{"id":2507,"date":"2012-11-07T17:07:45","date_gmt":"2012-11-07T15:07:45","guid":{"rendered":"http:\/\/www.therwandan.com\/ki\/?p=2507"},"modified":"2012-11-07T17:15:53","modified_gmt":"2012-11-07T15:15:53","slug":"obama-yavuze-ko-azakorana-na-romney-kugira-ngo-bashobore-guteza-igihugu-cyabo-imbere","status":"publish","type":"post","link":"https:\/\/www.therwandan.com\/ki\/obama-yavuze-ko-azakorana-na-romney-kugira-ngo-bashobore-guteza-igihugu-cyabo-imbere\/","title":{"rendered":"Obama yavuze ko azakorana na Romney kugira ngo bashobore guteza igihugu cyabo imbere"},"content":{"rendered":"
\u201dKuri Leta Zunze Ubumwe z\u2019Amerika, ibyiza biri imbere\u201d: Ayo magambo yavuzwe na Barack Obama igihe yakirwaga n\u2019imbaga y\u2019abantu ubwo yari ageze kuri “McCormick Place” i Chicago ari kumwe n\u2019umugore we n\u2019abakobwa be babiri.<\/p>\n
Obama wabaye umukuru w\u2019igihugu wa mbere w\u2019Amerika ufite inkomoko y\u2019abirabura, yari yatsindiye intebe yo mu nzu yera (Maison Blanche\/white House) mu myaka ine ishize intego ye icyo gihe yari \u201dicyizere n\u2019amahinduka\u201d, na none yashoboye kumvisha abanyamerika ko ari we ushoboye kubayobora mu myaka 4 itaha, n\u2019ubwo bwose ubukungu butari bwifashe neza.<\/p>\n
Nta na rimwe kuva mu myaka ya 1930, umukuru wa Leta Zunze Ubumwe z\u2019Amerika yigeze yongera gutorwa hari abatagira akazi bari hejuru ya 7,2%. Bill Clinton niwe mudemokarate umwe wenyine, washoboye gutegeka manda 2 yikurikiranya kuva intambara ya kabiri y\u2019isi yarangira. Umugore we Hillary Clinton biravugwa ko yari yaratangaje ko azahita areka umwanya we w\u2019ubunyamabanga wa Leta, kuri Manda ya kabiri ya Obama ndetse ngo akava no muri politiki, ariko hari abavuga ko ashobora gushaka guhatanira kuyobora Amerika mu myaka 4 itaha.<\/p>\n
Obama yemeza ko agarutse mu mwanya we wo kuyobora igihugu n\u2019ingufu nyinshi kandi agamije kurangiza ibyo atashoboye kurangiza mu myaka 4 ishize. Ariko ashobora kutazoroherwa n\u2019ubwinshi bw\u2019abarepublicans bari muri kongere hakurikijwe ibyavuye mu matora yo kuri uyu wa kabiri.<\/p>\n
Obama yagize ati: \u201dntabwo dutandukanye cyane nk\u2019uko politiki yacu isa nk\u2019ibigaragaza\u201d yishimiye ukwiyamamaza ngo kwarimo umurava mwinshi ku ruhande rw\u2019uwo bari bahanganye Mitt Romney, kandi yavuze ko yiyeje kuzakorana nawe kugirango barusheho guteza imbere igihugu.<\/p>\n
Ku ruhande rwa Mitt Romney, we yemeye ko yatsinzwe, isaha n\u2019igice nyuma y\u2019itangazwa ry\u2019ibyavuye mu matora. Yatangaje ko bose bitanze cyane muri uku guhatanira gutegeka igihugu gikomeye cya mbere kw\u2019isi ndetse yifuriza uwatsinze kuzayobora neza mu myaka 4 itaha, ibyo yabivugiye i Boston imbere y\u2019ibihumbi by\u2019abamushyigikiye. Mitt Romney hari benshi bamubonaga nk\u2019umukandida w\u2019abakire nk\u2019uko abarepublicans benshi bakunze kubonwa, ndetse nta gushidikanya ko amashusho yafashwe mu bwihisho aho yasaga n\u2019unegura abanyamerika bagera kuri 47% ngo b\u2019abakene bagendera ku bufasha bwa Leta, ari bimwe mu byatumye atsindwa aya matora.<\/p>\n
I Chicago kimwe no kuri Times Square i New York, urusaku rw\u2019ibyishimo rwari rwinshi abantu bishimira intsinzi ya Obama<\/p>\n
Obama yatsinze muri za Leta zikunze guhindagurika mu mitorere, bityo bituma icyizere cya Romney cyo kumukura ku ntebe kiyoyoka, ayo ma Leta abakandida bombi bari bayasuye muri iyi minsi ya nyuma yo kwiyamamaza. Obama yatsinze bidasubirwaho muri izo Leta uretse muri Carolina ya ruguru. Intsinzi ya Obama yari yizewe kuva igihe yari amaze gutsindira Ohio, imwe muri za Leta zikomeye, ndetse na Obama ubwe yabyishimiye iyo ntsinzi muri Ohio mu butumwa yacishije kuri twitter.<\/p>\n
Mu buryo bwo gutora mu buryo buziguye, utsinda n\u2019ushobora kubona amajwi 270 kuri 538 mu cyo bita coll\u00e8ge \u00e9lectoral\/Electoral College. Obama yararengeje abona 303.<\/p>\n
Ugutsinda kwa Obama gusa nk\u2019aho kutamworoheye nko mu 2008, aho yari yanikiriye John McCain, ubu Romney yatsindiye Carolina ya ruguru na Indiana, Leta zari zatsindiwe na Obama mu myaka 4 ishize, Leta ya Florida ibyayo ntibirasobanuka neza ariko ntacyo bishobora guhindura ku ntsinzi ya Obama. Ukubarura amajwi kwari kwahagaritswe mu ijoro ryo ku wa kabiri rishyira ku wa gatatu, kwakomeje bukeye nk\u2019uko bitangazwa n\u2019ibitangazamakuru byo muri Amerika.<\/p>\n
Mitt Romney, umuherwe w\u2019imyaka 65, mu kwiyamamaza kwe yari yashyize ingufu nyinshi mu kunenga Obama mu by\u2019ubukungu muri iyi myaka 4 yari ishize ategeka, naho Obama we yiyerekanye nk\u2019urengera abantu basanzwe.<\/p>\n
![\"\"](\"http:\/\/www.therwandan.com\/ki\/wp-content\/uploads\/sites\/3\/2012\/11\/obama-2012.jpg\")
<\/a><\/p>\n