Madame Ingabire Victoire Umuhoza uherutse gukatirwa igifungo cy\u2019imyaka 8 n\u2019Urukiko Rukuru, aratangaza ko yatunguwe no guhabwa igihano gito kandi ashinjwa ibyaha bikomeye, kuri we akaba abona ari uburyo Leta ishaka kumubuza uburenganzira bwo gukora politike.<\/p>\n
<\/p>\n
Ubwo ikinyamakuru Izuba Rirashe cyasuraga Ingabire Victoire taliki ya 06 Ugushyingo 2012 aho afungiye muri Gereza Nkuru ya Kigali, Ingabire yagize ati, \u201cubundi igihano cyose kijyana n\u2019ibyaha, uburemere bw\u2019ibyaha ndegwa n\u2019igifungo cy\u2019imyaka 8 ntaho bihuriye, ahubwo se abacamanza bo bemera koko ko ibyo byaha nabikoze?\u201d<\/p>\n
Ingabire Victoire Umuhoza yahamijwe ibyaha bibiri muri bitandatu yashinjwaga n\u2019ubushinjacyaha bw\u2019u Rwanda, yahamijwe gupfobya Jenoside yakorewe abatutsi no kubuza igihugu umudendezo.<\/p>\n
Nubwo avuga ko urukiko rwamuhaye igihano gito ugereranyije n\u2019uburemere bw\u2019ibyaha yahamijwe, Ingabire avuga atishimiye kiriya gihano kuko ari umwere.<\/p>\n
\u201cIgihano nacyakiriye nabi, kubera ko nzi ko ndi umwere, kiriya cyaha cyo gupfobya Jenoside sincyemera kuko ntapfobeje Jenoside, nta na rimwe nigeze mpakana Jenoside\u201d.<\/p>\n
Ingabire Victoire avuga ko yamaze kwemeranya n\u2019abamwunganira ko azajurira mu Rukiko rw\u2019Ikirenga.<\/p>\n
Ingabire yishimiye uko afashwe muri gereza<\/strong><\/p>\n Umuyobozi wa FDU Inkingi, ishyaka ritaremerwa mu Rwanda afungiwe mu cyumba cyihariye, yirirwamo wenyine ariko iyo bwije bamwoherereza indi mfungwa (y\u2019igitsina gore) kumuraza.<\/p>\n Icyumba araramo gifite ubwogero n\u2019ubwiherero bwa kijyambere, hatandukanye cyane n\u2019aho izindi mfungwa zifungirwa.<\/p>\n Ingabire ntarya ibyo kurya nk\u2019iby\u2019izindi mfungwa, ahubwo agemurirwa buri munsi n\u2019abarwanashyaka ba FDU Inkingi cyangwa agasurwa na bene wabo b\u2019umugabo we nkuko yabitangarije ikinyamakuru Izuba Rirashe.<\/p>\n Ingabire yagize ati, \u201curebye mbayeho neza, nta kibazo mfite uretse kuba mfunzwe gusa ariko ubuyobozi bwa gereza bumfashe neza.\u201d<\/p>\n Aho Ingabire afungiye hari igice cy\u2019isomero [hari ibitabo bitandukanye], kimwe n\u2019impapuro zose zirebana n\u2019urubanza rwe ari naho yakiriye umunyamakuru w\u2019ikinyamakuru Izuba Rirashe.<\/p>\n Binyuze ku bagemurira Ingabire muri gereza, abasha kumenya amakuru y\u2019umuryango we utuye mu gihugu cy\u2019u Buholandi.<\/p>\n Ingabire yagize ati, \u201cnta burenganzira mfite bwo kuvugana nabo cyangwa kubandikira ariko buri wa kane w\u2019icyumweru umugabo wanjye aratelefona, akabaza amakuru yanjye kandi akantumaho amenyesha ko nabo bameze neza\u201d.<\/p>\n