Uyu Ntamwera Denise twahuriye i Buruseli mu Bubiligi kuwa gatandatu tariki ya 17\/02\/2018,mu muhango wo kwibuka no gusabira nyakwigendera Colonnel Partick Karegeya wiciwe muri Afurika y\u2019epfo, yongera kutubwira uko nawe abayeho nyuma y\u2019imyaka 15 ari umupfakazi wa Nyakwigendera Lt Colonnel Cyiza Augustini.<\/p>\n
Cyiza Augustini yari umusilikare mu ngabo z\u2019u Rwanda ku gihe cy\u2019ubutegetsi bwa Habyarimana, afite ipeti rya Major, ayobora urukiko rwa gisilikare : Conseil de guerre mu mwaka w\u20191994.<\/p>\n
Nyuma ya 1994 FPR ifashe ubutegetsi, Major Cyiza yakomereje mu ngabo za FPR\/Inkotanyi.<\/p>\n
– Ngo yaje guhabwa umwanya w\u2019ikitiriro w\u2019ubujyanama muri \u00e9tat major y\u2019ingabo za FPR\/Inkotanyi, umwanya yavanyweho agashingwa kuyobora urukiko rusesa imanza, abifatanije no kuba vice-prezida w\u2019urukiko rw\u2019ikirenga.<\/p>\n
– Ngo kutihanganira akarengane gakorerwa abaturage, byamuviriyemo kunanizwa ahitamo gusezera, asigara gusa ari umucamanza m\u2019urukiko rw\u2019ikirenga ; umwanya yitwaga ko yicayemo, nta mirimo afite, ariko mu mategeko afatwa nk\u2019umucamanza m\u2019urukiko rw\u2019ikirenga, umurimo ngo atigeze ahemberwa na rimwe.<\/p>\n
– Abibonye atyo, yishakira imirimo, aho yari umwigisha w\u2019amategeko muri za kaminuza z\u2019u Rwanda zinyuranye.<\/p>\n
– Umunsi ntarengwa we ku itariki ya 23\/04\/2003,abari bashinzwe kumulinda ngo nibo bamushimuse, dore ko yari ageze ku ipeti rya Lieutenant Colonnel, bamushimutiye ahitwa ku Gishushu avuye kwigisha muri universit\u00e9 y\u2019abadventiste UNILAK.<\/p>\n
– Ngo hari hashize icyumweru kimwe abonanye na Prezida Kagame, umubonano ngo warangiye Prezida Kagame amubwiye ngo hari icyo amuhishe.<\/p>\n
– Madame Cyiza Denise ati : yagiye ubutagaruka , n\u2019umurambo we sinawubonye.<\/p>\n
– Lt Colonnel Cyiza Augustini ashimutwa yari afite imyaka 48 gusa y\u2019amavuko kuko yavutse ku itariki ya 01\/11\/1955 muri Komini Gafunzo I Cyangugu.<\/p>\n
Uyu Denise arashima ubutwari bw\u2019abagore b\u2019abanyarwandakakazi, uko bitwaye mu bigeragezo byose bahuye nabyo kuva intambara yatera kugeza magingo aya.<\/p>\n
Uyu Denise akaba ari umubyeyi wemera cyane imbaraga z\u2019Imana.<\/p>\n