{"id":2533,"date":"2012-11-09T04:01:44","date_gmt":"2012-11-09T04:01:44","guid":{"rendered":"http:\/\/www.therwandan.com\/ki\/?p=2533"},"modified":"2016-10-28T17:14:00","modified_gmt":"2016-10-28T17:14:00","slug":"marciana-mukamurenzi-aracyiruka-agatsinda-ku-myaka-53","status":"publish","type":"post","link":"https:\/\/www.therwandan.com\/ki\/marciana-mukamurenzi-aracyiruka-agatsinda-ku-myaka-53\/","title":{"rendered":"Marciana Mukamurenzi aracyiruka agatsinda ku myaka 56!"},"content":{"rendered":"

Umunyarwandakazi Marciana Mukamurenzi<\/a> yabaye icyamamare mu kwiruka ahantu harehare nka metero 1500, 3000, 5000, 10000 na Marathon, ndetse niwe munyarwanda wenyine washoboye kubona umudari mu mikino nyafurika kugeza ubu, mu 1987 yabonye umudari wa Feza (argent) mu kwiruka metero 10000 mu mikino ngororamubiri yari yabereye i Nairobi muri Kenya. Dore bimwe mu bigwi bye:<\/p>\n

-yegukanye umwanya wa mbere muri Cross Internacional Juan Muguerza muri Espagne mu 1990.<\/p>\n

\"mukamurenzi1\"<\/a>-Mu mikino y\u2019Afrika yo hagati yabereye i Luanda mu 1981, yegukanye imidari 2 ya zahabu mu kwiruka metero 1500 na metero 3000.<\/p>\n

-Mu mikino y\u2019Afrika yo hagati yabereye i Brazzaville mu 1987 yegukanye imidari 2 ya zahabu muri metero 1500 na Metero 10000.<\/p>\n

-Mu mukino ya Francophonie mu 1989 muri Maroc, yabonye umudari wa zahabu mu kwiruka metero 10000, ndetse abona n\u2019umudari wa Feza (argent) mu kwiruka metero 3000.<\/p>\n

-Yabonye umwanya wa mbere muri Lotto Cross Cup de Hannut mu Bubiligi mu 1991<\/p>\n

-Yabonye umwanya wa mbere mu kwiruka metero 10000 mu mikino ngororamubiri ya Afrika yabereye Annaba muri Alg\u00e9rie mu 1988<\/p>\n

Yahagarariye u Rwanda mu mikino myinshi irimo imikino olempiki i Los Angeles mu 1984, i Seoul mu 1988 n\u2019i Barcelone mu 1992. Muri shampiyona z\u2019isi mu mikino ngororamubiri i Helsinki mu 1983, i Roma mu 1989, i Tokyo mu 1991<\/p>\n

\"\"\u00a0Kugeza ubu aracyafite imihigo w\u2019u Rwanda mu rwego rw\u2019abagore yo kwiruka metero 3000 na metero 10000, umuhigo wa Marathon nawo yari afite weshejwe na Epiphanie Nyirabarame i Berlin mu 2009.<\/p>\n

Yaje kujya kwitoreza mu Bufaransa mu 1987, aho yatuye mu mujyi wa Bordeaux kugeza mu 1994 ubwo yatashye mu Rwanda agiye kubana n\u2019umugabo bari bararushinze mu 1993. Intambara yahise itera ahungira muri Congo yitwaga Za\u00efre icyo gihe. Nyuma ashobora kugera muri Cameroun aho yaje gufashwa n\u2019uwahoze ari Umutoza we Roger Grange wamufashije gusubira kuba i Bordeaux mu Bufaransa ahagana mu 2003.<\/p>\n

Ubu Mukamurenzi uri mu kigero cy\u2019imyaka 56, akora akazi k\u2019uburinzi (gardienne d’immeuble) mu mujyi wa Bordeaux ariko akomeza kwirukanka mu marushanwa amwe n\u2019amwe. Ariko ikimubabaza n\u2019uko adafite ubwenegihugu bw\u2019ubufaransa ibyo bigatuma iyo atsinze intsinzi ye itagira agaciro mu rwego rw\u2019igihugu.<\/p>\n

Akomeje gutsinda amarushanwa menshi n\u2019ubwo akuze mu ikipe yitwa club d\u2019athl\u00e9tisme de L\u00e9ognan yirukankamo.<\/p>\n

Nta gushidikanya ko Mukamurenzi ari umunyarwanda wa mbere wabonye ibihembo byinshi akanatsinda n’amarushanwa menshi byaba mu Rwanda no mu mahanga mu bijyanye n’imikino ngororamubiri.<\/p>\n