{"id":26148,"date":"2018-04-26T17:00:29","date_gmt":"2018-04-26T15:00:29","guid":{"rendered":"http:\/\/www.therwandan.com\/ki\/?p=26148"},"modified":"2018-04-26T21:31:22","modified_gmt":"2018-04-26T19:31:22","slug":"rwanda-impunzi-21-zabanyekongo-zo-mu-nkambi-ya-kiziba-imbere-yubutabera-i-muhanga","status":"publish","type":"post","link":"https:\/\/www.therwandan.com\/ki\/rwanda-impunzi-21-zabanyekongo-zo-mu-nkambi-ya-kiziba-imbere-yubutabera-i-muhanga\/","title":{"rendered":"Rwanda: impunzi 22 z’Abanyekongo zo mu nkambi ya Kiziba imbere y’ubutabera i Muhanga"},"content":{"rendered":"

Mu Rwanda impunzi 22 z’Abanyekongo zo mu nkambi ya Kiziba ziregwa ibyaha birimo kurema umutwe w’iterabwoba no kutubaha amategeko y’igihugu, zitabye urukiko rwisumbuye rwa Muhanga.<\/p>\n

Mu rubanza rwamaze umwanya muto, ubushinjacyaha bwavuze ko abo bagabo bakomeza gufungwa indi minsi 30 y’agateganyo kugirango burangize iperereza ku byaha bashinjwa.<\/p>\n

Izo mpunzi zo mu nkambi ya Kiziba kuri ubu zifungiwe muri gereza ya Muhanga, zose zari mu mwambaro w’imfungwa w’iroza.<\/p>\n

Zari zitabye umucamanza w’urukiko rwisumbuye rwa Muhanga ku nshuro ya 3 ku ngingo y’ifungwa n’ifungurwa.<\/p>\n

Ubushinjacyaha bwavuze ko bugikeneye kongererwa igihe cyo kurangiza neza iperereza.<\/p>\n

Nta cyaha…<\/strong><\/p>\n

Abaregwa n’ababunganira babwiye urukiko ko nta cyaha bafite, ko iminsi y’igifungo yarangiye kandi kuri ubu bari bafunzwe mu buryo butubahirije amategeko bityo bakaba batari bakwiye kuguma muri gereza.<\/p>\n

Abaregwa basabaga kurekurwa kuko ngo ari impunzi zisanzwe zituye ahantu hazwi zitashobora gutoroka ngo zisubire iwabo muri Kongo kandi hakiri n’umutekano mucye.<\/p>\n

Ariko ubushinjacyaha buvuga ko bubafiteho impungenge zo kuba batoroka baramutse bafunguwe kandi ngo banica iperereza.<\/p>\n

Abaregwa bose bavuze ko bari banajuririye icyemezo cyo gufungwa iminsi 30 mu rukiko rwibanze rwa Bwishyura muri Karongi, babanje kuregwamo.<\/p>\n

\"Imyigaragambyo<\/span>
Imyigaragambyo y’impunzi z’Abanyekongo mu mezi abiri ashize zaguyemwo abantu 11<\/span><\/em><\/figcaption><\/figure>\n

Nubwo urubanza rutaratangira mu mizi, abaregwa bose barimo n’abatumva ikinyarwanda babwiye umucamanza ko ibyaha bashinjwa nta na kimwe bemera.<\/p>\n

Baregwa iki?<\/strong><\/p>\n

Izi mpunzi zo mu nkambi ya Kiziba mubyo zishinjwa harimo kurema umutwe w’iterabwoba binyuranyije n’amategeko y’u Rwanda.<\/p>\n

Zinavugwaho kuba zarabaye ku isonga ry’abarwanyije inzego z’umutekano mu myigaragambyo yabereye mu nkambi mu minsi ishize.<\/p>\n

Urukiko rwavuze ko urubanza ruzakomeza mu mpera z’uku kwezi kuri 30.<\/p>\n