Uyu Bwana Anastase Gasana, yabaye umwe mu bari bafite uruhare mu micungire y\u2019igihugu cy\u2019u Rwanda n\u2019abanyarwanda. Mu mwaka w\u20191995, y ari muri leta ya FPR\/Inkotanyi, aho yari Ministri ashinzwe ububanyi n\u2019amahanga.<\/p>\n
Leta y\u2019ikuzimu ni bande ? ese hari indi leta y\u2019imusozi ?<\/p>\n
Hashize imyaka 23 abanyarwanda bahungiye i kibeho mu Rwanda barasiwe mu maso ya LONI n\u2018abasilikare ba FPR inkotanyi.<\/p>\n
Umunsi ingabo za FPR\/INKOTANYI , ingabo zari zimaze gufata ubutegetsi, z\u2019u Rwanda zirasa impunzi mu nkambi yarimo abaturage bari bahunze ubwicanyi i kibeho, hari ku itariki ya 22 mata 1995 .
\nUmunyamakuru w\u2019umufotozi Paul Lowe w\u2019umwongereza wakoreraga agence Magnum avuga ko yari ahibereye, ko yabonye uko byagenze.<\/p>\n
Ibyo uwo Paul Lowe yabonye, yabibwiye Umunyamakuru Stephen Smith w\u2019umunyamerika,.<\/p>\n
Uyu Stephen Smith nawe yandika uko byagenze i Kibeho ku itariki ya 22 mata1995 mu kinyamakuru lib\u00e9ration cyasohotse ku itariki ya15 Gicuransi 1995,yanditse nyine ibyo yabwiwe na Paul Lowe wabibonye.<\/p>\n
Agira ati :
\nAbasilikare bari benshi bakikije impunzi mu nkambi ya Kibeho.
\nMbere y\u2019isaha ya sakumin\u2019ebyiri za nimugoroba (18h), urusaku rw\u2019ibisasu bya rutura na grenade rwumvikanye mu nkambi ya kibeho.
\nAbantu barapfa abandi bakwira imishwaro.
\nInkambi yarimo abantu bagera ku bihumbi ijana isigaramo intumbi n\u2019abasambaga gusa.<\/p>\n
Uwo munsi wo kuwa 22\/04\/1995 imvura yari yiriwe igwa.
\nAbasilikare ba FPR batemberaga hagati y\u2019imirambo bitwaje imitaka bahetse imbunda ku bitugu, ukuboko kudatwaye umutaka kwarimo inkoni bahirikishaga imirambo bareba ko abo bantu barashwe bashizemo umwuka .<\/p>\n
Uyu Munamakuru Smith akomeza agira ati :<\/p>\n
Mbere y\u2019itariki ya 22 mata abasilikare bari bamaze iminsi bazungurutse inkambi y\u2019impunzi, bazihindira hamwe ngo zegerane. Barazegeranyije k\u2019uburyo zari zicucitse ahantu hangana n\u2019ikibuga cy\u2019umupira w\u2019amaguru.
\nIzo mpunzi zari zirundanyije zihagaze.<\/p>\n
Icyagaragaye kandi hari abagize amakenga bakajya basosoka mu kirundo cy\u2019abantu bakavamo bagahunga.<\/p>\n
Kubera iyo mvura yari yiriwe igwa, abantu bashaka n\u2019ubwugamo.<\/p>\n
Izo mpunzi mu gihugu cyazo zari zarunzwe hamwe zasaga n\u2019izibitswemo ubwoba n\u2019abo basilikare b\u2019inkotanyi bari babazungurutse.<\/p>\n
Ntibyatinze rero, icyo batinyaga kibakorerwaho.<\/p>\n
Bararashwe biratinda.<\/p>\n
Nyuma y\u2019igihe kingana n\u2019iminota nka mirongo ine, mu mvura y\u2019amasasu n\u2019 urusaku rwayo, byose byaracecetse, na ya mvura yari ihise.<\/p>\n
Wa munyamakuru ufotora Paul Lowe ngo yemerewe kujya mu nkambi ari mu modoka ya LONI, amasasu amaze guceceka.<\/p>\n
Ngo akinjira muri iyo nkambi, yahingukiye ahari harinzwe N\u2019ABASILIKARE BA LONI bakomoka mu gihugu cya ZAMBIYA .
\nAhasanga imirambo igerekeranye wavuga ko yari irunze nk\u2019amasiteri y\u2019inkwi. Yahabonye kandi inkomere nyinshi z\u2019abana n\u2019abagore.<\/p>\n
Nyuma yo kubona ibyo, bwari bugorobye, na none uyu Paul Lowe yongeye kumva urusaku rw\u2019imbunda arebye imbere abona ni abasilikare barimo kurasa abaturage banyanyagiye ku umusozi.
\nAbo basilikare ngo basaga n\u2019abashimishijwe n\u2019ibyo barimo gukora, kuburyo wabonaga bashishikariye kwica, muri ako kagoroba gashyira ijoro, ku musozi hari imirambo gusa, kandi myinshi . Uyu ni umunyamakuru Smith ubyandika mu kinyamakuru Lib\u00e9ratio yo kuwa 15\/05\/1995.<\/p>\n
Ubwo ariko muri icyo gihe cyose, ari Leta y\u2019u Rwanda, ari imiryango y\u2019abagiraneza, yewe na Loni, nta kigeze gitangazwa k\u2019umugaragaro.<\/p>\n
Ku itariki ya 3 z\u2019 ukwezi kwa gatanu 1995 , nyuma y\u2019igihe kitari gito ugereranje n\u2019uburemere bw\u2019ubwo bwicanyi, niho habaye Inama yabereye i Kigali , yahuje Leta y\u2019u Rwanda na Loni, bavuga kuri ubwo bwicanyi bwari bumaze guhitana abanyarwanda batari bake.<\/p>\n
Muri iyo nama havuzwe ku mubare w\u2019abantu biciwe i Kibeho ku itariki ya 22 mata 1995.
\nUwari uhagarariye Leta y\u2019u Rwanda muri iyo nama, yavuze ko haguye abantu 338, loni yo yavuze ibihumbi bibili, abaganga b\u2019abasiikare des m\u00e9decins militaires, bo mu igihugu cya Australie bo bavuga ko babaze abantu ibihumbi 4000 .<\/p>\n
Paul Lowe we yemezako yabonye umubare munini w\u2019abapfuye Leta y\u2019u rwanda idashaka kwemera. Ati muhere kuri iyi foto mubare abayiriho. Ng\u2019uko uko inkuru ya Stephenn Smith na Paul Lowe ivugwa amahano y\u2019i Kibeho.<\/p>\n
Nyuma y\u2019imyaka 23, wakwibaza uti :
\n– Inzirakarengane z\u2019abanyarwanda baguye aho i kibeho bangana iki ?
\n– Ese haba hari irimbi ryashyinguwemo abo bantu ingabo za FPR zishe nabi, zikabica rubi ?
\n– Ni nde uzashyira ahagaragara amazina y\u2019abo bicanyi, ati ni kanaka na kananka,
\n– Ese baribukwa munzirakarengane z\u2019abanyarwanda baguye mu mahano yo mu Rwanda ? Nyamara ngo\u00ab UTABA AMATEKA NTABONA ITAKA \u00bb<\/p>\n
Izo nzirakarengane ngo zapangiwe umugambi wo kwicwa, abapanze uwo mugambi ngo barazwi. Ni ubuhamya bwa Bwana Gasana Anastase.<\/p>\n
Ikondera Libre, le 27 avril 2018<\/strong><\/p>\n","protected":false},"excerpt":{"rendered":" Uyu Bwana Anastase Gasana, yabaye umwe mu bari bafite uruhare mu micungire y\u2019igihugu cy\u2019u Rwanda n\u2019abanyarwanda. Mu mwaka w\u20191995, y ari muri leta ya FPR\/Inkotanyi, aho yari Ministri ashinzwe ububanyi n\u2019amahanga. Leta y\u2019ikuzimu ni bande ? ese hari indi leta y\u2019imusozi ? Hashize imyaka 23 abanyarwanda bahungiye i kibeho mu Rwanda barasiwe mu maso ya […]<\/p>\n","protected":false},"author":2,"featured_media":26252,"comment_status":"open","ping_status":"open","sticky":false,"template":"","format":"video","meta":{"footnotes":""},"categories":[47],"tags":[],"class_list":["post-26250","post","type-post","status-publish","format-video","has-post-thumbnail","hentry","category-abanyapolitiki","post_format-post-format-video"],"yoast_head":"\n