Muri iki gihe hamaze iminsi havugwa urwikekwe hagati y\u2019u Rwanda na Repubulika iharanira Demokarasi ya Kongo rwaje no kuvamo urupfu rw\u2019umusirikari wa Kongo rwabaye kuwa gatandatu taliki 3 Ugushyingo 2012 akaba yararashwe n\u2019abasirikari b\u2019u Rwanda bamushinja ibikorwa by\u2019ubutasi byaje gukurura ubwumvikane buke hagati y\u2019impande zombie aho buri ruhande rushinja urundi kuba rwararukoreye urugomo.<\/p>\n
Ibi bikorwa byo gushotorana bibaye mu gihe leta ya Kongo ishinja leta ya Kagame gushoza intambara mu burasirazuba bw\u2019icyo gihugu yikinze inyuma y\u2019umutwe w\u2019inyeshyamba za M23 bikaba byaratumye amahanga ahagarikira u Rwanda imfashanyo mu gihe Umuryango w\u2019Abibumbye nawo wemeza ko leta ya Kagame ariyo nyirabayazana w\u2019ibibera muri icyo gihugu.<\/p>\n
Amakuru aturuka muri minisiteri y\u2019ingabo z\u2019u Rwanda aravuga ko Kagame amaze iminsi yitegura urugamba rukaze ku buryo muri iyo minisiteri hashize iminsi ikabakaba ine habera amanama y\u2019akatavanaho aho hategurwaga uburyo bazarinda ibitero bishobora kuzaturuka muri Kongo. Bikaba bivugwa ko amakamyo ya gisirikari aherekejwe n\u2019imodoka za gisivili ariko zikoreshwa mu nzego z\u2019iperereza amaze iminsi akwirakwiza ibikoresho bya gisirikari hirya no hino mu gihugu hagamijwe kwitegura guhangana n\u2019ibitero bishobora kuzaturuka muri Kongo. Bikaba bivugwa ko Kabila yaba yaritabaje ibihugu by\u2019amahanga nka Angola na Afrika y\u2019Epfo ngo bizamufashe guhashya inyeshyamba za Kagame.<\/p>\n
Andi makuru aturuka mu bakozi b\u2019amabanki aravuga ko ayo mabanki yahawe itegeko ryo kutongera gutanga amafaranga y\u2019inguzanyo no kutongera gutanga umusogongero ku mushahara (avance sur salaire) kereka ngo mu kwezi kwa gatatu k\u2019umwaka utaha. Ibi ababikurikiranira hafi bemeza ko u Rwanda rushobora guhura n\u2019ingorane zikomeye kuko n\u2019abaturage kuri ubu basaba Imana ngo ibakize umunyagitugu. Iri hagarikwa ry\u2019amafaranga ngo rigamije gufasha leta ya Kagame kwiyegereza umutungo kugirango igihe yaba igabweho igitero gikomeye izashobore kwivuna umwanzi nibiba byanze iyikorere iyabangire ingata nk\u2019uko byemezwa n\u2019abo mu gisirikari cya Kagame.<\/p>\n
Na none amakuru aturuka muri minisiteri y\u2019imari aremeza ko noneho iyi minisiteri yahawe inshingano zo gushakisha aho amafaranga yaturuka kugirango abakozi bakomeze guhembwa ikaba yaranabwiwe ukuri kose ko nta mafaranga ahari ngo bazakore uko bashoboye barebe ko nibura haboneka imishahara y\u2019abakozi. Ibi ariko bikomereye cyane iyi minisiteri ariko ngo harateganywa gukomeza kugabanya abakozi bo mu nzego zimw na zimwe. Ndetse no mu kiganiro Ministre w’imali Bwana John Rwangombwa yagiranye n’ibiro ntaramakuru by’abongereza Reuters yatangaje ko inkunga z’amahanga zahagaritswe nibirenga ukwezi k’Ukuboza 2012 zitarongera gutangwa bizasiga iheruheru ubukungu bw’u Rwanda. Aha biravugwa ko abaganga bo mu bitaro byitiriwe umwami Fayisali bya Kigali bagabanyirijwe imishahara ndetse bamwe baranasezererwa. Iki kikaba ari ikibazo cy\u2019insobe kuri leta ubu isa n\u2019aho yabuze uko yifata nyuma yo guterwa umugongo n\u2019amahanga.<\/p>\n