Mu Rwanda haravugwa urupfu ruteye urujijo rwa Me Donat Mutunzi wigeze kunganiraho Bwana Leon Mugesera. Igipolisi cy\u2019u Rwanda kiravuga ko yapfuye yiyahuriye muri Kasho ya polisi mu gihe umuryango we uvuga ko wari umaze iminsi waramubuze waranatanze ikirego mu nzego z\u2019iperereza ngo zimushakishe.<\/p>\n
Mu kiganiro Ijwi ry\u2019Amerika yagiranye na Mme Valentine Ugirimpuhwe ku gicamunsi cyo kuri uyu wa mbere, atubwira ku rupfu rw\u2019umugabo we Me Donat Mutunzi yasobanuye ko yarumenye mu ma saa tatu z\u2019igitondo cyo kuri uyu wa Mbere.<\/p>\n
Mme Ugirimpuhwe yatubwiye ko yahamagawe na telephone yo kuri sitasiyo ya Ndera mu karere ka Gasabo mu mujyi wa Kigali bamumenyesha ko umugabo we yiyahuye.<\/p>\n
Mme Ugirimpuhwe yatubwiye ko yari amaze iminsi 10 atabona umugabo we kandi atazi n\u2019aho yari aherereye.Yavuze ko uyu munyamategeko wigeze kunganiraho Leon Mugesera mu manza za Jenoside yabuze yari akimara kuvana abana be kwa muganga. Uyu mudamu yatubwiye ko akimara kubura umugabo we yagejeje ikirego mu bugenzacyaha asaba ko bamufasha kumushakisha.<\/p>\n
Uyu mudamu wabuze umugabo we yavuze kandi ko ku wa Gatanu tariki ya 13 z\u2019uku kwezi kwa Kane ku isaha ya saa sita ari bwo aheruka kuvugana n\u2019umugabo we kuri telephone. Nta byinshi yashatse kurenza kuri ibyo.<\/p>\n
Twashatse ku murongo wa telephone Senior Superintendent Modeste Mbabazi umuvugizi w\u2019urwego rushinzwe iperereza ntiyitaba inshuro nyinshi twamuhamagaye. Ntiyanasubije ubutumwa bugufi twamwoherereje kuri telephone kuri iyi nkuru twarimo dutegura.<\/p>\n
Gusa uyu muvugizi w\u2019urwego rushinzwe iperereza atangariza ikinyamakuru IGIHE iby\u2019urupfu rwa Me Mutunzi, yavuze ko \u2018yimanitse ari muri kasho ya polisi\u2019. Yagize ati \u201cTwabyumvise, twamenye ko ari umufungwa wafashwe mu ijoro ryo ku itariki 19 zishyira 20 z\u2019uku kwezi, aregwa ibyaha by\u2019urukozasoni bikoreshejwe ingufu. Mu gihe bari bakimukurikirana mu gitondo batubwira ko yimanitse ari muri kasho.\u201d<\/p>\n
Umurambo wa Me Mutunzi wajyanywe mu bitaro bya Kacyiru nk\u2019uko umugore we yabibwiye Ijwi ry\u2019Amerika kugira ngo abagenzacyaha bashinzwe kwegeranya ibimenyetso bakore akazi kabo.<\/p>\n
Me Julien Kavaruganda uhagarariye urugaga rw\u2019abunganira abandi mu nkiko yabwiye Ijwi ry\u2019Amerika ko kugeza ubu bategereje raporo ya polisi nyuma yo gukora ikizamini cya Autopsy ngo bamenye icyishe Me Mutunzi. Ukuriye urugaga rw\u2019abunganira abandi mu nkiko avuga ko nyuma yo kubona ibyo bizamini aribwo bashobora kugira icyo batangaza ku rupfu rwa mugenzi wabo.<\/p>\n
Gusa na we yemeje ko umuryango wa Me Mutunzi wari waramenyesheje urugaga ko yaburiwe irengero bafatanya n\u2019umuryango kumushakisha. Icyakora kugeza ubu urupfu rwa Me Mutunzi rwumvikana nk\u2019uruteye urujijo ukurikije ibitangazwa n\u2019impande zombi.<\/p>\n
VOA<\/p>\n","protected":false},"excerpt":{"rendered":"
Mu Rwanda haravugwa urupfu ruteye urujijo rwa Me Donat Mutunzi wigeze kunganiraho Bwana Leon Mugesera. Igipolisi cy\u2019u Rwanda kiravuga ko yapfuye yiyahuriye muri Kasho ya polisi mu gihe umuryango we uvuga ko wari umaze iminsi waramubuze waranatanze ikirego mu nzego z\u2019iperereza ngo zimushakishe. Mu kiganiro Ijwi ry\u2019Amerika yagiranye na Mme Valentine Ugirimpuhwe ku gicamunsi cyo […]<\/p>\n","protected":false},"author":2,"featured_media":26054,"comment_status":"open","ping_status":"open","sticky":false,"template":"","format":"video","meta":{"footnotes":""},"categories":[30],"tags":[],"class_list":["post-26052","post","type-post","status-publish","format-video","has-post-thumbnail","hentry","category-rwanda","post_format-post-format-video"],"yoast_head":"\n