Urwego rujejwe gucungera ingene ibinyamakuru bikora mu Burundi, CNC, rwafashe ingingo yo guhagarika imiringo ya FM amaradiyo mpuzamakungu abiri, VOA na BBC, asamiranira ku butaka bw\u2019igihugu c\u2019Uburundi mu kiringo c\u2019amezi atandatu.<\/p>\n
Karenga Ramadhan arongoye urwo rwego yavuze ko radiyo BBC itihanuye kandi yaragabishijwe, nayo radiyo Ijwi ry\u2019Amerika yararenze amategeko mu kubandanya isamiranira ku murongo w\u2019iradiyo yugawe, mbere inaha akazi umumenyeshamakuru w\u2019umurundi aronderwa n\u2019ubutungane bw\u2019Uburundi .<\/p>\n
Karenga Ramadhan arongoye urwego CNC mu kiganiro ku bamenyeshamakuru yemeje ko abagize urwo rwego bumvirije ibivurwa mu binyamakuru bisamiranira mu Burundi kuva umwaka wa 2018 utanguye.<\/p>\n
Kuri uyu wa kane baciye bafata ingingo yo guhagarika iradiyo y\u2019Abongereza BBC hamwe n\u2019Ijwi ry\u2019Amerika mu kiringo c\u2019amezi atandatu kudasubira gusamiranira ku butaka bw\u2019Uburundi kuva kw\u2019igenekerezo ry\u2019indwi ukwezi kwa gatanu 2018. Karenga avuga ko BBC itihanuye kandi yaragabishijwe.<\/p>\n
Ku bijanye n\u2019iradiyo Ijwi ry\u2019Amerika uyo arongoye urwego CNC yavuze ko iyo radiyo yahonyanze amategeko bikomeye ari naco gituma ifatiwe ibihano itanagabishijwe. Ayo nayo ni nko kuvugira ku murongo w\u2019iradiyo yugawe, guha akazi umumenyeshamakuru aronderwa n\u2019ubutungane bw\u2019Uburundi hamwe n\u2019ugutangaza amakuru ahengamye.<\/p>\n
Ikindi kinyamakuru cafatiwe ibihano n\u2019ikinyamakuru Le Renouveau cahagaritswe igisata co kumenyekanisha mu kiringo c\u2019amezi atatu. Eka na radiyo y\u2019Abafaransa, iradiyo Isanganiro hamwe na radiyo CCIB fm bagabishijwe n\u2019urwo rwego.<\/p>\n
Abajijwe nimba izo ngingo urwo rwego rwafashe atari izerekana ko mu gihugu c\u2019Uburundi ata bwigenge bwo kumenyesha amakuru buhari mu gihe Uburundi buri no mu bihe bidasanzwe vy\u2019amatora, uwurongoye CNC yishuye ko urwo rwego rwisunga amategeko atakindi ruraba.<\/p>\n
Karenga yavuze ko izo ngingo za CNC atari ntabanduka kuko uwubona yarenganijwe ashobora kwitura ubutungane afise ukuri bukamurenganura. Izo ngingo zikaba ziyongera ku yafashwe ku wa 11 ukwezi kwa kane n\u2019urwo rwego yo guhagarika igisata c\u2019ikinyamakuru Iwacu aho abantu batangira ivyiyumviro ku nkuru zanditswe n\u2019ico kinyamakuru. Izo radiyo zihagaritswe zikaba zisanze mu bihano. Radiyo ntumbero FM yahagaritswe mu kiringo c\u2019amezi atandatu na CNC kuva m\u2019ukwezi kwa mbere 2018.<\/p>\n
Umumeneshamakuru w’Ijwi ry’Amerika i Bujumbura Raymond Nzimana yakurikiranye iyi nkuru<\/p>\n