rwanda rukomeje gutakaza.<\/p>\n III. IBINTU BIGEZE IWA NDABAGA<\/p>\n Bana b\u2019u Rwanda, nshuti z\u2019u Rwanda,<\/p>\n Mu myaka 18 FPR imaze ku butegetsi, igitugu cyarimitswe, maze akarengane gasakara mu gihugu mu ngeri zose z\u2019ubuzima bwa buri munsi.<\/p>\n 1\u00b0Ku birebana na politiki, ubutegetsi bwikubiwe n\u2019Agatsiko k\u2019abasirikare bakuriye mu buhungiro mu gihugu cya Uganda. Barangajwe imbere na Jenerali Paul Kagame wahinduye igihugu akarima ke, akaba agitegeka atitaye ku nyungu rusange z\u2019Abanyarwanda, ahubwo ashyize imbere gusa inyungu ze bwite n\u2019iz\u2019agatsiko ka bene wabo n\u2019incuti ze. Ikirushijeho gutera Abanyarwanda agahinda ni ukubona abagize kariya gatsiko ari ba ruharwa mu bwicanyi nyamara bakaba badakurikiranwa n\u2019inkiko, kandi abenshi muri bo bashakishwa n\u2019ubutabera mpuzamahanga , nk\u2019ubw\u2019igihugu cya Hispaniya ndetse n\u2019ubwo mu Bufaransa.<\/p>\n Kugira ngo bimakaze ubutegetsi bwabo bw\u2019igitugu cya gisirikare, Jenerali Paul Kagame n\u2019ibyegera bye bashyizeho amategeko yo kuniga uburenganzira bw\u2019Abanyarwanda uhereye ku bw\u2019itangazamakuru ryigenga, ukageza ku bw\u2019amashyaka ya politiki yangiwe gukorera mu bwisanzure mu gihugu.<\/p>\n Amacakubiri hagati y\u2019amoko atuye u Rwanda yarenze urugero, ku buryo amahoro avugwa mu Rwanda ari ay\u2019icyitiriro gusa, hagamijwe kujijisha amahanga. Dore ikibigaragaza:<\/p>\n Icya mbere, ni ubwinshi bw\u2019abasirikare bitwaje imbunda bahora bajagata mu baturage amanywa n\u2019ijoro nk\u2019aho igihugu kikiri mu ntambara. Bivugwa ko baba babungabunga umutekano, nyamara hirya no hino mu gihugu abantu baburirwa irengero cyangwa bagahotorwa mu manzaganya, bikitirirwa abagizi ba nabi batajya bamenyekana. 2\u00b0No mu rwego rw\u2019ubukungu ibintu ntibyifashe neza. Agatsiko kari ku butegetsi mu Rwanda gakomeje kwigwizaho ubukungu bw\u2019ikirenga katitaye ku bukene bwa rubanda rwa giseseka, kakaba gashishikajwe gusa n\u2019inyungu zako bwite hamwe n\u2019iz\u2019abantu cyangwa amasosiyete y\u2019ubucuruzi agashyigikiye. Ako gatsiko kabeshya amahanga ko kateje imbere igihugu kerekana amazu y\u2019imiturirwa kazamuye mu mugi wa Kigali ndetse n\u2019imibare y\u2019ibikabyo na za disikuru zo kwivuga ibigwi. Ibyo kandi bikorwa mu gihe abakene batabarika birukanwa mu migi, bagacirwa mu byaro aho bicirwa n\u2019umudari, kure y\u2019amaso y\u2019abanyamahanga.<\/p>\n 3\u00b0 Ibirebana n\u2019umuco nabyo si shyashya. Uburezi bwasubiye inyuma cyane, impamyabumenyi zihanitse zitangwa ku bwinshi nk\u2019inzoga ibishye, inyinshi muri zo zikaba ari umusaruro w\u2019inyigisho zidafite ireme. Nta mugayo kuko ibyigishwa n\u2019imfashanyigisho biciriritse cyane, ndetse na benshi mu barimu bakaba bafite ubushobozi buke, hagakubitiraho ko banahabwa umushahara w\u2019intica ntikize. Abanyeshuri basiba amasomo uko bishakiye, amanota agatangwa hakurikijwe icyenewabo ndetse na ruswa, ku buryo kubaka amashuri yigenga bisigaye ari ubushoramari nk\u2019ubundi bwose bw\u2019abaharanira kwinjiza ifaranga gusa.<\/p>\n Ubundi uko tubizi, amateka ni kimwe mu bintu by\u2019ibanze umuco wa buri gihugu ushamikiraho. Birahangayikishije kubona mu Rwanda amateka y\u2019igihugu atakigishwa mu mashuri nyuma y\u2019aho FPR Inkotanyi ifatiye ubutegetsi muw\u20191994, bikaba biri muri gahunda y\u2019abahezanguni bashaka kugoreka amateka uko iminsi igenda ihita. Icyo FPR igamije mu by\u2019ukuri, ni ugusimbuza amateka ibyiyumviro byenyegeza inzika mu Banyarwanda, ari nayo mpamvu abaharanira ukuri n\u2019imibanire myiza y\u2019abaturarwanda bagomba kwamagana iyo migirire, bagakora ibishoboka byose kugira ngo amateka nyayo abe ariyo asugira mu bana b\u2019u Rwanda.<\/p>\n Abanyarwanda bafite umwihariko n\u2019amahirwe byo kuba bose bumva kandi bakavuga ururimi rusange rw\u2019Ikinyarwanda. Ibyo bishoboka hake muri Afrika. Amashuri yakagombye kwigisha Ikinyarwanda ashyizeho umwete, abari mu nzego z\u2019ubuyobozi bagashishikarira kuvuga ururimi gakondo mu buryo butunganye. Birababaje rwose kubona benshi mu bategetsi ndetse n\u2019abanyamakuru bo mu Rwanda basa n\u2019aho batoranywa hakurikijwe ubumenyi buke bw\u2019amagambo n\u2019ikibonezamvugo by\u2019Ikinyarwanda.<\/p>\n Birakwiye kandi ko n\u2019Abanyarwanda baba mu mahanga bakwihatira gukunda ururimi rw\u2019Ikinyarwanda no gutoza abana babo kuruvuga no kurwandika neza.<\/p>\n Umuco w\u2019igihugu twawugereranya n\u2019umutima wacyo, akaba ari nayo mpamvu biteye agahinda kubona Abanyarwanda bamwe basamarira imico y\u2019amahanga, ari na ko batakaza uwabo.<\/p>\n IV.UMWANZURO : U RWANDA RUZAKIZWA N\u2019UBUTEGETSI BUSHYA<\/strong><\/p>\n N’ubwo FPR yakomeje kubeshya yigaragaza nk\u2019aho ubutegetsi bwayo bushishikariye kuzamura igihugu mu bukungu, ikinyoma cyayo kirimo kujya ahabona. Bimaze kugaragara neza ko ingoma ya Kagame ari iy\u2019igitugu cy\u2019agatsiko gashaka kwihambira ku butegetsi, gahutaza ndetse gahitana abanyamakuru bigenga n\u2019abanyapolitiki batavuga rumwe na ko, kabafungira akamama, ari nako kabashyiraho iterabwoba.<\/p>\n FPR yashyizeho politiki ikaze y\u2019ivanguramoko idatandukanye na busa na politiki ya ruvumwa ya Apartheid yaciwe muri Afrika y\u2019Epfo. Iyo politiki y\u2019ivangura ibangamiye bitavugwa imbaga y\u2019Abanyarwanda. Bikaba ndetse bigaragarira buri wese ko politiki iyoboye u Rwanda muri iki gihe isa n\u2019iyariho mu gihe cya gihake na cyami, mbere y\u2019Ubwigenge.<\/p>\n Bana b\u2019u Rwanda namwe ncuti z\u2019u Rwanda,<\/p>\n Mu by\u2019ukuri, nta kindi cyarangiza iki gihirahiro Abanyarwanda benshi barimo, uretse ihinduka ry\u2019ubutegetsi n\u2019ivugururwa rihamye mu mikorere ya politiki mu gihugu cyacu. Nyamara ubutegetsi bw\u2019igitugu bwa FPR na Perezida wayo Paul Kagame bakomeje kunangira no kuvunira ibiti mu matwi.<\/p>\n Ni yo mpamvu, kuri iyi Yubile y\u2019imyaka 50 u Rwanda rumaze rwigenga, ishyaka RDI ryongeye guhamagarira Abanyarwanda bose baharanira demokarasi, guhuriza hamwe imbaraga bidatinze kugira ngo baboneze uburyo bwo kugera kuri iyo mpinduka.<\/p>\n Kugira ngo ibyiza dukesha Ubwigenge, ari byo Repubulika na demokarasi, bye kugenda nka Nyomberi, ni ngombwa ko dushyiraho mu Rwanda inzego nshya z\u2019ubutegetsi bw\u2019inzibacyuho nk\u2019ubwateganywaga n\u2019Amasezerano y\u2019Arusha, izo nzego zigahabwa inshingano yo gukoresha mu maguru mashya amatora anyuze mu mucyo no mu bwisanzure; kandi azira uburiganya.<\/p>\n Iyi mpinduka duharanira izagerwaho bivuye ku butwari n\u2019ubwitange bw\u2019abahungu n\u2019abakobwa b\u2019u Rwanda barahiriye kudatatira Intwari zatugejeje ku Bwigenge na Repubulika, bakaba baragize nk\u2019intego yabo: Ukuri; Ubutabera n\u2019Ubwisanzure. Ni muri ubwo buryo Leta y\u2019Inzibacyuho izaba ifite inshingano yo gufasha u Rwanda gutera intambwe yo kuba igihugu cyubahiriza uburenganzira bw\u2019abagituye bose, mu buringanire, ikazihutira gukoresha Inama Rukokoma kugira ngo Abanyarwanda bigire hamwe mu bwisanzure imvo n\u2019imvano y\u2019akaga bahuye na ko muri iki kinyejana tuvuyemo, igashaka n\u2019ibisubizo bizubakirwaho Igihugu cy\u2019Amahoro.<\/p>\n Inama Rukokoma izagaragaza amakosa ya buri wese, abahekuye u Rwanda bose ibakanire urubakwiye, ariko cyane cyane iyo nama ikazaba ishingiro ry\u2019umuryango nyarwanda mushya urangwa n\u2019ituze n\u2019ubwiyunge, aho ukuri kuzaba nk\u2019umukenyero ubutabera bukaba umwitero.<\/p>\n Nibahuza uyu mugambi, abaharanira impinduka mu Rwanda bazaba bahaye igihugu cyacu umusanzu ntagereranywa wo guha abana bacu ndetse n\u2019abuzukuru icyizere cyo kurya imbuto z\u2019Ubwigenge ubuziraherezo. Harakabaho Ubwigenge! Bikorewe i Buruseli, ku wa 30 Kamena 2012.<\/p>\n Fawustini TWAGIRAMUNGU<\/strong> Banyarwanda, Banyarwandakazi, Kwizihiza imyaka mirongo itanu y\u2019ubwigenge bw\u2019igihugu cyacu kuri uyu wa mbere Nyakanga 2012 ni igikorwa gihambaye kizakomeza kwibukwa mu mateka y\u2019U Rwanda. Mu kwifatanya n\u2019Abanyarwanda muri iki gikorwa, ishyaka RDI ryifuje ko twasubiza amaso inyuma, tukibukiranya intambwe z\u2019ingenzi zatewe mu kwigobotora ingoma ya cyami-gihake n\u2019iya gikolonize, ndetse tukavuga ibigwi abayobozi b\u2019imena ba Revolisiyo […]<\/p>\n","protected":false},"author":3,"featured_media":200,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[],"tags":[],"class_list":["post-248","post","type-post","status-publish","format-standard","has-post-thumbnail","hentry"],"yoast_head":"\n
\nMu byiza twagezeho, twavuga ibi bikurikira :<\/p>\n
\nIkindi kigaragaza ko mu by\u2019ukuri nta mahoro Abanyarwanda bafite, ni ubwoba n\u2019urwikekwe bahorana. Ntawe ukizera umuvandimwe we. Abanyagihugu bahahamuwe n\u2019uko ubutegetsi bwa Kagame bubagirira nabi bukoresheje inzego z\u2019ubutasi zunganira igisirikare mu kujujubya abaturage, nk\u2019uko byakorwaga ku ngoma z\u2019abanyagitugu kabuhariwe; nka Hitleri mu Budage cyangwa Cewosesiku muri Rumania.<\/p>\n
\nMu kurangiza, nifurije Abanyarwanda n\u2019Abanyarwandakazi, ndetse n\u2019inshuti z\u2019u Rwanda kugira Yubire nziza y\u2019Ubwigenge, aho bari hose !<\/p>\n
\nHarakabaho Repubulika y\u2019u Rwanda!
\nHarakabaho Demokarasi<\/p>\n
\nPerezida wa RDI-Rwanda Rwiza<\/p>\n","protected":false},"excerpt":{"rendered":"